Short News

काँग्रेस सत्तेवर आल्यास जीएसटी सुलभ करू - राहुल गांधी

काँग्रेस सत्तेवर आल्यास जीएसटी सुलभ करू - राहुल गांधी

काँग्रेस केंद्रात सत्तेवर आल्यास जीएसटीची फेररचना केली जाईल. सामान्यांसाठी कराची रचना अधिक सुलभ केली जाईल, असे आश्वासन काँग्रेसचे राष्ट्रीय अध्यक्ष राहुल गांधी यांनी दिले. कराची एकेरी रचना केली जाईल, असे त्यांनी स्पष्ट केले आहे. मंगळवारी त्यांनी कलबर्गी येथे उद्योजक आणि व्यावसायिकांशी संवाद साधला. सत्तेवर आल्यास सध्या असलेली जीएसटी तात्काळ रद्द करु असे राहुल गांधी म्हणाले.
कानपूरमध्ये अंकित तिवारीचा विवाहसोहळा संपन्न

कानपूरमध्ये अंकित तिवारीचा विवाहसोहळा संपन्न

‘सुन रहा है ना तू', ‘गलियाँ' यांसारख्या गाण्यांमध्ये प्रकाशझोतात आलेला गायक अंकित तिवारी विवाहबंधनात अडकला. व्यवसायाने इंजिनीअर असलेल्या पल्लवी शुक्लाशी कानपूरमध्ये अंकितने लग्नगाठ बांधली. त्याने स्वत: सोशल मीडियावर या लग्नसोहळ्याचे फोटो शेअर करत पत्नीसाठी सुरेख मेसेजदेखील लिहिला आहे. ‘तूच माझी वर्तमान आणि माझं भविष्यही तूच आहेत,' असं कॅप्शन अंकितने या फोटोंना दिलं आहे.
एअर इंडियाच्या फ्लाईटमध्ये प्रवाशांना मिळाले हे खास सरप्राईज
<iframe src="https://www.facebook.com/plugins/video.php?href=https%3A%2F%2Fwww.facebook.com%2Fdhol.blasters.75%2Fvideos%2F2107552549467555%2F&show_text=0&width=267" width="100%" height="300" style="border:none;overflow:hidden" scrolling="no" frameborder="0" allowTransparency="true" allowFullScreen="true"></iframe>

एअर इंडियाच्या फ्लाईटमध्ये प्रवाशांना मिळाले हे खास सरप्राईज

एअर इंडियाच्या फ्लाईटमध्ये प्रवाशांना खास सरप्राईज मिळाले. फ्लाईट टेक ऑफ होत असताना ढोल वाजवून प्रवाशांचे मनोरंजन करण्यात आले. ढोलसोबत गायलेले पंजाबी गाणे लोकांनी खूप एन्जॉय केले. लोकांनी याचा व्हिडिओ बनवून सोशल मीडियावर शेअर देखील केला. फेसबुक पेज ढोल ब्लास्टर्स वर हा व्हिडिओ शेअर करण्यात आला.
आजीबाईंच्या शाळेची नोंद आता लिम्का बुक ऑफ वर्ल्ड रेकॉर्डमध्ये

आजीबाईंच्या शाळेची नोंद आता लिम्का बुक ऑफ वर्ल्ड रेकॉर्डमध्ये

गावातील साठीनंतरच्या पिढीला शिक्षित करण्याचा संकल्प मुरबाडजवळील नाणेघाटाच्या पायथ्याशी असलेल्या फांगणे गावातील ग्रामस्थांनी केला. दोन वर्षांपूर्वी सुरू केलेल्या या प्रयत्नांची दखल बघता बघता राष्ट्रीयच नाही तर आंतराष्ट्रीय पातळीवरदेखील घेतली गेली. ६० हून अधिक वय असलेल्या या आजीबाईंच्या शाळेची नोंद आता लिम्का बुक ऑफ वर्ल्ड रेकॉर्डमध्ये झाली आहे.