Short News

പ്ലാസ്റ്റിക്കുമായി ബ്രേക്ക്അപ് ആയെന്ന് കൽക്കി

പ്ലാസ്റ്റിക്കുമായി ബ്രേക്ക്അപ് ആയെന്ന് കൽക്കി

ഇന്‍സ്റ്റഗ്രാമില്‍ വെള്ളം കുടിക്കുന്ന രണ്ട് ചിത്രങ്ങൾ പങ്കുവെച്ചാണ് കല്‍ക്കി കൊച്ച്‌ലിന്‍ പ്രണയദിന സന്ദേശം അറിയിച്ചത്. പ്ലാസ്റ്റിക് കുപ്പിയുമായി ബ്രേക്ക് അപ് ആയി. ഇനി സ്റ്റീൽ കുപ്പിയോടാണ് റിലേഷൻ എന്നാണ് കാപ്ഷൻ നൽകിയിരിക്കുന്നത്. ക്ലീൻ സി ക്യാംപെയിനിൻറെ ഭാഗമായാണ് പ്ലാസ്റ്റിക് കുപ്പികൾ ഉപേക്ഷിക്കുവാൻ കൽക്കി നിർദേശിക്കുന്നത്.
നഴ്സ്മാരുടെ ലോങ് മാർച്ച് സെക്രട്ടറിയേറ്റിലേക്ക്

നഴ്സ്മാരുടെ ലോങ് മാർച്ച് സെക്രട്ടറിയേറ്റിലേക്ക്

ശമ്പളപരിഷ്‌കരണം അട്ടിമറിക്കുന്നതിന് എതിരെയാണ് സ്വകാര്യ ആശുപത്രിയിലെ നഴ്സുമാർ ലോങ്മാര്‍ച്ച് നടത്തുന്നത്. ചേർത്തല മുതൽ തിരുവനന്തപുരം വരെ നീളുന്ന ലോങ്മാര്‍ച്ച് ഈ മാസം 24നാണ് ആരംഭിക്കുക. നഴ്സുമാർ അന്ന് സംസ്ഥാന വ്യാപകമായി പണിമുടക്കുകയും ചെയ്യും.മിനിമം വേതനം 20,000 രൂപയാക്കിക്കൊണ്ടുള്ള പ്രഖ്യാപനം വന്ന് ഏഴ് മാസമായിട്ടും അതുമായി ബന്ധപ്പെട്ട ഉത്തരവ് പുറത്തിറങ്ങാത്തതിൽ പ്രതിഷേധിച്ചാണ് ലോങ് മാർച്ച്
ആഴ്സനൽ വിടാനൊരുങ്ങി ആഴ്സൻ വെങർ

ആഴ്സനൽ വിടാനൊരുങ്ങി ആഴ്സൻ വെങർ

സീസണിലൊടുവിൽ ആഴ്​സണൽ വിടുമെന്നാണ് പരിശീലകൻ ആഴ്സൻ വെങർ അറിയിച്ചിരിക്കുന്നത്. കരാർ കാലാവധി പൂർത്തിയാവാൻ ഒരു വർഷം കൂടി ബാക്കിയുള്ളപ്പോഴാണ് വെങർ ആഴ്സനൽ വിടാനൊരുങ്ങുന്നത്. കഴിഞ്ഞ 22 വർഷമായി ആഴ്സനലിൻറെ പരിശീലകനാണ് വെങർ. ഇത്രയും കാലം ടീമിനായി പ്രവർത്തിക്കാൻ കഴിഞ്ഞതിൽ അഭിമാനമുണ്ടെന്ന് ആഴ്സനൽ വെബ്സൈറ്റിൽ പോസ്റ്റ് ചെയ്ത കുറിപ്പിൽ അദ്ദേഹം പറഞ്ഞു
ഡീസൽ കാറുകളുടെ നികുതി വർധിപ്പാക്കാനൊരുങ്ങുന്നു

ഡീസൽ കാറുകളുടെ നികുതി വർധിപ്പാക്കാനൊരുങ്ങുന്നു

പരിസ്ഥിതി സൗഹാർദമായ വാഹനനയം പ്രോൽസാഹിപ്പി​ക്കുന്നതിൻറെ ഭാഗമായാണ് ഡീസൽ വാഹനങ്ങളുടെ നികുതി ഉയർത്താനുള്ള ഗതാഗത മന്ത്രാലയത്തിൻറെ തീരുമാനം. ഇതോടൊപ്പം വൈദ്യുതി വാഹനങ്ങളുടെ നികുതി കുറക്കുവാനും തീരുമാനമായിട്ടുണ്ട്. ജിഎസ്ടി വന്നതിന് ശേഷം ഡീസൽ, പെട്രോൾ വാഹനങ്ങൾക്ക് ഒരേ നികുതിയായിരുന്നു. രണ്ട് ശതമാനം നികുതിയാണ് വർധിപ്പിക്കുന്നത്.