Short News

ಎಲ್ಲಾ ದೇಶಗಳನ್ನು ಬಿಟ್ಟು "ರೆಡ್‌ಮಿ ನೋಟ್ 5" ಭಾರತದಲ್ಲಿ ಯಾಕೆ ಲಾಂಚ್ ಆಯ್ತು!

ಎಲ್ಲಾ ದೇಶಗಳನ್ನು ಬಿಟ್ಟು "ರೆಡ್‌ಮಿ ನೋಟ್ 5" ಭಾರತದಲ್ಲಿ ಯಾಕೆ ಲಾಂಚ್ ಆಯ್ತು!

ಚೀನಾ ಹಾಗೂ ವಿಶ್ವ ಮಾರುಕಟ್ಟೆಗೂ ಮುನ್ನವೇ ಭಾರತದಲ್ಲಿ ಶಿಯೋಮಿ ಕಂಪೆನಿ ರೆಡ್‌ಮಿ ನೋಟ್5 ಸ್ಮಾರ್ಟ್‌ಫೋನ್ ಬಿಡುಗಡೆ ಮಾಡಿರುವುದು ಎಲ್ಲರ ತಲೆಕೆಡಿಸಿದೆ. ವಿಶ್ವದ ಎಲ್ಲಾ ಮೊಬೈಲ್ ಕಂಪೆನಿಗಳು ಮೊದಲು ಚೀನಾ,ಅಮೆರಿಕಾದಲ್ಲಿ ಮೊಬೈಲ್ ಲಾಂಚ್ ಮಾಡಿ ಗಮನ ಸೆಳೆಯುತ್ತಿದ್ದವು. ಅಲ್ಲಿ ಲಾಂಚ್ ಆದ ಎಷ್ಟೋ ದಿನಗಳ ನಂತರ ಆ ಫೋನ್‌ಗಳು ಭಾರತಕ್ಕೆ ಬರುತ್ತಿದ್ದವು. ಇಡೀ ವಿಶ್ವಕ್ಕೆ ಹೋಲಿಸಿದರೆ ಭಾರತದಲ್ಲಿಯೇ ಅತಿ ಹೆಚ್ಚು ಸೇಲ್ ಆದ ಸ್ಮಾರ್ಟ್‌ಪೋನ್ ಎಂಬ ಹೆಗ್ಗಳಿಕೆ ಹೊಂದಿರುವ ಶಿಯೋಮಿ ರೆಡ್ ಮಿ ನೋಟ್4 ಯಶಸ್ಸನ್ನು ಪಡೆಯಲು ಶಿಯೋಮಿ ಕಂಪೆನಿ ಮುಂದಾಗಿದೆ. ಹೀಗಾಗಿ ಸಂಪೂರ್ಣ ಭಾರತೀಯ ಮಾರುಕಟ್ಟೆಯನ್ನು ಕೇಂದ್ರವನ್ನಾಗಿರಿಸಿದೆ.
ಆಕ್ಸ್ ಫರ್ಡ್ ಯೂನಿವರ್ಸಿಟಿಯಲ್ಲಿ ಪ್ರೊಫೆಸರ್, ದೆಹಲಿಯಲ್ಲಿ ಬೀದಿಪಾಲಾಗಿದ್ದು ಹೇಗೆ..?

ಆಕ್ಸ್ ಫರ್ಡ್ ಯೂನಿವರ್ಸಿಟಿಯಲ್ಲಿ ಪ್ರೊಫೆಸರ್, ದೆಹಲಿಯಲ್ಲಿ ಬೀದಿಪಾಲಾಗಿದ್ದು ಹೇಗೆ..?

ಆಕ್ಸ್ ಫರ್ಡ್ ಯೂನಿವರ್ಸಿಟಿಯಲ್ಲಿ ಪ್ರೊಫೆಸರ್ ಆಗಿದ್ದವರು 76ವರ್ಷದ ರಾಜ್ ಸಿಂಗ್. ಆದರೀಗವರು ಬೀದಿ ಪಾಲಾಗಿದ್ದಾರೆ. ಅಗತ್ಯವಿರುವವರಿಗೆ ವೀಸಾ ಫಾರ್ಮ್ ಭರ್ತಿ ಮಾಡಿಕೊಟ್ಟು ನಾಲ್ಕು ಕಾಸು ಸಂಪಾದಿಸಿ, ಅದರಲ್ಲೇ ಜೀವನ ನಡೆಸ್ತಿದ್ದಾರೆ. ರಾಜಾ ಸಿಂಗ್ ಮತ್ತವರ ಸಹೋದರ ಜೊತೆಯಾಗಿ ಟ್ರಾವೆಲ್ ಉದ್ಯಮ ನಡೆಸುತ್ತಿದ್ದು, ಸಹೋದರನ ಸಾವಿನ ಬಳಿಕ ನಷ್ಟಕ್ಕೀಡಾಗಿದ್ದಾರೆ. ಆಗ ಮಕ್ಕಳು ಈತನನ್ನು ಮನೆಯಿಂದ ಹೊರದಬ್ಬಿದ್ದಾರೆ. ಅವಿನಾಶ್ ಸಿಂಗ್ ಎಂಬುವವರು ಇದನ್ನು ಫೇಸ್ಬುಕ್ ನಲ್ಲಿ ಪ್ರಕಟಿಸಿದ ಬಳಿಕ ಗುರುದ್ವಾರವೊಂದರಲ್ಲಿ ರಾಜಾ ಸಿಂಗ್ ಗೆ ಆಶ್ರಯ ಮತ್ತು ಕೆಲಸ ಸಿಕ್ಕಿದೆ. ಮಕ್ಕಳು ಬ್ರಿಟನ್ ಹಾಗೂ ಅಮೆರಿಕದಲ್ಲಿ ವಾಸವಿದ್ದಾರೆ.
ವನ್ಯಜೀವಿ ಅಪರಾಧ: ಕುಖ್ಯಾತರ ಪಟ್ಟಿಯಲ್ಲಿ ಸಲ್ಮಾನ್ ಖಾನ್ ಹೆಸರು!

ವನ್ಯಜೀವಿ ಅಪರಾಧ: ಕುಖ್ಯಾತರ ಪಟ್ಟಿಯಲ್ಲಿ ಸಲ್ಮಾನ್ ಖಾನ್ ಹೆಸರು!

ಬಾಲಿವುಡ್ ನಟ ಸಲ್ಮಾನ್ ಖಾನ್ ಅಪರಾಧ ಪ್ರಕರಣಗಳಲ್ಲಿ ಕುಖ್ಯಾತಿಯನ್ನು ಗಳಿಸಿದ್ದಾರೆ. ಜೋಧಪುರದಲ್ಲಿ ಕೃಷ್ಣಮೃಗ ಬೇಟೆಯಾಡಿದ ಪ್ರಕರಣದಲ್ಲಿ ಶಿಕ್ಷೆಗೆ ಒಳಗಾದ ಬಳಿಕ ಸಲ್ಮಾನ್, ಈಗ ಸರ್ಕಾರದ ವಿಭಾಗವಾದ ವನ್ಯಜೀವಿ ಅಪರಾಧ ನಿಯಂತ್ರಣ ಬ್ಯೂರೊದ (ಡಬ್ಲ್ಯೂಸಿಸಿಬಿ) ಕುಖ್ಯಾತ ಅಪರಾಧಿಗಳ ಪಟ್ಟಿಯಲ್ಲಿಯೂ ಸೇರಿಕೊಂಡಿದ್ದಾರೆ. ಡಬ್ಲ್ಯೂಸಿಸಿಬಿ ತನ್ನ ವೆಬ್‌ಸೈಟ್‌ನಲ್ಲಿ ಹುಲಿ ಬೇಟೆ ಪ್ರಯತ್ನ, ಕಳ್ಳಸಾಗಣೆಯಂತಹ ಅಪರಾಧಗಳಲ್ಲಿ ಶಿಕ್ಷೆ ಅನುಭವಿಸುತ್ತಿರುವ ಅನೇಕರ ಹೆಸರುಗಳನ್ನು ಚಿತ್ರ ಹಾಗೂ ಅವರ ವಿಳಾಸ ಸಹಿತ ವೆಬ್‌ಸೈಟ್‌ನಲ್ಲಿ ಪ್ರಕಟಿಸಲಾಗಿದೆ. ಅವರಲ್ಲಿ 39ನೆಯ ಹೆಸರಾಗಿ ಸಲ್ಮಾನ್ ಖಾನ್ ಅವರನ್ನು ಸೇರಿಸಲಾಗಿದೆ.
ಪತ್ರಿಕಾ ಸ್ವಾತಂತ್ರ್ಯ : 138ನೇ ಸ್ಥಾನಕ್ಕೆ ಕುಸಿದ ಭಾರತ ಆರ್‌ಎಸ್‌ಎಫ್‌ ವರದಿ

ಪತ್ರಿಕಾ ಸ್ವಾತಂತ್ರ್ಯ : 138ನೇ ಸ್ಥಾನಕ್ಕೆ ಕುಸಿದ ಭಾರತ ಆರ್‌ಎಸ್‌ಎಫ್‌ ವರದಿ

ಪತ್ರಿಕಾ ಸ್ವಾತಂತ್ರ್ಯ ಸೂಚ್ಯಂಕದಲ್ಲಿ ಭಾರತ 138ನೇ ಸ್ಥಾನಕ್ಕೆ ಕುಸಿದಿದೆ ಎಂದು ರಿಪೋರ್ಟರ್ಸ್‌ ವಿತೌಟ್‌ ಬಾರ್ಡರ್ಸ್‌ (ಆರ್‌ಎಸ್‌ಎಫ್‌) ವರದಿಯಿಂದ ಬಹಿರಂಗವಾಗಿದೆ. ಪತ್ರಕರ್ತರ ಮೇಲಿನ ದೈಹಿಕ ಹಲ್ಲೆ, ಪತ್ರಕರ್ತೆ ಗೌರಿ ಲಂಕೇಶ್‌ ಹತ್ಯೆಯಂತಹ ಹಲವಾರು ಪ್ರಕರಣಗಳಿಂದಾಗಿ ಭಾರತ ಎರಡು ಸ್ಥಾನ ಕುಸಿದಿದೆ ಎಂದು ವರದಿ ತಿಳಿಸಿದೆ. ಅಧ್ಯಯನದಲ್ಲಿ ಒಟ್ಟು 180 ದೇಶಗಳನ್ನು ಪರಿಗಣಿಸಲಾಗಿತ್ತು. 2014ರಲ್ಲಿ ನರೇಂದ್ರ ಮೋದಿ ಅವರು ಪ್ರಧಾನಿ ಆದ ನಂತರ ಹಿಂದೂ ಮೂಲಭೂತವಾದಿಗಳು ಪತ್ರಕರ್ತರ ವಿರುದ್ಧ ಕಿಡಿ ಕಾರುವುದು ಹೆಚ್ಚಿದೆ ಎಂದು ಕೂಡ ವರದಿಯಲ್ಲಿ ತಿಳಿಸಲಾಗಿದೆ.