Short News

‘മാണിക്യമലരായ പൂവി’ ആദ്യം ചിട്ടപ്പെടുത്തിയ തലശ്ശേരി കെ റഫീഖ്

‘മാണിക്യമലരായ പൂവി’ ആദ്യം ചിട്ടപ്പെടുത്തിയ തലശ്ശേരി കെ റഫീഖ്

1978ലാണ് ഭാര്യയുടെ അടുത്ത ബന്ധുവായിരുന്ന പിഎംഎ ജബ്ബാര്‍ രചിച്ച ഗാനം റഫീഖ് സംഗീതം നൽകി ആലപിക്കുന്നത്. ഈ ഗാനം ആദ്യമായി ആലപിക്കുന്നത് ആകാശവാണിയിലാണ്. അന്ന് മികച്ച പ്രതികരണം ശ്രോതാക്കളിൽ നിന്ന് ലഭിച്ചിരുന്നു. നാല് പതിറ്റാണ്ട് നീണ്ട ബന്ധമുളള കെ രാഘവന്‍ മാസ്റ്ററാണ് മാപ്പിളപ്പാട്ട് ജനങ്ങള്‍ക്ക് ഇത്രമേല്‍ പ്രിയങ്കരമാക്കിയതെന്നും റഫീഖ് ഓർത്തെടുക്കുന്നു.
ഇനി ബില്ലടക്കാൻ ഗൂഗിൾ തേസ് ആപ്പ് ഉപയോഗിക്കാം

ഇനി ബില്ലടക്കാൻ ഗൂഗിൾ തേസ് ആപ്പ് ഉപയോഗിക്കാം

ഗൂഗിള്‍ തേസ് ആപ്പിലൂടെ ഇനിമുതൽ ഉപയോക്താക്കള്‍ക്ക് പണമിടപാടുകൾ നടത്തുവാനും ബില്ലടക്കുവാനും കഴിയും. ഇതുവരെ ബാങ്കുകള്‍ തമ്മിലുള്ള പണമിടപാട് സൗകര്യം മാത്രമാണ് ഗൂഗിൾ തേസ് ആപ്ലിക്കേഷൻ ലഭ്യമാക്കിയിരുന്നുള്ളൂ. ഇപ്പോള്‍ വിവിധ വൈദ്യുതി വിതരണ സേവനങ്ങളുടെയും, ഗ്യാസ്, വെള്ളം, ടിവി, ഇൻറര്‍നെറ്റ് തുടങ്ങിയവയുടേയും അടക്കം 80 ഓളം സ്ഥാപനങ്ങളുടെ ബിൽ ഇതുവഴി അടക്കുവാൻ കഴിയും.
പ്രിയതാരത്തിനൊപ്പം അഭിനയിക്കാനുള്ള ആഗ്രഹം വെളിപ്പെടുത്തി മഞ്ജുവാര്യർ

പ്രിയതാരത്തിനൊപ്പം അഭിനയിക്കാനുള്ള ആഗ്രഹം വെളിപ്പെടുത്തി മഞ്ജുവാര്യർ

മമ്മൂട്ടിയുടെ കൂടെ അഭിനയിക്കാനുള്ള തൻറെ ആഗ്രഹം മഞ്ജു ഗൃഹലക്ഷ്മിക്ക് നൽകിയ അഭിമുഖത്തിലാണ് വെളിപ്പെടുത്തിയത്. മലയാളത്തിലെ മിക്ക മുന്‍നിര നായകന്മാരുടെയും കൂടെയും അഭിനയിച്ചിട്ടുണ്ടെങ്കിലും മമ്മൂക്കയുടെ കൂടെ അഭിനയിക്കാൻ കഴിഞ്ഞിട്ടില്ലെന്നാണ് മഞ്ജു പറഞ്ഞത്. മമ്മൂട്ടിയുടെ കൂടെ അഭിനയിക്കുവാനുള്ള ഭാഗ്യം മമ്മൂട്ടി അനുവദിച്ചുതരട്ടെയെന്നും മഞ്ജു പറഞ്ഞു.
ജ്യോതികയെ പ്രശംസിച്ച് കാർത്തി

ജ്യോതികയെ പ്രശംസിച്ച് കാർത്തി

ജ്യോതിക നായികയായെത്തിയ നാച്ചിയാർ മികച്ച പ്രതികരണവുമായി മുന്നോട്ട് പോവുകയാണ്. ചിത്രത്തിൽ പോലീസ് ഓഫീസറിൻറെ വേഷത്തിലാണ് ജ്യോതിക എത്തുന്നത്.ഇതിനിടെ ജ്യോതികക്ക് അഭിനന്ദനവുമായി എത്തിയിരിക്കുന്നത് നടനും ഭർതൃസഹോദരനുമായ കാർത്തിയാണ്. ഒരുപാട് നല്ല കഥാപാത്രങ്ങളുള്ള ശുഭപര്യവസായിയായ ഈ ചിത്രം കണ്ടത് നല്ലൊരു അനുഭവമായിരുന്നു.അണ്ണിയും ജിവിയും കഥാപാത്രങ്ങളെ മികച്ചതാക്കിയെന്നും കാർത്തി ട്വീറ്റ് ചെയ്തു