Short News

કુમારસ્વામીના 100 કરોડના આરોપ પર ભાજપે આપ્યો જવાબ

કુમારસ્વામીના 100 કરોડના આરોપ પર ભાજપે આપ્યો જવાબ

કર્ણાટકમાં વિધાનસભા ચૂંટણીના પરિણામો આવ્યા બાદ કોંગ્રેસ-જેડીએસ ગઠબંધન સરકાર બનાવવાની કોશિશમાં છે તો ભાજપ પણ કર્ણાટકમાં સરકાર બનાવવાનો દાવો કરતી દેખાઈ રહી છે. આ દરમિયાન જેડીએસના નેતા એચડી કુમારસ્વામીએ ભાજપ પર મોટો આરોપ લગાવ્યો છે. એચડી કુમારસ્વામીએ દાવો કર્યો કે તેમના પક્ષના પ્રત્યેક ધારાસભ્યને ભાજપ તરફથી 100 કરોડ રૂપિયાની ઓફર આપવામાં આવી છે.
PM મોદી સોમવારથી જશે રશિયા યાત્રા પર

PM મોદી સોમવારથી જશે રશિયા યાત્રા પર

PM નરેન્દ્ર મોદી સોમવારે રશિયાની યાત્રા પર જઈ રહ્યા છે. આ તેમની રશિયાની આ પહેલી યાત્રા નથી પણ આ યાત્રા બાકી યાત્રાઓથી અલગ રહેશે એવો દાવો કરવામાં આવ્યો છે. રશિયામાં ભારતના રાજદૂત પકંજ સારને જણાવ્યું કે, ફરી રાષ્ટ્રપતિ પસંદ કરાયાના 2 અઠવાડિયાની અંદર વ્લાદિમીર પુતિને વડાપ્રધાન મોદીને આમંત્રણ આપ્યું હતું.
ગુજરાતમાં 'કોંગ્રેસ આપના દ્વારે' અભિયાનનો પ્રારંભ

ગુજરાતમાં 'કોંગ્રેસ આપના દ્વારે' અભિયાનનો પ્રારંભ

ગુજરાતમાં કોંગ્રેસ હવે સંગઠનને મજબૂત કરવા માટે નવા નવા અભિયાનોની શરૂઆત કરી રહ્યું છે. કોંગ્રેસે 'કોંગ્રેસ આપના દ્વારે' ના નામથી એક અભિયાન શરૂ કર્યું છે. જેમાં તે ઘરે ઘરે જઈને લોકોનો સંપર્ક કરશે. અભિયાનમાં પ્રદેશ પ્રમુખ, પૂર્વ પ્રમુખ, નેતા વિપક્ષ અને ધારાસભ્યો પણ જોડાશે. મહત્વનું છે કે કોંગ્રેસ આ કાર્યક્રમને 48 વોર્ડમાં યોજાશે. વોર્ડ ફાળવી દેવામાં આવ્યા છે.
આ છે ભારતની પહેલી પિતા વિનાની બાળકી

આ છે ભારતની પહેલી પિતા વિનાની બાળકી

તવિશી પેરારા કદાચ ભારતની પહેલી ‘પિતા વિનાની દીકરી' તરીકે ઓળખાશે. મદ્રાસ હાઈકોર્ટે પ્રશાસનને બર્થ સર્ટિફિકેટમાં પિતાના નામની કોલમ ખાલી રાખવાનો આદેશ આપતા તવિશીના સર્ટિમાં પિતાના નામનો ઉલ્લેખ નહીં હોય. તવિશીની માતા માટે આ ચુકાદા સુધી પહોંચવું સરળ નહોતુ. દીકરીને પિતાના નામ વિનાનું બર્થ સર્ટિફિકેટ અપાવવા માટે મધુમિતા રમેશે બે વાર અદાલતમાં દાવો માંડવો પડ્યો હતો.