Short News

फोर्ब्जकडून क्रिप्टोकरन्सी बाळगलेल्या श्रीमंतांची यादी

फोर्ब्जकडून क्रिप्टोकरन्सी बाळगलेल्या श्रीमंतांची यादी

फोर्ब्जने यंदा प्रथमच क्रिप्टोकरन्सी बाळगलेल्या श्रीमंत लोकांची यादी जाहीर केली आहे. या यादीत ४०० श्रीमंताचा समावेश करण्यात आलेला आहे. रिप्पलचे सहसंस्थापक क्रिस लार्सन या यादीत पहिल्या क्रमांकावर आहेत. त्यांच्याकडे ७.५ ते ८ अब्ज डॉलर्स म्हणजेच सुमारे ५१.२ हजार कोटी रुपये मूल्याची क्रिप्टोकरन्सी आहे. यात तब्बल ६७ अमेरिकी नागरिकांचा समावेश आहे.
मुख्यमंत्र्यांच्या शहरातील 34 मराठी शाळांना कुलूप

मुख्यमंत्र्यांच्या शहरातील 34 मराठी शाळांना कुलूप

मराठी भाषेचे संरक्षण व्हावे आणि विद्यार्थ्यांना मराठीतून शिक्षण मिळावे, यासाठी राज्य सरकारचे प्रयत्न सुरू आहेत.पण असे असतानाही खुद्द मुख्यमंत्र्यांच्या नागपूर शहरात विद्यार्थ्यांअभावी तब्बल 34मराठी शाळा बंद झाल्या आहेत. नागपूर महानगरपालिकेचे शिक्षण सभापती दिलीप दिवे यांनी सुद्धा ही बाब मान्य केली आहे. खालावलेला शिक्षणाचा दर्जा आणि इंग्रजी शाळांकडे पालकांचा वाढलेला कल यामुळे या शाळा बंद झाल्या.   
लैंगिक छळापासून महिलेला वाचवण्यासाठी धावला 'शिवाजी'

लैंगिक छळापासून महिलेला वाचवण्यासाठी धावला 'शिवाजी'

रेल्वे सुरक्षा बलातील एका संवेदशनील कॉन्स्टेबलने, 25 वर्षीय महिलेचे आयुष्य उद्ध्वस्त होण्यापासून वाचवले. महिलेला वाचविण्यासाठी त्याने धावत्या ट्रेनमधून उडी घेतली. ही घटना चेन्नईत घडली आहे. के.शिवाजी असे त्याचे नाव असून त्याने केलेला पराक्रम नावाला शोभणारा आहे. एमआरटीएस ट्रेनमधून वेलाचेरी ते चेन्नई बीच प्रवासादरम्यान त्यांनी एका महिलेला बलात्कारापासून वाचवत, आरोपीला अटक केली आहे. 
पंचायत निवडणुकीच्या उमेदवारांचे अर्ज भरले चक्क व्हॉट्सअॅपवरून

पंचायत निवडणुकीच्या उमेदवारांचे अर्ज भरले चक्क व्हॉट्सअॅपवरून

माहितीच्या देवाण घेवाणीसाठी व्हॉट्स अॅपचा वापर सर्रासपणे होऊ लागला आहे. मात्र आता व्हॉट्स अॅपचा अजून एक वापर समोर आला आहे. पश्चिम बंगालमध्ये होऊ घातलेल्या पंचायत निवडणुकीसाठी 9 उमेदवारांनी आपला उमेदवारी अर्ज चक्क व्हॉट्स अॅपवरून भरल्याचे समोर आले. दरम्यान कलकत्ता उच्च न्यायालयाने व्हॉट्सअॅपवर नामांकन भरलेल्या नऊ अपक्ष उमेदवारांचे अर्ज ग्राह्य धरण्यास राज्य निवडणूक आयोगाला सांगितले.