Short News

IPL 11માં આજે રોયલ ચેલેન્જર્સ બેંગ્લોર અને રાજસ્થાન રોયલ્સ વચ્ચે બેંગ્લોરના ચિન્નાસ્વામી સ્ટેડિયમ ખાતે સીઝનની 11મી મેચ રમાઇ હતી. બેંગલોરે ટોસ જીતીને પહેલા ફિલ્ડિંગ પસંદ કરી હતી. પ્રથમ બેટિંગ કરતા રાજસ્થાન રોયલે 20 ઓવરમાં 4 વિકેટ ગુમાવી 2017 રનનો વિશાળ સ્કોર ઉભો કર્યો હતો. તેના જવાબમાં બેંગલોર 20 ઓવરમાં 6 વિકેટે માત્ર 198 રન જ બનાવી શક્યું હતું.

એસોસિએશન ઓફ ડેમોક્રેટિક રિફોર્મ્સ (ADR)ના એક રિપોર્ટમાં જાણકારી મળી છે કે, દેશમાં 58 સાંસદો અને ધારાસભ્યોમાંથી ભાજપના 27, AIMIM અને ટીઆરએસના 6-6, ટીડીપી અને શિવસેનાના 3-3, ટીએમસી, કોંગ્રેસ અને જેડીયૂના 2-2, બીએસપી, ડીએમકે, પીએમકે અને સપાના એક-એક સાંસદો અને ધારાસભ્યો પર ભડકાઉ ભાષણ સંબંધીત કેસ નોંધાયેલા છે.

બળાત્કાર કેસમાં આસારામને આજીવન કેદ બાદ આજે 26 એપ્રિલે નારાયણ સાંઈને સુરત કોર્ટમાં રજૂ કરાશે નારાયણ સાંઈ સુરતની લાજપોર જેલમાં આશરે 4 વર્ષથી બંધ છે. સુરતની બે બહેનોમાંથી નાની બહેને નારાયણ સાંઈ વિરૂધ્ધ બળત્કારનો આરોપ લગાવ્યો હતો. ત્યારે આસારામને મળેલી સજા બાદ આ બંને બહેનોને પણ ન્યાય મળવાની આશા બંધાય છે.

ઉનાકાંડના પીડિતોને ફરી વાર ધમકી તેમજ તેના પર હુમલો કરવાના પ્રયોસો થયા છે. માહિતી મળી છે કે, ઉનાકાંડના પીડિતો બૌદ્ધ ધર્મ અંગિકાર કરવા જઈ રહ્યાં છે અને તેને લઈને 29 એપ્રિલે ધર્મ પરિવર્તન માટેનો કાર્યક્રમ રાખવામાં આવ્યો છે. ત્યારે તેઓને ધર્મપરિવર્તન ન કરવા ધમકીઓ મળી રહી છે. તેમજ હુમલાનો પ્રયાસ પણ કરવામાં આવ્યો છે.જેને લઈ દલિતો પોલીસ સ્ટેશને ભેગા થયા હતા.