Short News

ઉડાન યોજના અંતર્ગત આજથી ભાવનગર અને સુરત વચ્ચે ફ્લાઈટની થઈ શરૂઆત

ઉડાન યોજના અંતર્ગત આજથી ભાવનગર અને સુરત વચ્ચે ફ્લાઈટની થઈ શરૂઆત

ઉડાન યોજના અંતર્ગત આજથી ભાવનગર અને સુરત વચ્ચે ડાયરેક્ટ ફ્લાઈટની શરૂઆત કરવામાં આવી છે. જેમાં મુસાફરી કરી ભુપેન્દ્રસિંહ ચુડાસમા અને ભાજપ પ્રદેશ પ્રમુખ જીતુ વાઘાણી પણ સાથે સુરત પહોંચ્યા હતા. આ પ્રસંગે ભુપેન્દ્રસિંહ ચુડાસમાએ કહ્યું હતું કે આ ફ્લાઈટથી લોકોને સસ્તી અને સુરક્ષિત મુસાફરીનો લાભ મળશે તેમજ લોકો પોતાનો સમય પણ બચાવી શકશે.
કૌભાંડી નીરવ મોદી હોંગ કોંગથી અમેરિકા ભાગ્યો

કૌભાંડી નીરવ મોદી હોંગ કોંગથી અમેરિકા ભાગ્યો

પંજાબ નેશનલ બેંકને 13,000 કરોડ રુપિયાનો ચૂનો ચોપડી છૂ થઈ ગયેલો નીરવ મોદી ફેબ્રુઆરીમાં જ હોંગકોંગ છોડીને પણ ભાગી ગયો છે. થોડા દિવસ પહેલા જ ભારત સરકારે જણાવ્યું હતું કે, નીરવ મોદી હોંગકોંગમાં છે. હવે એવા સમાચાર આવી રહ્યા છે કે મોદી ભાગીને અમેરિકા પહોંચ્યો છે. મહત્વનું છે કે, આજે સાંજે જ પીએમ નરેન્દ્ર મોદી ચીનના બે દિવસના પ્રવાસે જઈ રહ્યા છે.
કેન્દ્રએ જસ્ટિસ જોસેફની ફાઇલ SCને ફેર વિચારણા કરવા પરત મોકલી

કેન્દ્રએ જસ્ટિસ જોસેફની ફાઇલ SCને ફેર વિચારણા કરવા પરત મોકલી

સરકારે ગુરુવારે સુપ્રીમ કોર્ટ કોલેજિયમની જસ્ટિસ કે એમ જોસેફને સુપ્રીમ કોર્ટના જજ બનાવવાની ભલામણ પરત કરી દીધી છે. કોલેજિયમને તેની પર ફરી વિચાર કરવા કહેવામાં આવ્યું છે. કોંગ્રેસે જસ્ટિસ જોસેફને સુપ્રીમ કોર્ટના જજ ન બનાવવા પર કહ્યું કે, મોદી સરકાર દેશના સૌથી સિનિયર મુખ્ય ન્યાયાધીશને સુપ્રીમ કોર્ટ ન મોકલીને બદલાનું રાજકારણ કરી રહી છે.
દેશની આર્થિક સ્થિતિ મજબૂત: DEA

દેશની આર્થિક સ્થિતિ મજબૂત: DEA

આરબીઆઈ અને સરકાર માને છે કે ભારતની આર્થિક સ્થિતિ બહુ મજબૂત છે. આર્થિક બાબતોના સચિવ સુભાષ ચંદ્ર ગર્ગે કહ્યું કે આરબીઆઈના હિસાબે હજૂ પણ મોંઘવારી ઘટશે અને ગ્રોથ પણ 7.4 ટકાની ઉપર રહેવાનું અનુમાન છે. આ સાથે તેમણે કહ્યું કે આરબીઆઈ હવે નવી 2000ની નોટનું સપ્લાઇ નથી કરી રહી. વપરાશનું વલણ જોતા હાલ વધુ નવી નોટ મૂકવાની જરૂરત નથી લાગી રહી.