Short News

व्हॅलेंटाईन डे असूनही गुलाब फूल मार्केटवर अवकळा

व्हॅलेंटाईन डे असूनही गुलाब फूल मार्केटवर अवकळा

आज व्हॅलेंटाईन डे असूनही गुलाब फूल मार्केटवर अवकळाच पसरली आहे. मार्केटमध्ये गुलाब फुलांची आवक तर वाढली आहे. पण त्याला कसलाही उठाव नसल्यामुळे ऐन व्हॅलेंटाईन डे दिवशीच फूल व्यापारी हवालदिल झाले आहेत. शिवसेना, बजरंग दल यासारख्या संघटना व्हॅलेंटाईन-डेविरोधात सातत्याने आंदोलन करत असतात. त्यामुळे त्याला घाबरूनही लोक व्हॅलेंटाईन डेला प्रत्यक्ष फूल देण्याचे टाळत असावेत.
त्रालमध्ये भारतीय लष्कर-दहशतवाद्यांमध्ये चकमक, 1 जवान जखमी

त्रालमध्ये भारतीय लष्कर-दहशतवाद्यांमध्ये चकमक, 1 जवान जखमी

जम्मू काश्मीरमधील पुलवामा जिल्ह्यामध्ये भारतीय लष्कर व दहशतवाद्यांमध्ये चकमक सुरू असल्याची माहिती समोर आली आहे. या चकमकीत एक जवान जखमी झाल्याचे वृत्तदेखील समोर आले आहे. पुलवामामधील त्राल परिसरातील लाम गावामध्ये मंगळवारी सकाळपासून गोळीबार सुरू आहे. या परिसरात दहशतवादी लपून बसल्याची माहिती मिळाल्यानंतर जवानांनी परिसराला घेराव घालत शोधमोहीम सुरू केली. यावेळी दहशतवाद्यांनी जवानांवर गोळीबार केला. 
टी20 लीग: हिटमॅनचा संघ भिडणार हैदराबादशी

टी20 लीग: हिटमॅनचा संघ भिडणार हैदराबादशी

वारंवार पराभवाचा सामना करणाऱ्या गतविजेत्या मुंबईचा संघ आज घरच्या मैदानावर हैदराबादला टक्कर देणार आहे. पहिले तीन सामने गमावल्यानंतर मुंबईकरांनी चौथ्या सामन्यात आरसीबीला नमविले. मात्र रविवारी झालेल्या राजस्थानशी झालेल्या सामन्यात मुंबईला पुन्हा पराभव स्वीकारावा लागला. दरम्यान आता मुंबईचे 9 सामने शिल्लक राहिले असून, अव्वल चार संघांमध्ये स्थान मिळविण्यासठी मुंबईला किमान 7 सामने जिंकावे लागतील. 
पुढील काही वर्षात भारत क्रिकेट जगतावर राज करेल - मायकेल क्लार्क

पुढील काही वर्षात भारत क्रिकेट जगतावर राज करेल - मायकेल क्लार्क

सक्षम दुसरी फळी सज्ज असल्यामुळे विराट कोहलीच्या नेतृत्वाखालील भारतीय क्रिकेट संघ जगातील विविध वातावरणात यश मिळवीत आहेत. त्यामुळे पुढील 5 ते 10 वर्षे ते क्रिकेटजगतावर सहजपणे वर्चस्व गाजवतील, असा विश्वास ऑस्ट्रेलियाचा माजी कर्णधार मायकेल क्लार्कने व्यक्त केला. बोरिया मजुमदार लिखित ‘इलेव्हन गॉड्स अ‍ॅण्ड ए बिलियन इंडियन्स' या पुस्तकाच्या प्रकाशन कार्यक्रमाला मायकेल क्लार्कने हजेरी लावली होती.