Short News

सलमान खानची प्रेयसी युलिया वंतूरने सलमानसोबतच्या लग्नाविषयी मोठे वक्तव्य केले आहे. दोन व्यक्ती प्रेमात असताता तेव्हा लग्न करणे गरजेचे नसते असे तिने म्हटले आहे. आपल्याला वेगळी ओळख निर्माण करायची आहे. फक्त सलमान खानची गर्लफ्रेंड इतकीच राहायला नको असे ती म्हणाली. रुमानियामध्ये आपली ओळख निर्माण झाल्यानंतर आता बॉलीवूडमध्ये आपल्याला ओळख निर्माण करायची असल्याचे तिने सांगितले. 

काँग्रेस अध्यक्ष राहुल गांधीच्या कर्नाटक दौऱ्यात त्यांच्या हेलिकॉप्टरशी घातपाताचा प्रयत्न झाल्याचा संशय व्यक्त केला जात आहे. तर काँग्रेसने याविरोधात कर्नाटक पोलिसात तक्रारही दाखल केली आहे. हेलिकॉप्टरमधील बिघाडामागे, आंतरराष्ट्रीय टॅम्परिंग असल्याची शंकाही काँग्रेसने व्यक्त केली आहे. यादरम्यान चीन दौऱ्यावर असलेल्या पंतप्रधान नरेंद्र मोदी यांनी राहुल गांधी यांना कॉल करुन विचारपूस केली. 

भारतात महाभारताच्या काळातही इंटरनेटचा वापर केला जात होता, असं वक्तव्य करणारे त्रिपुराचे मुख्यमंत्री विप्लव कुमार देव यांनी आणखी एक वादग्रस्त वक्तव्य केले आहे. यावेळी विप्लव कुमार यांनी सौंदर्य स्पर्धेवर प्रश्नचिन्ह उपस्थित केले आहे.‘मिस वर्ल्ड' अर्थात विश्वसुंदरी डायना हेडनचा निकाल ‘फिक्स' होता, ती किताबास पात्र होती का? असा सवाल विप्लव देव यांनी उपस्थित केला. 

सिने उद्योगातच नाही,तर राजकारणातील स्त्रीयांनाही ‘कास्टिंग काऊच'चे शिकार व्हावे लागते. असे विधान रेणुका चौधरी यांनी केले होते. त्यावर राज्यसभेची जागा सोडावी लागल्यावरच त्यांना संसदेतील ‘कास्टिंग काऊच'चा सिनेमा का दिसला? असा सवाल शिवसेनेने 'सामना'मधून केला आहे. रेणुकांचे हे विधान बेजबाबदारपणाचे आणि समस्त महिलावर्गाचा अपमान करणारे असल्याची टीकाही शिवसेनेने केली.