Short News

९० हजार तरुणांना भारतीय रेल्वेत नोकरी मिळण्याची संधी

९० हजार तरुणांना भारतीय रेल्वेत नोकरी मिळण्याची संधी

भारतीय रेल्वेने नोकऱ्यांची माहिती जाहीर केली असून तरुणांना त्याचा लाभ घेता येणार आहे. भारतीय रेल्वेमध्ये ९० हजार नोकऱ्या उपलब्ध असल्याची माहिती रेल्वेने नुकतीच दिली आहे. याबाबतची विस्तृत माहितीही रेल्वेने आपल्या अधिकृत संकेतस्थळावर जाहीर केली. यामध्ये ६२,९०७ नोकऱ्या केवळ १० वी पास झालेल्यांसाठी उपलब्ध आहेत. ट्रॅक मेंटेनर, गेटमन, पॉईंटसमन, पोर्टर, हेल्पर यांसारख्या पदांसाठी या जागा आहेत. 
अमेरिका भारताला शक्तिशाली F-35 ची टेक्नॉलॉजी देण्यास तयार

अमेरिका भारताला शक्तिशाली F-35 ची टेक्नॉलॉजी देण्यास तयार

इंडियन एअर फोर्सकडून फायटर विमानांची ऑर्डर मिळवण्यासाठी स्पर्धेत असलेल्या लॉकहीड मार्टिन कॉर्प कंपनीने F-16 विमानांमध्ये पाचव्या पीढीच्या लढाऊ विमानाचे तंत्रज्ञान देण्याची तयारी दाखवली आहे. F-35 हे अमेरिकेचे पाचव्या पीढीचे फायटर विमान आहे. जगातील शक्तिशाली, अत्याधुनिक फायटर जेटमध्ये या विमानाचा समावेश होतो. लॉकहीडचे भारतातील उपाध्यक्ष विवेक लाल यांनी ही माहिती दिली. 
लोकसभा निवडणूक लढवण्याचे कैन्हयाने दिले संकेत

लोकसभा निवडणूक लढवण्याचे कैन्हयाने दिले संकेत

दिल्लीतील जवाहरलाल नेहरू विद्यापीठाचे विद्यार्थी शहला रशीद आणि कन्हैया कुमार यांनी आगामी लोकसभा निवडणूक लढवण्याचे संकेत दिले आहेत. या दोघांनी कायमच भाजपप्रणित राष्ट्रीय लोकशाही आघाडीच्या सरकारला विरोध दर्शवला आहे. कन्हैया कुमार हा जेएनयूचा माजी विद्यार्थी नेता आहे. तर शहला रशीद ही जेएनयूतील पीएचडीची विद्यार्थीनी असून ऑल इंडिया स्टुडंट असोसिएशनची ची उपाध्यक्ष होती. 
बहुदेशीय प्रणालीच्या फेररचनेसाठी फ्रान्सची अमेरिकेला हाक

बहुदेशीय प्रणालीच्या फेररचनेसाठी फ्रान्सची अमेरिकेला हाक

फ्रान्सचे राष्ट्राध्यक्ष इमॅन्युएल मॅक्रॉन यांनी गुरुवारी बहुदेशीय व्यापाराची पुर्नरचना करण्यासाठी अमेरिकेला मदतीचे आवाहन केले. बहुदेशीय व्यापार ही संकल्पना निर्माण करण्यात अमेरिकेची निर्णायक भूमिका राहिलेली आहे, असे ते म्हणाले. युएस काँग्रेसच्या एका कार्यक्रमात उपस्थितांना संबोधित करताना ते बोलत होते. 'बहुदेशीय व्यापार' या संकल्पनेला प्रत्यक्षात अमेरिकेने आकार दिल्याचे ते म्हणाले.