Short News

न्यायमूर्ती लोया यांचा मृत्यू नैसर्गिकच - महाराष्ट्र सरकार

न्यायमूर्ती लोया यांचा मृत्यू नैसर्गिकच - महाराष्ट्र सरकार

सर्वोच्च न्यायालयात न्यायमूर्ती लोया यांच्या कथित मृत्यूप्रकरणी महाराष्ट्र सरकारने आपली बाजू मांडली. घटनेच्या दिवशी लोया यांच्या समवेत असेलल्या चारही न्यायाधीशांनी त्यांचा मृत्यू नैसर्गिक असल्याचे सांगितले. न्यायाधीशाचे म्हणणे निर्विवाद असून त्यामुळे लोया यांच्या मृत्यूविषयी शंका घेणे चुकीचे असल्याचे राज्य सरकारने म्हटले आहे. मुख्य न्यायाधीश दीपक मिश्रा यांच्या खंडपीठासमोर सुनावणी पार पडली.
रितेश देशमुखने घेतली मोदीची फिरकी

रितेश देशमुखने घेतली मोदीची फिरकी

सध्या संपूर्ण देशभरात डायमंड व्यापारी नीरव मोदी याने पंजाब नॅशनल बॅँकेत केलेल्या ११,५०० कोटी रूपयांच्या महाघोटाळ्याचीच चर्चा रंगत आहे. यास बॉलिवूडदेखील अपवाद नाही. नुकतेच अभिनेता रितेश देशमुख याने नीरव मोदीची फिरकी घेताना एक ट्विट केले. रितेशने त्याच्या ‘बॅँक चोर' या चित्रपटाचा एक फोटो शेअर करताना ट्विटमध्ये लिहिले की, ‘मी एकटाच असा ‘बॅँक चोर' आहे जो अपयशी ठरला आहे.'
बारावीच्या लेखी परीक्षेला आजपासून सुरूवात

बारावीच्या लेखी परीक्षेला आजपासून सुरूवात

राज्य माध्यमिक व उच्च माध्यमिक शिक्षण मंडळाकडून घेण्यात येत असलेल्या इयत्ता बारावीची लेखी परीक्षा बुधवारपासून सुरू होत आहे. व्हॉट्सअ‍ॅपवरून प्रश्नपत्रिका फोडण्याच्या प्रकारांना चाप लावण्यासाठी प्रत्येक वर्गातील प्रश्नपत्रिकांचे सीलबंद पाकीट विद्यार्थ्यांच्या स्वाक्षरीने उघडण्याचा निर्णय घेण्यात आला आहे.
अभिनेत्री कंगना रणौत 'या' क्षेत्रात येण्याची चिन्ह

अभिनेत्री कंगना रणौत 'या' क्षेत्रात येण्याची चिन्ह

अभिनेत्री कंगना रणौत सध्या ‘मणिकर्णिका...' या चित्रपटाच्या चित्रीकरणात व्यग्र आहे. कंगना सध्या तिच्या आगामी चित्रपटाच्या तयारीसोबतच आणखी एका गोष्टीवर लक्ष केंद्रित करत आहे. अभिनयासोबतच ही ‘क्वीन' राजकारणात सक्रीय होण्याची चिन्हं आहेत. कंगनाने आतापर्यंत बऱ्याचदा पंतप्रधान नरेंद्र मोदींची भेट घेतली असून तिच्या अभिनयाने आणि समजूतदारपणाने मोदींचे मन जिंकले आहे.