Short News

ಹಗರಣದ ಆರೋಪ, ಪಂಜಾಬ್‌ ನ್ಯಾಷನಲ್‌ ಬ್ಯಾಂಕ್‌ ಷೇರುಗಳು ಪತನ

ಹಗರಣದ ಆರೋಪ, ಪಂಜಾಬ್‌ ನ್ಯಾಷನಲ್‌ ಬ್ಯಾಂಕ್‌ ಷೇರುಗಳು ಪತನ

ಪಂಜಾಬ್‌ ನ್ಯಾಷನಲ್‌ ಬ್ಯಾಂಕಿನ ಮುಂಬೈ ಬ್ರ್ಯಾಂಚ್ ನಲ್ಲಿ ಬಹುಕೋಟಿ ಹಗರಣದ ಪರಿಣಾಮವಾಗಿ ಬ್ಯಾಂಕಿನ ಷೇರುಗಳು ಬುಧವಾರದಂದು ಷೇರುಗಳು ಪತನವಾಗಿದೆ.

ಸರಿ ಸುಮಾರು 1771.69 ಮಿಲಿಯನ್‌ ಅಮೆರಿಕನ್ ಡಾಲರ್‌ ಅಕ್ರಮ ವಹಿವಾಟು ನಡೆದಿರುವ ಬಗ್ಗೆ ಈಗಾಗಲೇ ದೂರು ದಾಖಲಾಗಿದೆ. ಇದರ ಬೆನ್ನಲ್ಲೆ ಬ್ಯಾಂಕಿನ ಷೇರುಗಳು ಬಿಎಸ್ ಇ ಯಲ್ಲಿ ಆರಂಭಿಕ ವಹಿವಾಟಿನಲ್ಲೇ ಶೇ 5.9ರಷ್ಟು ಕುಸಿತ ಕಂಡಿತು.

ಜಗತ್ತಿನ ವಿವಿಧ ದೇಶದಲ್ಲಿ ಇರುವ ಕುತೂಹಲಕಾರಿ  ಸಂಗತಿಗಳು...

ಜಗತ್ತಿನ ವಿವಿಧ ದೇಶದಲ್ಲಿ ಇರುವ ಕುತೂಹಲಕಾರಿ ಸಂಗತಿಗಳು...

ಕ್ರೊಯಾಟಿಯಾದಲ್ಲಿ ಸಾರ್ವಜನಿಕ ಸ್ಥಳಗಳಲ್ಲಿ ಗೊರಕೆ ಹೊಡೆಯಬಾರದು. ಫ್ರಾನ್ಸ್ ನಲ್ಲಿ ಟ್ರೈನ್ ಫ್ಲಾಟ್ ಫಾರಂ ಮೇಲೆ ಮುತ್ತಿಡಬಾರದು. ಸ್ವಿಡ್ಜರ್ ಲ್ಯಾಂಡ್ ನಲ್ಲಿ ಭಾನುವಾರ ವ್ಯಾಕ್ಯೂಮ್ ನಲ್ಲಿ ಕ್ಲೀನ್ ಮಾಡುವಂತಿಲ್ಲ. ಆಸ್ಟ್ರೇಲಿಯಾದಲ್ಲಿ ಮದುವೆ ಇಲ್ಲವೇ ಅಂತ್ಯಕ್ರಿಯೆಗೆ ತೊಂದರೆ ಕೊಡುವಂತಿಲ್ಲ. ಗ್ರೀಸ್ ನ ಐತಿಹಾಸಿಕ ಸ್ಥಳಗಳಲ್ಲಿ ಹೈಹೀಲ್ಸ್ ಚಪ್ಪಲು ಧರಿಸುವುದು ನಿಷೇಧ. ಸಿಂಗಪೂರದಲ್ಲಿ ಚ್ಯೂಯಿಂಗಮ್ ಜಗಿಯುವಂತಿಲ್ಲ. ಮೆಕ್ಸಿಕೋದಲ್ಲಿ ಸೈಕಲ್ ಪೆಡಲ್ ಬಿಟ್ಟು ನಿಮ್ಮ ಪಾದಗಳು ಕೆಳಗಿಳಿಯುವಂತಿಲ್ಲ. ಟೊರೆಂಟೋದಲ್ಲಿ ನೀವು ಮರ ಹತ್ತುವಂತಿಲ್ಲ. ಸ್ಪೇನ್ ನಲ್ಲಿ ಚಪ್ಪಲಿ ಹಾಕಿ ಕಾರ್ ಡ್ರೈವ್ ಮಾಡುವಂತಿಲ್ಲ.
7 ತಿಂಗಳ ಗರ್ಭಿಣಿ 4 ವರ್ಷದ ಬಾಲಕನಿಗೆ ಬುದ್ಧಿ ಕಲಿಸಲು ಹೋಗಿ ಜೈಲು ಪಾಲಾದಳು!!

7 ತಿಂಗಳ ಗರ್ಭಿಣಿ 4 ವರ್ಷದ ಬಾಲಕನಿಗೆ ಬುದ್ಧಿ ಕಲಿಸಲು ಹೋಗಿ ಜೈಲು ಪಾಲಾದಳು!!

ಚೀನಾದ ರೆಸ್ಟೋರೆಂಟ್ ಒಂದರಲ್ಲಿ 4 ವರ್ಷದ ಬಾಲಕನಿಗೆ 7 ತಿಂಗಳ ಗರ್ಭಿಣಿ ಬುದ್ಧಿ ಕಲಿಸಲು ಕಾಲನ್ನು ಅಡ್ಡವಿಟ್ಟು ಆತನನ್ನು ಬೀಳಿಸಿದ್ದಾಳೆ. ಇದು ಸಿಸಿಟಿವಿ ಕ್ಯಾಮಾರಾದಲ್ಲಿ ದಾಖಲಾಗಿದ್ದು, ವಿಡಿಯೋ ನೋಡಿದ ಜನರು ಗರ್ಭಿಣಿಯನ್ನು ಟೀಕಿಸಿದ್ದಾರೆ. ರೆಸ್ಟೋರೆಂಟ್ ಒಳಗೆ ಓಡಿ ಬಂದ ಬಾಲಕ ರೆಸ್ಟೋರೆಂಟ್ ಬಾಗಿಲಿಗೆ ಹಾಕಿದ್ದ ಕರ್ಟನ್ ಅನ್ನು ತಳ್ಳಿದ್ದಾನೆ. ಇದರಿಂದ ಆಕೆ ವಿಚಲಿತಗೊಂಡಿದ್ದು, ಊಟ ಆಕೆಯ ಮೇಲೆ ಬಿದ್ದಿದೆ. ಇದರಿಂದ ಗರಂ ಆದ ಆಕೆ ಈ ಕೃತ್ಯ ನಡೆಸಿದ್ದಾಳೆ. ಬಾಲಕನಿಗೆ ಹೃದಯ ಸಂಬಂಧಿ ಖಾಯಿಲೆ ಇದ್ದು, ಘಟನೆ ನಂತರ ಆಸ್ಪತ್ರೆಯಲ್ಲಿ ದಾಖಲಾಗಿದ್ದ. ಪೊಲೀಸರು ಗರ್ಭಿಣಿಯನ್ನು 10ದಿನ ಬಂಧಿಸಿ ದಂಡ ವಿಧಿಸಿದ್ದಾರೆ.
ಅಕ್ಷಯ್ ಕುಮಾರ್ ಅಭಿನಯದ 'ಕೇಸರಿ' ಸೆಟ್ ನಲ್ಲಿ ಅಗ್ನಿ ಅವಘಡ.!

ಅಕ್ಷಯ್ ಕುಮಾರ್ ಅಭಿನಯದ 'ಕೇಸರಿ' ಸೆಟ್ ನಲ್ಲಿ ಅಗ್ನಿ ಅವಘಡ.!

ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಅಭಿನಯದ 'ಕೇಸರಿ' ಚಿತ್ರದ ಚಿತ್ರೀಕರಣದ ಸೆಟ್ ನಲ್ಲಿ ಅಗ್ನಿ ಅವಘಡ ಸಂಭವಿಸಿದೆ. ಮಹಾರಾಷ್ಟ್ರದ ಸಾತಾರಾ ಜಿಲ್ಲೆಯಿಂದ 30 ಕಿ.ಮಿ ದೂರದ ಪುಟ್ಟ ಹಳ್ಳಿಯಲ್ಲಿ 'ಕೇಸರಿ' ಚಿತ್ರದ ಶೂಟಿಂಗ್ ನಡೆಯುತ್ತಿತ್ತು. ಕ್ಲೈಮ್ಯಾಕ್ಸ್ ಹಾಗೂ ಕೆಲ ಸನ್ನಿವೇಶಗಳ ಚಿತ್ರೀಕರಣ ಮುಗಿದ್ಮೇಲೆ, ಸೆಟ್ ನಲ್ಲಿ ಬೆಂಕಿ ಕಾಣಿಸಿಕೊಂಡಿದೆ. ಕೂಡಲೆ ಸಾತಾರಾ ಪೊಲೀಸರು ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾಗಿದ್ದಾರೆ. 'ಕೇಸರಿ' ಚಿತ್ರದಲ್ಲಿ ಬಾಂಬ್ ಸ್ಫೋಟದ ಕೆಲ ಸೀನ್ ಗಳಿವೆ. ಅದನ್ನ ಚಿತ್ರೀಕರಿಸಲು ಚಿತ್ರತಂಡ ತಯಾರಿ ಮಾಡಿಕೊಳ್ಳುತ್ತಿದ್ದಾಗ ಬೆಂಕಿ ಹೊತ್ತಿಕೊಂಡಿದೆ ಎನ್ನಲಾಗಿದೆ.