Short News

કેન્દ્ર સરકારની ક્વોટા સિસ્ટમથી શુગર મીલોને મળ્યું જીવનદાન

કેન્દ્ર સરકારની ક્વોટા સિસ્ટમથી શુગર મીલોને મળ્યું જીવનદાન

કેન્દ્ર સરકારે ખાંડમાં સિસ્ટમ દાખલ કરી આયાત ડ્યુટી ડબલ કરી નાખતા શુગર મીલો જીવનદાન મળ્યુ છે, જેના લીધે ખાંડના ભાવમાં વધારો થયો હતો શનિવારે ખાંડના ભાવમાં રૂ. ૮૦થી ૯૦ના વધારા સાથે જે ભાવ એસના ૩,૩૮૦થી ૩,૪૫૦ હતા એમાં આજે વધારો થઈને ૩,૪૨૦ થી ૩,૪૮૦ થયા હતા જયારે એમ ના ભાવ ૩,૪૮૦થી ૩,૫૨૦ હતા જે આજે સોમવારે ૩,૫૨૦થી ૩,૬૦૦ હતા.
કૌભાંડી નીરવ મોદીએ આ દેશની નાગરિકતા માટે કરી અરજી

કૌભાંડી નીરવ મોદીએ આ દેશની નાગરિકતા માટે કરી અરજી

મુંબઈ-સુરતના ડાઇમન્ડ ટ્રેડિંગ બિઝનેસ સાથે ખૂબ ઘનિષ્ઠ રીતે સંકલાયેલા એક વ્યક્તિએ કહ્યું કે, '48 વર્ષીય નીરવ મોદી અને તેનો પરિવાર કેરેબિયન ટાપુ સેંટ.કિટ્સની નાગરીક્તા લેવાના પ્રયાસમાં છે. કોમનવેલ્થ સભ્ય અને ભારત સાથે મિત્રતા હોવા છતા ભારત સાથે કોઈ પ્રત્યાર્પણ સંધિ નહીં હોવાથી નીરવ મોદીનું પ્રત્યાર્પણ અઘરું બનશે.
શ્રીદેવીને શ્રદ્ધાંજલિમાં કોંગ્રેસની આત્મશ્લાઘા

શ્રીદેવીને શ્રદ્ધાંજલિમાં કોંગ્રેસની આત્મશ્લાઘા

એક્ટ્રેસ શ્રીદેવીના નિધનના સમાચાર બાદ કોંગ્રેસે પણ પોતાના અધિકૃત ટ્વિટર હેન્ડલથી ટ્વિટ કરી. શ્રદ્ધાંજલિ ટ્વીટમાં પણ આત્મશ્લાઘા કરનારી કોંગ્રેસ પર લોકો ગુસ્સામાં લાલપીળા થઈ ગયાં. જેથી કોંગ્રેસે આખરે ટ્વિટ ડિલીટ કરવી પડી. કોંગ્રેસે તેમાં સાંત્વના પાઠવવાની સાથે 2013માં UPA સરકારે તેને પદ્મશ્રી એનાયત કર્યાનો ઉલ્લેખ કર્યો હતો.
અમદાવાદમાં રોટોમેક કંપનીના બેકાર કર્મીઓની ડિમાન્ડ

અમદાવાદમાં રોટોમેક કંપનીના બેકાર કર્મીઓની ડિમાન્ડ

લિખતે લિખતે લવ હો જાયે જેવી ટેગ લાઇનથી શરૂ થયેલી રોટોમેક પેનની કંપનીને તાળા વાગી ગયા છે. અમદાવાદના ચાંગોદરમાં આવેલી કંપનીના કર્મચારીઓ બેકાર બની ગયા છે. આ બેકાર કર્મચારીઓની માંગણી છે કે સરકાર દરમિયાનગિરિ કરીને અમને અમારો હક અપાવે. આ માટે તેમણે દેખાવો કર્યા હતા.