Short News

11 વર્ષે મક્કા મસ્જિદ વિસ્ફોટ મામલે ચુકાદો, અસીમાનંદ સહિતના આરોપીઓ નિર્દોષ જાહેર

11 વર્ષે મક્કા મસ્જિદ વિસ્ફોટ મામલે ચુકાદો, અસીમાનંદ સહિતના આરોપીઓ નિર્દોષ જાહેર

NIAની વિશેષ કોર્ટે 11 વર્ષ બાદ મક્કા મસ્જિદ વિસ્ફોટ મામલે ઐતિહાસિક ચુકાદો આપ્યો છે. 2007માં હૈદરાબાદમાં થયેલાં વિસ્ફોટમાં 9 લોકોના મોત નિપજ્યાં હતા, જ્યારે 58થી વધુ લોકો ઘાયલ થયા હતા. આ મામલે 10 આરોપીઓમાંથી 8 લોકો વિરૂદ્ધ ચાર્જશીટ દાખલ કરવામાં આવી હતી. જો કે આ મામલે કોર્ટે દ્વારા અસીમાનંદ સહિત તમામ આરોપીઓને દોષ મુક્ત જાહેર કરવામાં આવ્યા હતા.
બ્રિટનના શાહી પરિવારમાં છોટે રાજકુમારની પધરામણી, કેટે આપ્યો દીકરાને જન્મ

બ્રિટનના શાહી પરિવારમાં છોટે રાજકુમારની પધરામણી, કેટે આપ્યો દીકરાને જન્મ

બ્રિટનના રાજપરિવારના મોટા પ્રિન્સ વિલિયમની પત્ની કેટ મિડલટને ત્રીજા સંતાન તરીકે દીકરાને જન્મ આપ્યો છે જે શાહી ગાદીનો પાંચમા ક્રમનો વારસદાર બન્યો છે. કેંસિંગ્ટન પેલેસે એક નિવેદનમાં જણાવ્યું છે કે શિશુનો જન્મ સ્થાનિક સમય પ્રમાણે સવારે 11:01 કલાકે થયો છે. બીબીસીના રિપોર્ટ પ્રમાણે બાળકનો જન્મ સેન્ટ મેરી હોસ્પિટલમાં થયો છે.
Wow : કાશ્મીરમાં હવે ચાલશે આવી ખાસિયતો ધરાવતી કાચની ટ્રેન

Wow : કાશ્મીરમાં હવે ચાલશે આવી ખાસિયતો ધરાવતી કાચની ટ્રેન

કાશ્મીરની ઘાટીઓની આહલાદક સુંદરતા પ્રવાસીઓ માણી શકે તે માટે રેલવે ખાસ પારદર્શક કોચ બનાવ્યા છે. ટ્રેનમાં મુસાફરી કરનારા ફક્ત બંને બાજુ જ નહીં પરંતુ છત પરથી પણ નજારો જોઈ શકશે. રેલવે વિભાગ હવે માત્ર રાજ્ય સરકારની મંજૂરીની રાહ જોવે છે. આ પ્રકારનો કોચ પહેલા જ કાશ્મીર પહોંચાડી દેવાયો છે અને ટ્રાયલ પણ પૂર્ણ કરાઈ છે. સૌથી પહેલા ટ્રેનને બડગામ-શ્રીનગર રૂટ પર ચલાવાશે.
તરબુચ મીઠું હશે કે ફિક્કું? આ રીતે ચકાસો

તરબુચ મીઠું હશે કે ફિક્કું? આ રીતે ચકાસો

ઉનાળો આવે એટલે તરબુચ સાથે લાવે. તરબુચ ખરીદનારાનો સામાન્ય પ્રશ્ન એ જ હોય છે કે તરબૂચ મીઠું હશે કે નહીં? તરબૂચ પર પીળા ડાઘ હોય તો તેનો અર્થ છે કે તેને ખેતરોમાં તડકામાં સારી રીતે પકવવામાં આવ્યું છે. એક સાઇઝના બે તરબૂચમાંથી જે વધારે વજનવાળું હશે તે વધારે રસદાર અને મીઠું હશે. શક્ય હોય ત્યાં સુધી ઓવલ શેપનું તરબૂચ જ ખરીદો. તેમાં મીઠાશ વધારે હોવાની શક્યતા હોય છે.