Short News

പ്രിയ പ്രകാശിനെതിരെ പരാതി

പ്രിയ പ്രകാശിനെതിരെ പരാതി

അഡാർ ലവ് നായിക പ്രിയ പ്രകാശിനെതിരെ ഹൈദരാബാദ് പോലീസ് സ്റ്റേഷനിലാണ് പരാതിയെത്തിയത്. മുസ്ലീം മതവിശ്വാസികളുടെ വികാരത്തെ മുറിപ്പെടുത്തി എന്ന് കാണിച്ച് ഒരു കൂട്ടം മുസ്ലീം യുവാക്കളാണ് പരാതി നൽകിയത്.  മാണിക്യമലരായപൂവി എന്ന പാട്ട് ഇംഗ്ലീഷിലേക്ക് തർജമ ചെയ്യുമ്പോൾ മുഹമ്മദ് നബിയെ അധിക്ഷേപിക്കുന്നുവെന്ന് പരാതിയിൽ പറയുന്നു. പരാതി പോലീസ് സ്വീകരിച്ചിട്ടുണ്ട്.എന്നാൽ ഇതുവരെ എഫ്ഐആർ രജിസ്റ്റർ ചെയ്തിട്ടില്ല.
രാഷ്ട്രീയ നിലപാട് പിന്നീട് വ്യക്തമാക്കുമെന്ന് ഗൌതമി

രാഷ്ട്രീയ നിലപാട് പിന്നീട് വ്യക്തമാക്കുമെന്ന് ഗൌതമി

താര ചക്രവര്‍ത്തിമാരായ രജനികാന്തും കമല്‍ ഹാസനും രാഷ്ട്രീയ പ്രവേശനത്തിനൊരുങ്ങുമ്പോൾ ആരെ പിന്തുണക്കുമെന്നാണ് കമൽഹാസൻറെ മുൻ പങ്കാളിയായ ഗൌതമിയുടെ നേർക്ക് ഉയരുന്ന ചോദ്യം. ഇരുവരും തങ്ങളുടെ രാഷ്ട്രീയ നിലപാടുകൾ തുറന്നു പറഞ്ഞിട്ടില്ല. അവർ നിലപാട് വ്യക്തമാക്കിയ ശേഷം തൻറെ രാഷ്ട്രീയ നയം വ്യക്തമാക്കാമെന്നാണ് ഗൌതമി പറഞ്ഞത്. ഇപ്പോൾ ആരെയും പിന്തുണക്കാനില്ലെന്നും ഗൌതമി വ്യക്തമാക്കി.
കണ്ണൂർ കൊലപാതകത്തെ എതിർത്ത് വിഎസ്; മന:സാക്ഷിയുള്ളവർ‌ക്ക് അംഗീകരിക്കാനാവില്ല

കണ്ണൂർ കൊലപാതകത്തെ എതിർത്ത് വിഎസ്; മന:സാക്ഷിയുള്ളവർ‌ക്ക് അംഗീകരിക്കാനാവില്ല

കണ്ണൂർ കൊലപാതകത്തിൽ അപലപിച്ച് ഭരണ പരിഷ്ക്കാര കമ്മീഷൻ അധ്യക്ഷനും സിപിഎമ്മിന്റെ മുതിർന്ന നേതാവുമായ വിഎസ് അച്യുതാനന്ദൻ. മന:സാക്ഷിയുള്ള ആർക്കും ഒരു കൊലപാതകത്തെയും അംഗീകരിക്കാൻ കഴിയില്ലെന്ന് അദ്ദേഹം പറഞ്ഞു. അതേസമയം അഞ്ച് പേരാണ് കൊലപാതകത്തിൽ നേരിട്ട് പങ്കാളികളായതെന്ന് പോലീസ് വ്യക്തമാക്കി.

പ്രിയയെ കുറിച്ച് കുറേപേർ തന്നോടും ചോദിച്ചതായി ബാബു ആന്‍റണി

പ്രിയയെ കുറിച്ച് കുറേപേർ തന്നോടും ചോദിച്ചതായി ബാബു ആന്‍റണി

ഒട്ടേറെ പേർ തന്നോട് മെസേജ് വഴിയും മറ്റും പ്രിയ വാര്യരെ കുറിച്ച് ചോദിച്ചു. പ്രിയയുടെ നാട് പൂങ്കുന്നവും എന്‍റെ നാട് പൊൻകുന്നവും ആണ്. അത് രണ്ടും ഒരു സ്ഥലമാണെന്ന് കരുതിയാണ് തനിക്ക് മെസ്സേജുകൾ വരുന്നത്. കണ്ണിറുക്കിയും സൈറ്റ് അടിച്ചും ലക്ഷങ്ങളെ വീഴ്ത്തിയ പെൺകുട്ടിക്ക് എല്ലാവിധ ആശംസകളും നേരുന്നതായും ബാബു ആൻറണി ഫേസ്ബുക്ക് പോസ്റ്റിൽ പറഞ്ഞു.