Short News

ભારતીય ક્રિકેટ ટીમના પૂર્વ કેપ્ટન મહેન્દ્રસિંહ ધોનીએ ક્રિકેટની સાથે નિશાનેબાજી પર હાથ અજમાવતો એક વિડિયો તેમના ટ્વીટર એકાઉન્ટ પર પોસ્ટ કર્યો હતો. જેમાં ધોનીએ 40 સેકન્ડમાં 15 ગન ફાયર કર્યા અને તેમાથી મોટા ભાગના નિશાન પર લાગ્યા હતા. ધોનીએ ટ્વીટમાં લખ્યું કે એડ શૂટિંગથી વધારે મજા શૂટિંગ કરવામાં આવે છે. ધોની સમય કાઢીને પોતાનો શૂટિંગનો શોખ પૂરો કરી લે છે.

બ્રિટનના રાજપરિવારના મોટા પ્રિન્સ વિલિયમની પત્ની કેટ મિડલટને ત્રીજા સંતાન તરીકે દીકરાને જન્મ આપ્યો છે જે શાહી ગાદીનો પાંચમા ક્રમનો વારસદાર બન્યો છે. કેંસિંગ્ટન પેલેસે એક નિવેદનમાં જણાવ્યું છે કે શિશુનો જન્મ સ્થાનિક સમય પ્રમાણે સવારે 11:01 કલાકે થયો છે. બીબીસીના રિપોર્ટ પ્રમાણે બાળકનો જન્મ સેન્ટ મેરી હોસ્પિટલમાં થયો છે.

કાશ્મીરની ઘાટીઓની આહલાદક સુંદરતા પ્રવાસીઓ માણી શકે તે માટે રેલવે ખાસ પારદર્શક કોચ બનાવ્યા છે. ટ્રેનમાં મુસાફરી કરનારા ફક્ત બંને બાજુ જ નહીં પરંતુ છત પરથી પણ નજારો જોઈ શકશે. રેલવે વિભાગ હવે માત્ર રાજ્ય સરકારની મંજૂરીની રાહ જોવે છે. આ પ્રકારનો કોચ પહેલા જ કાશ્મીર પહોંચાડી દેવાયો છે અને ટ્રાયલ પણ પૂર્ણ કરાઈ છે. સૌથી પહેલા ટ્રેનને બડગામ-શ્રીનગર રૂટ પર ચલાવાશે.

ઉનાળો આવે એટલે તરબુચ સાથે લાવે. તરબુચ ખરીદનારાનો સામાન્ય પ્રશ્ન એ જ હોય છે કે તરબૂચ મીઠું હશે કે નહીં? તરબૂચ પર પીળા ડાઘ હોય તો તેનો અર્થ છે કે તેને ખેતરોમાં તડકામાં સારી રીતે પકવવામાં આવ્યું છે. એક સાઇઝના બે તરબૂચમાંથી જે વધારે વજનવાળું હશે તે વધારે રસદાર અને મીઠું હશે. શક્ય હોય ત્યાં સુધી ઓવલ શેપનું તરબૂચ જ ખરીદો. તેમાં મીઠાશ વધારે હોવાની શક્યતા હોય છે.