Short News

മഞ്ജുവാര്യർ ചിത്രമായ മോഹൻലാലിലെ ഞാന്‍ ജനിച്ചന്നു കേട്ടൊരു പേര് എന്ന ഗാനം സോഷ്യൽ മീഡിയയിൽ ഹിറ്റായിരുന്നു. നടൻ ഇന്ദ്രജിത്തിൻറെ മകള്‍ പ്രാര്‍ത്ഥനയാണ് സിനിമയിൽ ഈ ഗാനം പാടിയിരിക്കുന്നത്. ഇതിനകം തന്നെ പ്രേക്ഷകർ ഏറ്റെടുത്ത് കഴിഞ്ഞ ഗാനം പാടി ശ്രദ്ധ നേടിയിരിക്കുകയാണ് നടി അഹാന കൃഷ്ണകുമാർ. പാട്ടു പാടുന്ന വീഡിയോ അഹാന തന്നെയാണ് ഇൻസ്റ്റാ ഗ്രാമിൽ പോസ്റ്റ് ചെയ്തിരിക്കുന്നത്.

രജനി ആരാധകര്‍ എല്ലാം തന്നെയും വളരെയധികം പ്രതീക്ഷയോടെ കാത്തിരിക്കുന്ന ചിത്രമാണ് കാല. കബാലിക്കു ശേഷം തലൈവരുടെ മറ്റൊരു ക്ലാസ് പടമായിരിക്കുമിതെന്നാണ് സിനിമാ പ്രേമികള്‍ കരുതുന്നത്. പൊളിറ്റിക്കല്‍ ഗ്യാങ്ങ്സ്റ്റര്‍ വിഭാഗത്തില്‍പ്പെടുന്ന ചിത്രം പാ രഞ്ജിത്തിന്റെ സംവിധാനത്തില്‍ പുറത്തിറങ്ങുന്ന മറ്റൊരു മികച്ച ചിത്രമായിരിക്കുമോ ഇല്ലയോ എന്ന് കാത്തിരുന്നു കാണാം

ഇംഗ്ലണ്ടിലെ കാഴ്ച ബംഗ്ലാവിൽ ഗൊറില്ലകളെ കാണാന്‍ മാതാപിതാക്കള്‍ക്കൊപ്പമെത്തിയ കുട്ടി അബദ്ധവശാല്‍ ഗൊറില്ലകളുടെ മുന്‍പിലേക്ക് വീഴുകയായിരുന്നു. മൂന്ന് ഗൊറില്ലകളാണ് താഴെയുണ്ടായിരുന്നത്. കുട്ടിയുടെ അരികിലേക്ക് ഓടിയെത്തിയ ഗൊറില്ലകളിലൊരാള്‍ പലപ്രാവശ്യം കുട്ടിയെ തൊട്ടുനോക്കി. തുടർന്ന് ഗൊറില്ല അല്‍പം മാറി ഇരിക്കുന്നതാണ് വീഡിയോയിൽ ഉളളത്.

ഘടക ക്ഷേത്രമായ നെയ്തലക്കാവിലമ്മയുടെ തിടമ്പേറ്റിയ കൊമ്പന്‍ വടക്കുംനാഥ ക്ഷേത്രത്തിന്റെ തെക്കേ ഗോപുരനട തുറക്കുന്നതോടെയാണ് തൃശൂര്‍ പൂരത്തിന്റെ ചടങ്ങുകള്‍ക്ക് തുടക്കമാകുക. ഗോപുര വാതില്‍ തുറക്കാന്‍ തിടമ്പേറ്റി എത്തുന്നത് ഗജരാജന്‍ തെച്ചിക്കോട്ടുകാവ് രാമചന്ദ്രനാണ്. പൂരത്തിനും ശിവരാത്രി ദിനത്തിലും മാത്രമാണ് വടക്കുംനാഥന്റെ തെക്കേ ഗോപുര നട തുറക്കുന്നത്.