Short News

125 സിസി ബർഗ്മാൻ സ്ട്രീറ്റുമായി സുസുക്കി

125 സിസി ബർഗ്മാൻ സ്ട്രീറ്റുമായി സുസുക്കി

മുമ്പിലുള്ള വലിയ ഏപ്രൺ, മറ്റ് സ്‌കൂട്ടറുകളില്‍ നിന്ന് വ്യത്യസ്തമായി ഹാന്‍ഡില്‍ ബാര്‍ തുടങ്ങിയവയാണ് വാഹനത്തിൻറെ പ്രത്യേകതകൾ. വീതിയുള്ള സീറ്റിൽ രണ്ട് പേർക്ക് സുഖമായി ഇരുന്ന് യാത്ര ചെയ്യാവുന്നതാണ്. എല്‍ഇഡി ഹെഡ്‌ലാമ്പുകള്‍, ഉയര്‍ന്നു നില്‍ക്കുന്ന വിന്‍ഡ്‌സ്‌ക്രീന്‍, ഡിജിറ്റല്‍ ഇന്‍സ്ട്രമെന്റ് ക്ലസ്റ്റര്‍, മുന്നില്‍ ഡിസ്‌ക് ബ്രേക്ക് തുടങ്ങിയ പ്രത്യേകതകളും വാഹനത്തിന് നൽകിയിരിക്കുന്നു.
ഡീസൽ കാറുകളുടെ നികുതി വർധിപ്പാക്കാനൊരുങ്ങുന്നു

ഡീസൽ കാറുകളുടെ നികുതി വർധിപ്പാക്കാനൊരുങ്ങുന്നു

പരിസ്ഥിതി സൗഹാർദമായ വാഹനനയം പ്രോൽസാഹിപ്പി​ക്കുന്നതിൻറെ ഭാഗമായാണ് ഡീസൽ വാഹനങ്ങളുടെ നികുതി ഉയർത്താനുള്ള ഗതാഗത മന്ത്രാലയത്തിൻറെ തീരുമാനം. ഇതോടൊപ്പം വൈദ്യുതി വാഹനങ്ങളുടെ നികുതി കുറക്കുവാനും തീരുമാനമായിട്ടുണ്ട്. ജിഎസ്ടി വന്നതിന് ശേഷം ഡീസൽ, പെട്രോൾ വാഹനങ്ങൾക്ക് ഒരേ നികുതിയായിരുന്നു. രണ്ട് ശതമാനം നികുതിയാണ് വർധിപ്പിക്കുന്നത്.
ജസ്റ്റിസ് രജീന്ദർ സച്ചാർ അന്തരിച്ചു

ജസ്റ്റിസ് രജീന്ദർ സച്ചാർ അന്തരിച്ചു

ഡൽഹി ഹൈകോടതി മുൻ ചീഫ്​ ജസ്​റ്റിസും സച്ചാർ കമ്മിറ്റി ചെയർമാനുമായിരുന്നു രജീന്ദർ സച്ചാർ. കഴിഞ്ഞ കുറച്ച് ദിവസങ്ങളായി ഡൽഹിയിലെ സ്വകാര്യ ആശുപത്രിയിൽ ചികിത്സയിലായിരുന്നു രജീന്ദർ സച്ചാർ. ലോധി റോഡിലെ വൈദ്യുത ശ്​മശാനത്തിലാണ് ശവസംസ്കക്കാരം നടക്കുക. 1985 ആഗസ്​റ്റ്​ ആറ്​ മുതൽ ഡിസംബർ 22 വരെയാണ് അദ്ദേഹം ഡൽഹി ഹൈക്കോടതി ചീഫ് ജസ്റ്റിസായിരുന്നത്.
ശ്രീജിത്തിനെ ഉരുട്ടിക്കൊന്നതല്ല, ചവിട്ടിക്കൊന്നതെന്ന് മെഡിക്കൽ ബോർഡ് റിപ്പോർട്ട്

ശ്രീജിത്തിനെ ഉരുട്ടിക്കൊന്നതല്ല, ചവിട്ടിക്കൊന്നതെന്ന് മെഡിക്കൽ ബോർഡ് റിപ്പോർട്ട്

ശ്രീജിത്തിനെ ഉരുട്ടിക്കൊന്നതല്ലെന്നും ചവിട്ടേറ്റ് വയറിലുണ്ടായ മാരകക്ഷതമാണ് മരണകാരണമെന്നും മെഡിക്കൽ ബോർഡ് തയ്യാറാക്കിയ റിപ്പോർട്ട്. വയറിലെ മുറിവിലുണ്ടായ പഴുപ്പാണ് മരണകാരണമെന്ന് റിപ്പോർട്ടിൽ പറയുന്നു. മെഡിക്കൽ ബോർഡ് തയ്യാറാക്കിയ റിപ്പോർട്ട് പ്രത്യേക അന്വേഷണ സംഘത്തിന് കൈമാറി. കുറ്റാരോപിതരായ പോലീസുകാരെ സംരക്ഷിക്കുന്നതിനാണ് മെഡിക്കൽ ബോർഡ് രൂപീകരിച്ചത് എന്ന് ആരോപണം ഉയർന്നിട്ടുണ്ട്.