Short News

ബസ് ചാർജ് വർദ്ധിപ്പിക്കാൻ ഇന്ന് ചേർന്ന അടിയന്തര ഇടതുമുന്നണി യോഗം സർക്കാരിന് അനുമതി നൽകി. ഇതേത്തുടർന്ന് മിനിമം ചാർജ് എട്ട് രൂപയാക്കിയേക്കും.ബുധനാഴ്ച ചേരുന്ന മന്ത്രിസഭായോഗം തീരുമാനം അംഗീകരിക്കും. ഈ മാസം 16 മുതൽ പ്രൈവറ്റ് ബസ്സുടമകൾ അനിശ്ചിതകാല സമരം തുടങ്ങുമെന്ന് പ്രഖ്യാപിച്ചിരുന്നു. ഈ സാഹചര്യത്തിലാണ് അടിയന്തര യോഗം ചേർന്നത്. ഇന്ധന വില വർധനവിനെത്തുടർന്ന് കെഎസ്ആർടിസിയും പ്രതിസന്ധിയിലായിരുന്നു.

കമ്മീഷന്‍ അവരുടെ ചുമതലയാണ് വഹിക്കുന്നതെന്ന ഓർമ്മ വേണമെന്നും മുൻകാല രാഷ്ട്രീയ നിലപാടിൻറെ അടിസ്ഥാനത്തിൽ പ്രസ്താവന നടത്തരുതെന്നും മുഖ്യമന്ത്രി പറഞ്ഞു. വരാപ്പുഴയിലെ ശ്രീജിത്തിൻറെ കസ്റ്റഡി മരണവുമായി ബന്ധപ്പെട്ട അന്വേഷണത്തില്‍ തൃപ്തനല്ലെന്നും സിബിഐ അന്വേഷിക്കണമെന്നുമുള്ള മനുഷ്യാവകാശ കമ്മീഷന്‍ ആക്ടിങ്ങ് ചെയര്‍മാൻറെ പ്രസ്താവനയുമായി ബന്ധപ്പെട്ട ചോദ്യങ്ങളോട് പ്രതികരിക്കുകയായിരുന്നു മുഖ്യമന്ത്രി

കറുകുറ്റി അസ്സീസി നഗർ കപ്പേള തിരുനാൾ ആഘോഷത്തിനിടെ പടക്കശേഖരത്തിന് തീപിടിച്ച് ഗുരുതരമായി പൊള്ളലേറ്റ എട്ടാം ക്ലാസ് വിദ്യാർഥി പറോക്കാരൻ വീട്ടിൽ ബിജുവി​​​ൻറെ മകൻ ജോയലാണ് (13) മരിച്ചത്. പടക്കം സൂക്ഷിച്ചിരുന്ന മുറിയിലും സമീപത്തും നിലയുറപ്പിച്ചവർക്കാണ് ഗുരുതരമായി പരിക്കേറ്റത്. പടക്കം അബദ്ധത്തിൽ തെന്നിത്തെറിച്ച് പടക്കശേഖരത്തില്‍ വീണാണ്​ സ്ഫോടനമുണ്ടായത്​.

പ്രധാന്‍മന്ത്രി ജന്‍ധന്‍ പദ്ധതി പ്രകാരമുള്ള അക്കൗണ്ടുകളിലെ നിക്ഷേപം നോട്ട് അസാധുവാക്കലിനുശേഷമാണ് കാര്യമായി വര്‍ധിച്ചത്. നോട്ട് അസാധുവാക്കിയ നവംബര്‍ 8ന് മുമ്പ് 45,300 കോടിയായിരുന്ന നിക്ഷേപം അതിനു ശേഷം വളരെ വേഗം 74,000 കോടിക്കുമുകളിലേക്കാണ് എത്തിയത്. . 2017ന്റെ തുടക്കത്തില്‍ 26.5 കോടി അക്കൗണ്ടുകളാണുണ്ടായിരുന്നതെങ്കിൽ 2018 ഏപ്രില്‍ 11ആയപ്പോള്‍ 31.45 കോടിയായി അക്കൌണ്ടുകളുടെ എണ്ണവും ഉയർന്നു.