Short News

വലിയ കാര്യത്തിൽ കൊട്ടിഘോഷിച്ച പരിപാടിയായിരുന്നു നവകേരള സദസ്സ്, അതിന് വേണ്ടി ഒന്നര കോടി രൂപ വിലയുളള ബസ് സജ്ജീകരിച്ചിരുന്നു, പരിപാടിക്ക് ശേഷം അത് മ്യൂസിയത്തിൽ സൂക്ഷിക്കുമെന്നും, ടൂറിസം വകുപ്പ് ഉപയോഗിക്കുമെന്നൊക്കെ കേട്ടെങ്കിലും മാസങ്ങളായി ബസ് പൊടിപിടിച്ചു കിടക്കുകയായിരുന്നു.പരാതികളുയർന്ന സാഹചര്യത്തിലാണ് ബസ് തൂത്ത് തുടച്ച് പുറത്തിറക്കിയിരിക്കുന്നത്.

ജീത്തു ജോസഫ് സംവിധാനം ചെയ്‌ത മോഹൻലാൽ സിനിമ ദൃശ്യം ഇന്ത്യൻ സിനിമ മേഖലയിൽ തന്നെ തീർത്തത് ഒരു വലിയ വിപ്ലവമായിരുന്നു. പല ഭാഷയിലേക്കും റീമേക്ക് ചെയ്‌ത് പുറത്തിറക്കിയ അപൂർവം ചിത്രങ്ങളിൽ ഒന്നുകൂടിയാണിത്. ദൃശ്യം സൂപ്പർ ഹിറ്റായതോടെ ഇതിന്റെ തുടർച്ചയായി ജീത്തു ജോസഫ് ദൃശ്യത്തിന്റെ രണ്ടാംഭാഗവും പുറത്തിറക്കുകയുണ്ടായി. ഒടിടി റിലീസായിട്ടാണ് എത്തിയതെങ്കിലും ഇതും പാൻഇന്ത്യൻ ലെവലിൽ ശ്രദ്ധിക്കപ്പെടുകയുണ്ടായി.

ഏതൊരു വാഹനപ്രേമിയുടേയും മനസിൽ ഏറ്റവും പ്രിയപ്പെട്ട മസിൽ കാർ ഏതാണ് എന്ന് ചോദിച്ചാൽ അതിൻ്റെ ഉത്തരം ഫോർഡ് മുസ്താങ്ങ് എന്നായിരിക്കുമെന്ന കാര്യത്തിൽ ഒരു സംശയവും വേണ്ട. വാഹനം അവതരിപ്പിച്ച് 60 വർഷമായതിൻ്റെ വാർഷികം ആഘോഷിക്കുന്നതിൻ്റെ ഭാഗമായി ആനിവേഴ്സറി എഡീഷൻ അവതരിപ്പിക്കുകയാണ് കമ്പനി. 1965 യൂണിറ്റുകൾ മാത്രമേ കമ്പനി നിർമിക്കുന്നുളളു. ഒരു റെട്രോ ഡിസൈനിലായിരിക്കും ഈ മോഡൽ അവതരിപ്പിക്കുക.

ഇന്ത്യൻ വിപണിയിൽ നിന്നും ഗുഡ്ബൈ പറഞ്ഞുപോയ ഫോർഡ് തിരികെ വീണ്ടും എത്താനുള്ള ഒരുക്കത്തിലാണിപ്പോൾ. ടൊയോട്ട ഫോർച്യൂണറിന്റെ എക്കാലത്തേയും മുഖ്യശത്രുവായ എൻഡവറിനെ അവതരിപ്പിക്കാനുള്ള ഒരുക്കങ്ങളെല്ലാം പൂർത്തിയാക്കി കാത്തിരിക്കുകയാണ് അമേരിക്കൻ വാഹന നിർമാതാക്കൾ. അതിനു പിന്നാലെ ടാറ്റ ഹാരിയർ, മഹീന്ദ്ര XUV700 എന്നീ മോഡലുകൾക്കുള്ള പണിയും കമ്പനി കണ്ടുവെച്ചിട്ടുണ്ടെന്നാണ് വിവരം.