Short News

ಬಿಜೆಪಿಯಿಂದ ಮರಣೋತ್ತರ ಸದಸ್ಯತ್ವ ಅಭಿಯಾನ: ರಾಮಲಿಂಗಾ ರೆಡ್ಡಿ

ಬಿಜೆಪಿಯಿಂದ ಮರಣೋತ್ತರ ಸದಸ್ಯತ್ವ ಅಭಿಯಾನ: ರಾಮಲಿಂಗಾ ರೆಡ್ಡಿ

'ಬಿಜೆಪಿ ಮರೋಣೋತ್ತರ ಸದಸ್ಯತ್ವ ಅಭಿಯಾನ ಮಾಡುತ್ತಾರೆ, ರಾಜ್ಯದಲ್ಲಿ ಯಾರೇ ಸತ್ತರು ಅವರು ನಮ್ಮ ಪಕ್ಷದವರು ಅಂತಾ ಹೇಳಿ ಸುಳ್ಳು ಹೋರಾಟ ಮಾಡುತ್ತಾರೆ' ಎಂದು ಗೃಹ ಸಚಿವ ರಾಮಲಿಂಗಾ ರೆಡ್ಡಿ ಹೇಳಿದ್ದಾರೆ. 

ಕಲಬುರಗಿಯಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು 'ರಾಜ್ಯದಲ್ಲಿ ಬಿಜೆಪಿ ಸರ್ಕಾರ ಅಧಿಕಾರದಲ್ಲಿದ್ದಾಗ ಕಾನೂನು ಸುವ್ಯವಸ್ಥೆ ಹದಗೆಟ್ಟತ್ತು, ಬಿಜೆಪಿ ಅಧಿಕಾರಾವಧಿಯಲ್ಲಿ ಎಂಟು ಸಾವಿರ ಕೊಲೆಗಳು ನಡೆದಿದ್ದವು, ನಮ್ಮ ಸರ್ಕಾರದ ಅವಧಿಯಲ್ಲಿ 7 ಸಾವಿರ ಕೊಲೆಗಳು ನಡೆದಿವೆ' ಎಂದು ಲೆಕ್ಕ ಒಪ್ಪಿಸಿದರು.

ಜಗತ್ತಿನ ವಿವಿಧ ದೇಶದಲ್ಲಿ ಇರುವ ಕುತೂಹಲಕಾರಿ  ಸಂಗತಿಗಳು...

ಜಗತ್ತಿನ ವಿವಿಧ ದೇಶದಲ್ಲಿ ಇರುವ ಕುತೂಹಲಕಾರಿ ಸಂಗತಿಗಳು...

ಕ್ರೊಯಾಟಿಯಾದಲ್ಲಿ ಸಾರ್ವಜನಿಕ ಸ್ಥಳಗಳಲ್ಲಿ ಗೊರಕೆ ಹೊಡೆಯಬಾರದು. ಫ್ರಾನ್ಸ್ ನಲ್ಲಿ ಟ್ರೈನ್ ಫ್ಲಾಟ್ ಫಾರಂ ಮೇಲೆ ಮುತ್ತಿಡಬಾರದು. ಸ್ವಿಡ್ಜರ್ ಲ್ಯಾಂಡ್ ನಲ್ಲಿ ಭಾನುವಾರ ವ್ಯಾಕ್ಯೂಮ್ ನಲ್ಲಿ ಕ್ಲೀನ್ ಮಾಡುವಂತಿಲ್ಲ. ಆಸ್ಟ್ರೇಲಿಯಾದಲ್ಲಿ ಮದುವೆ ಇಲ್ಲವೇ ಅಂತ್ಯಕ್ರಿಯೆಗೆ ತೊಂದರೆ ಕೊಡುವಂತಿಲ್ಲ. ಗ್ರೀಸ್ ನ ಐತಿಹಾಸಿಕ ಸ್ಥಳಗಳಲ್ಲಿ ಹೈಹೀಲ್ಸ್ ಚಪ್ಪಲು ಧರಿಸುವುದು ನಿಷೇಧ. ಸಿಂಗಪೂರದಲ್ಲಿ ಚ್ಯೂಯಿಂಗಮ್ ಜಗಿಯುವಂತಿಲ್ಲ. ಮೆಕ್ಸಿಕೋದಲ್ಲಿ ಸೈಕಲ್ ಪೆಡಲ್ ಬಿಟ್ಟು ನಿಮ್ಮ ಪಾದಗಳು ಕೆಳಗಿಳಿಯುವಂತಿಲ್ಲ. ಟೊರೆಂಟೋದಲ್ಲಿ ನೀವು ಮರ ಹತ್ತುವಂತಿಲ್ಲ. ಸ್ಪೇನ್ ನಲ್ಲಿ ಚಪ್ಪಲಿ ಹಾಕಿ ಕಾರ್ ಡ್ರೈವ್ ಮಾಡುವಂತಿಲ್ಲ.
7 ತಿಂಗಳ ಗರ್ಭಿಣಿ 4 ವರ್ಷದ ಬಾಲಕನಿಗೆ ಬುದ್ಧಿ ಕಲಿಸಲು ಹೋಗಿ ಜೈಲು ಪಾಲಾದಳು!!

7 ತಿಂಗಳ ಗರ್ಭಿಣಿ 4 ವರ್ಷದ ಬಾಲಕನಿಗೆ ಬುದ್ಧಿ ಕಲಿಸಲು ಹೋಗಿ ಜೈಲು ಪಾಲಾದಳು!!

ಚೀನಾದ ರೆಸ್ಟೋರೆಂಟ್ ಒಂದರಲ್ಲಿ 4 ವರ್ಷದ ಬಾಲಕನಿಗೆ 7 ತಿಂಗಳ ಗರ್ಭಿಣಿ ಬುದ್ಧಿ ಕಲಿಸಲು ಕಾಲನ್ನು ಅಡ್ಡವಿಟ್ಟು ಆತನನ್ನು ಬೀಳಿಸಿದ್ದಾಳೆ. ಇದು ಸಿಸಿಟಿವಿ ಕ್ಯಾಮಾರಾದಲ್ಲಿ ದಾಖಲಾಗಿದ್ದು, ವಿಡಿಯೋ ನೋಡಿದ ಜನರು ಗರ್ಭಿಣಿಯನ್ನು ಟೀಕಿಸಿದ್ದಾರೆ. ರೆಸ್ಟೋರೆಂಟ್ ಒಳಗೆ ಓಡಿ ಬಂದ ಬಾಲಕ ರೆಸ್ಟೋರೆಂಟ್ ಬಾಗಿಲಿಗೆ ಹಾಕಿದ್ದ ಕರ್ಟನ್ ಅನ್ನು ತಳ್ಳಿದ್ದಾನೆ. ಇದರಿಂದ ಆಕೆ ವಿಚಲಿತಗೊಂಡಿದ್ದು, ಊಟ ಆಕೆಯ ಮೇಲೆ ಬಿದ್ದಿದೆ. ಇದರಿಂದ ಗರಂ ಆದ ಆಕೆ ಈ ಕೃತ್ಯ ನಡೆಸಿದ್ದಾಳೆ. ಬಾಲಕನಿಗೆ ಹೃದಯ ಸಂಬಂಧಿ ಖಾಯಿಲೆ ಇದ್ದು, ಘಟನೆ ನಂತರ ಆಸ್ಪತ್ರೆಯಲ್ಲಿ ದಾಖಲಾಗಿದ್ದ. ಪೊಲೀಸರು ಗರ್ಭಿಣಿಯನ್ನು 10ದಿನ ಬಂಧಿಸಿ ದಂಡ ವಿಧಿಸಿದ್ದಾರೆ.
ಮುಂದಿನ ಸಾಲಿನಲ್ಲಿ ಕೂತಿದ್ದ ದಲಿತ ಬಾಲಕಿಯನ್ನು ಕೊನೆಯ ಸಾಲಿನಲ್ಲಿ ಕುಳ್ಳಿರಿಸಿದ ಶಿಕ್ಷಕಿ

ಮುಂದಿನ ಸಾಲಿನಲ್ಲಿ ಕೂತಿದ್ದ ದಲಿತ ಬಾಲಕಿಯನ್ನು ಕೊನೆಯ ಸಾಲಿನಲ್ಲಿ ಕುಳ್ಳಿರಿಸಿದ ಶಿಕ್ಷಕಿ

ಉ.ಪ್ರ ಮುಜಾಫರ್ ನಗರದಲ್ಲಿ ಶಿಕ್ಷಕಿಯೊಬ್ಬರು 13ವರ್ಷದ ದಲಿತ ಬಾಲಕಿಯನ್ನು ಕೊನೆಯ ಬೆಂಚ್‌ನಲ್ಲಿ ಕುಳ್ಳಿರಿಸಿದ ಅವಮಾನಕರ ಘಟನೆ ನಡೆದಿದೆ. ಸನಾತನ ಧರ್ಮ ಇಂಟರ್ ಕಾಲೇಜಿನಲ್ಲಿ ಮುಂದಿನ ಸಾಲಿನಲ್ಲಿ ಕೂತಿದ್ದ ಬಾಲಕಿಯ ಜಾತಿ ಯಾವುದೆಂದು ಶಿಕ್ಷಕಿ ಪ್ರಶ್ನಿಸಿದ್ದಾಳೆ. ಬಾಲಕಿ ವಾಲ್ಮೀಕಿ ಎಂದು ಹೇಳಿದ್ದು, ಇದರಿಂದ ಅಸಮಾಧಾನಕೊಳಗಾದ ಶಿಕ್ಷಕಿ ಬಾಲಕಿಯನ್ನು ಕೊನೆಯ ಸಾಲಿನ ಬೆಂಚ್‌ನಲ್ಲಿ ಕೂರುವಂತೆ ಹೇಳಿದ್ದಾಳೆ. ಇದನ್ನು ಮನೆಯಲ್ಲಿ ಪೋಷಕರಿಗೆ ಬಾಲಕಿ ವಿವರಿಸಿದ್ದು, ಶಾಲೆಯ ಮುಂದೆ ಪೋಷಕರು ಪ್ರತಿಭಟನೆ ನಡೆಸಿದ್ದಾರೆ. ಸದ್ಯ ಶಿಕ್ಷಕಿ ವಿರುದ್ಧ ಜಾತಿನಿಂದನೆ ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.