Short News

आजपासून मराठीतील बिग बॉसच्या सिजनची सुरुवात होणार आहे. कलर्स मराठीवर मराठी बिग बॉस हा रिअलिटी शो दाखवण्यात येणार आहे. मराठीतील दिग्गज कलाकार आणि सेलिब्रेटींची वर्णी बिग बॉसच्या घरात लागले आहेत. प्रसिद्ध अभिनेते आणि दिग्दर्शक महेश मांजरेकर बिग बॉसचं सूत्रसंचालन करणार आहेत. सोमवार ते शनिवार दररोज रात्री साडेनऊ वाजता मराठी बिग बॉसचे प्रक्षेपण कलर्स मराठीवर करण्यात येईल. 

राज्याच्या मुख्यमंत्र्यांच्या ताफ्यातील विमान आणि हेलिकॉप्टरसाठी वैमानिकांचा शोध अखेर संपला आहे. राज्य सरकारने तीनवेळा निविदा काढूनही भारतीय वैमानिक न मिळाल्याने अखेर अधिक वेतनावर दोन युरोपियन वैमानिकांची नियुक्ती केली आहे. ते लवकरच राज्याच्या सेवेत रुजू होणार आहेत. मुख्यमंत्र्यांच्या ताफ्यात दोन विमाने आणि दोन हेलिकॉफ्टर आहेत. 

बीबीसीच्या एका वृत्तनिवेदिकेचा राष्ट्रकुल बैठकीचे वृत्तनिवेदन करताना गोंधळ उडाला. यामुळे बीबीसीला माफी मागावी लागली. राष्ट्रकुल प्रमुखांचे थेट प्रक्षेपण सुरू असताना बीबीसीच्या वृत्तनिवेदिकेने श्रीलंकेचे अध्यक्ष मैत्रीपाल सिरिसेना यांना पंतप्रधान मोदी म्हटले. सिरिसेना बकिंगघम पॅलेसच्या प्रवेशद्वारासमोर गाडीतून बाहेर पडत असताना वृत्तनिवेदिकेने चूक केली.  

मार्केटयार्ड येथील आंबेडकर नगर झोपडपट्टीत भीषण आग लागली आहे. अग्निशमन दलाच्या 14 गाड्या घटनास्थळी दाखल झाल्या आहेत. अग्निशमनचे मुख्य अधिकारी घटनास्थळी दाखल झाले आहेत. अग्निशमन दलाचे सुमारे 200 कर्मचारी नागरिकांसह आग विझवण्याचे अथक प्रयत्न करत आहेत. तीन ते चार सिलिंडरचा स्फोट झाल्याची माहिती समोर आली आहे. सिलिंडरच्या स्फोटामुळे भीषण आग लागून 50 ते 60 झोपडपट्ट्या आगीत भस्मसात झाल्या.