Short News

લો બોલો, ઉપરાષ્ટ્રપતિનાં ચપ્પલ ચોરી થયાં

લો બોલો, ઉપરાષ્ટ્રપતિનાં ચપ્પલ ચોરી થયાં

ઉપરાષ્ટ્રપતિનાં ચપ્પલ ચોરાય જાય તે નવાઇ પમાડે તેવી ઘટના છે. શુક્રવારે ઉપરાષ્ટ્રપતિ વેંકૈયા નાયડુ ભાજપના સાંસદ પીસી મોહનના ઘરે ગયા હતા, આ સમયે તેમનાં ચપ્પલ ચોરી થઇ ગયાં હતાં. સિક્યોરિટી સ્ટાફે ચપ્પલ શોધવાનો પ્રયાસ કર્યો પણ ચપ્પલ ન મળતાં બાજુના શો રૂમમાંથી નવા ચપ્પલ ખરીદીને લાવવામાં આવ્યાં.
તાપી નદીમાં યુવકે મોતની છલાંગ લગાવી

તાપી નદીમાં યુવકે મોતની છલાંગ લગાવી

સરથાણા વિસ્તારમાં ગેરેજના વ્યવસાય સાથે સંકળાયેલા યુવકે તાપી નદીમાં આપઘાત કર્યો. ઘટનાની જાણ થતાં ફાયરબ્રિગેડનો કાફળો ઘટના સ્થળે દોડી આવ્યો હતો. જો કે યુવકને બચાવવામાં તેઓ નિષ્ફળ રહ્યા હતા. યુવક પાસેથી મળી આવેલા પર્સ દ્વારા તેની ઓળખાણ થઇ શકી છે. પોલીસે અકસ્માતે ગુનો નોંધી કાર્યવાહી આગળ ધપાવી.
ભણસાલીએ કરણી સેનાને પત્ર લખ્યો

ભણસાલીએ કરણી સેનાને પત્ર લખ્યો

સંજય લીલા ભણસાલીની ફિલ્મ પદ્માવતનો ભારે વિરોધ થઇ રહ્યો છે. મળી રહેલી ધમકીઓની વચ્ચે ફિલ્મના ડિરેક્ટર સંજય લીલા ભણસાલીએ કરણી સેનાને એક પત્ર લખ્યો છે. જેમાં ભણસાલીએ લખ્યું છે કે, તમને ફિલ્મ બતાવીને અમેં તમારી તમામ ગેરસમજણો દૂર કરવાનો પ્રયત્ન કર્યો હતો. અમારી ફિલ્મ રાજપૂતોના સમ્માન અને બહાદુરી દર્શાવે છે, અને રાણી પદ્માવતીનું ચિત્રણ અમે પૂરા સમ્માનથી કર્યું છે.
રિલાયન્સ કોમ્યુનિકેશન ગ્રાહકોના વધેલા પૈસા પાછા આપી દેઃ TRAI

રિલાયન્સ કોમ્યુનિકેશન ગ્રાહકોના વધેલા પૈસા પાછા આપી દેઃ TRAI

ટ્રાઇએ રિલાયન્સ કોમ્યુનિકેશનને ગ્રાહકોનું બચેલું બેલેન્સ પરત આપવા માટે આદેશ કર્યો છે. ગ્રાહકોએ આ મામલે નિયામકને ફરિયાદ કરી હતી. ટ્રાઇએ 15 ફેબ્રુઆરીથી 31 માર્ચ સુધીમાં આ મામલે આદેશનું પાલન થયું હોય તેવો રિપોર્ટ જમા કરાવવાનું કહ્યું છે. રિલાયન્સ કોમ્યુનિકેશને પોર્ટ કરવામાં આવેલા મોબાઇલ નંબર અને કૂપન વાઉચર પ્લાનમાં વપરાયેલા ન હોય તેવા પ્રીપેડ બેલેન્સ પરત કરશે.