Short News

ರಾಹುಲ್ ಜವಾರಿ ಕೋಳಿ ತಿಂದು ನರಸಿಂಹ ಸ್ವಾಮಿ ದರ್ಶನ ಪಡೆದರೆ ?: ಬಿಎಸ್‌ವೈ ಗಂಭೀರ ಆರೋಪ

ರಾಹುಲ್ ಜವಾರಿ ಕೋಳಿ ತಿಂದು ನರಸಿಂಹ ಸ್ವಾಮಿ ದರ್ಶನ ಪಡೆದರೆ ?: ಬಿಎಸ್‌ವೈ ಗಂಭೀರ ಆರೋಪ

ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ಅವರ ಕರ್ನಾಟಕ ಪ್ರವಾಸ ಮುಂದುವರೆದಿರುವಂತೆಯೇ ಅವರ ವಿರುದ್ಧ ಟ್ವೀಟ್ ವಾರ್ ಮುಂದವರೆಸಿರುವ ಬಿಜೆಪಿ ರಾಜ್ಯಾದ್ಯಕ್ಷ ಬಿಎಸ್ ಯಡಿಯೂರಪ್ಪ ಜವಾರಿ ಕೋಳಿ ತಿಂದು ನರಸಿಂಹ ಸ್ವಾಮಿ ದರ್ಶನ ಪಡೆಯೋ ರಾಹುಲ್ 'ಎಲೆಕ್ಷನ್ ಹಿಂದೂ' ಎಂದು ವ್ಯಂಗ್ಯವಾಡಿದ್ದಾರೆ. ಈ ಬಗ್ಗೆ ಸೋಮವಾರ ಟ್ವೀಟ್ ಮಾಡಿರುವ ಅವರು ಪತ್ರಿಕೆಗಳ ಎರಡು ವರದಿಗಳನ್ನು ಹಿನ್ನಲೆಯಾಗಿಸಿಕೊಂಡು ಟ್ವೀಟ್ ಮಾಡಿದ್ದಾರೆ.
ವೈರಲ್ ಆಯ್ತು ವೆಡ್ಡಿಂಗ್ ಫೋಟೋ ಶೂಟ್: ವಾಟ್ಸ್‌ಆಪ್ -ಫೇಸ್‌ಬುಕ್‌ನಲ್ಲಿ ಫುಲ್ ಹವಾ..!

ವೈರಲ್ ಆಯ್ತು ವೆಡ್ಡಿಂಗ್ ಫೋಟೋ ಶೂಟ್: ವಾಟ್ಸ್‌ಆಪ್ -ಫೇಸ್‌ಬುಕ್‌ನಲ್ಲಿ ಫುಲ್ ಹವಾ..!

ಕೇರಳದಲ್ಲಿ ನಡೆದ ಫೋಟೋ ಶೂಟ್ ವೊಂದರಲ್ಲಿ ಪೋಟೋಗ್ರಾಫರ್ ಏರಿಯಲ್​ ಶಾಟ್​ನಂತಹ ಚಿತ್ರ ತೆಗೆಯುವ ಸಲುವಾಗಿ ತಾನೇ ಮರಕ್ಕೆ ಜೋತು ಬಿದ್ದು, ಕೋತಿಯ ಹಾಗೇ ನೇತಾಡಿ ಮುದ್ದಾದ ಫೋಟೋವೊಂದನ್ನು ಕ್ಲಿಕ್ ಮಾಡಿದ್ದಾನೆ.,ಇದನ್ನು ಯಾರೋ ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹರಿ ಬಿಟ್ಟಿದ್ದಾರೆ. ಇನ್​ಸ್ಟಾಗ್ರಾಮ್​, ಫೇಸ್​ಬುಕ್​, ವಾಟ್ಸ್​ಆ್ಯಪ್​ ಸೇರಿದಂತೆ ಇತರೆ ತಾಣಗಳಲ್ಲಿ ವೈರಲ್​ ಆಗಿರುವ ಈ ವಿಡಿಯೋವನ್ನು ನೀವು ಒಮ್ಮೆ ನೋಡಿ.
ತೂಕ ಇಳಿಸಲು ಗ್ರೀನ್ ಟೀ ಡಯಟ್ ಪ್ಲಾನ್

ತೂಕ ಇಳಿಸಲು ಗ್ರೀನ್ ಟೀ ಡಯಟ್ ಪ್ಲಾನ್

ಗ್ರೀನ್ ಟೀಯಲ್ಲಿ ಕೆಟಾಚಿನ್ಸ್ ಅನ್ನುವ ಕ್ರಿಯಾಶೀಲವಾಗಿರುವ ಆಂಟಿ ಆಕ್ಸಿಡೆಂಟ್ ಇರುತ್ತೆ. ಇದು ತೂಕ ಇಳಿಸಿಕೊಳ್ಳಲು ಸಹಾಯ ಮಾಡುತ್ತೆ. ಮೇರಿಲ್ಯಾಂಡ್ ವಿಶ್ವವಿದ್ಯಾಲಯ ಹೇಳಿರುವ ಪ್ರಕಾರ ದಿನಕ್ಕೆ 2 ರಿಂದ 3 ಗ್ಲಾಸ್ ಗ್ರೀನ್ ಟೀ ಸೇವನೆ ಆರೋಗ್ಯಕ್ಕೆ ಹಿತಕರ. ಕೆಫೀನ್ ಅಂಶವನ್ನು ಗ್ರೀನ್ ಟೀ ಒಳಗೊಂಡಿರುತ್ತೆ. ಸರಿಯಾದ ಪ್ರಮಾಣದ ಕೆಫೀನ್ ಅಂಶವು ದೇಹದ ಬೊಜ್ಜು ಕರಗುವಿಕೆಗೆ ಸಹಕಾರಿಯಾಗಿರುತ್ತೆ. 1 ಕಪ್ ಗ್ರೀನ್ ಟೀಯಲ್ಲಿ 120 ರಿಂದ 320 ಮಿಲಿಗ್ರಾಮ್ ನಷ್ಟು ಕೆಟಾಚಿನ್ ಅಂಶವಿದ್ದು,10 ರಿಂದ 60 ಮಿಲಿ ಗ್ರಾಮ್ ನಷ್ಟು ಕೆಫಿನ್ ಅಂಶವಿರುತ್ತೆ.

ರೈಲ್ವೆ ಇಲಾಖೆ ಆದಾಯ ವೃದ್ಧಿಗೆ ಬೆಸ್ಟ್ ಐಡಿಯಾ ಕೊಡಿ, 10 ಲಕ್ಷ ಗೆಲ್ಲಿ

ರೈಲ್ವೆ ಇಲಾಖೆ ಆದಾಯ ವೃದ್ಧಿಗೆ ಬೆಸ್ಟ್ ಐಡಿಯಾ ಕೊಡಿ, 10 ಲಕ್ಷ ಗೆಲ್ಲಿ

ಭಾರತೀಯ ರೈಲ್ವೆ ಇಲಾಖೆ ತನ್ನ ಆದಾಯ ಹೆಚ್ಚಿಸಿಕೊಳ್ಳಲು ಈ ಬಾರಿ ಪ್ರಯಾಣಿಕರನ್ನು ನೆಚ್ಚಿಕೊಂಡಿದೆ. ಮುಖ್ಯವಾಗಿ ಯಾರು ಇಲಾಖೆಯ ಆದಾಯ ಹೆಚ್ಚಿಸುವ ಐಡಿಯಾ ನೀಡುತ್ತಾರೋ ಅವರಿಗೆ 10 ಲಕ್ಷ ರೂ. ಬಹುಮಾನ ನೀಡುವ ಮೂಲಕ ಬೆನ್ನು ತಟ್ಟುವ ಜನ್ ಭಾಗೀದಾರ್ ಯೋಜನೆ ರೂಪಿಸಿದೆ. ಆದಾಯ ವೃದ್ಧಿಗೆ ವಿಶೇಷ ಐಡಿಯಾಗಳು,ವ್ಯವಹಾರ ವೃದ್ಧಿಯ ಹೊಸ ಚಿಂತನೆ,ಪ್ರಯಾಣಿಕರನ್ನು ಸೆಳೆಯುವ ಯೋಜನೆಗಳು ಇದ್ದರೆ ರೈಲ್ವೆ ಇಲಾಖೆಯ ಜತೆ ಹಂಚಿಕೊಂಡು ಆದಾಯ ಹೆಚ್ಚಿಸುವ ಮೂಲಕ ಬಹುಮಾನ ಗೆಲ್ಲಿ ಎಂದು ರೈಲ್ವೆ ಇಲಾಖೆ ಟ್ವಿಟ್ಟರ್ ಖಾತೆಯಲ್ಲಿ ಮಾಹಿತಿ ಹಂಚಿಕೊಂಡಿದೆ. mygovt.in ವೆಬ್ ಸೈಟ್ ಮೂಲಕ ಲಾಗಿನ್ ಆಗಿ ಅರ್ಜಿ ಭರ್ತಿ ಮಾಡಲು ಮೇ19 ಕಡೆ ದಿನ.