Short News

कोचीच्या शिपयार्डमध्ये स्फोट झाल्याने ४ ठार तर १३ जण जखमी

कोचीच्या शिपयार्डमध्ये स्फोट झाल्याने ४ ठार तर १३ जण जखमी

केरळ राज्यातील कोचीच्या शिपयार्डमध्ये स्फोट झाल्याने ४ ठार तर १३ जण जखमी झाले. स्फोट कशामुळे झाला हे समजू शकलेले नाही. जखमींना उपचारासाठी रूग्णालयात दाखल करण्यात आले आहे. दरम्यान अग्निशमन दलाने घटनास्थळी धाव घेतली असून बचत कार्य देखील युद्धपातळीवर सुरू झाले आहे.
छोट्या पडद्यावरील 'हा' प्रसिद्ध कॅमेडियन बनला गायक

छोट्या पडद्यावरील 'हा' प्रसिद्ध कॅमेडियन बनला गायक

'ओ पुष्पा आय हेट टीयर्स' हा 'राजेश खन्नाच्या तोंडी असलेला संवाद अजूनही लोकांच्या स्मरणात आहे. या संवादावरुन Films @ 50 च्या बॅनरखाली एक नवीन चित्रपट येत आहे. ज्याचे नाव आहे 'ओ पुष्पा आय हेट टीयर्स'. नुकताच या चित्रपटाचा मुहूर्त एका गाण्याच्या रेकॉर्डिंगने संपन्न झाला. या चित्रपटाची खासियत म्हणजे विनोद सम्राट कृष्णा अभिषेक याने गाणे गायले आहे.
रावळपिंडीतील गावाला दिले मलाला युसूफजाईचे नाव

रावळपिंडीतील गावाला दिले मलाला युसूफजाईचे नाव

पाकिस्तानच्या रावळपिंडी जिल्ह्यातील एका गावाला नोबेल पारितोषिक विजेती मलाला युसूफजाईचे नाव देण्यात आले आहे. पाकिस्तानातील सामाजिक कार्यकर्ते बशीर अहमद यांनी ट्विटरवरुन या संदर्भातील माहिती दिली. २०१२ मध्ये तालिबानी दहशतवाद्यांनी केलेल्या हल्ल्यात मलाला थोडक्यात बचावली होती. या नंतर ती परदेशात स्थलांतरित झाली होती. २०१४ साली वयाच्या सतराव्या वर्षी मलाला हिला नोबेल पारितोषिक मिळाले होते.
सरन्यायाधीश दीपक मिश्रा यांच्याविरोधात महाभियोग प्रस्ताव

सरन्यायाधीश दीपक मिश्रा यांच्याविरोधात महाभियोग प्रस्ताव

काँग्रेसच्या नेतृत्वात विरोधी पक्ष सरन्यायाधीश दीपक मिश्रा यांच्या विरोधात महाभियोग प्रस्ताव दाखल करणार आहेत. त्यासंदर्भात त्यांनी उपराष्ट्रपती व्यंकय्या नायडू यांची भेट घेऊन नोटिस दिली आहे. शुक्रवारी विरोधी पक्षाच्या नेत्यांनी आपसांत चर्चा केल्यानंतर सरन्यायाधीशांच्या विरोधात महाभियोगाची नोटिस देण्याबाबत शिक्कामोर्तब करण्यात आले. घटनेतील कलम 270 आणि 124 अंतर्गत आम्ही ही नोटीस दिली आहे.