Short News

भारतात तयार झाले डेंग्यूचे औषध, चाचणी यशस्वी

भारतात तयार झाले डेंग्यूचे औषध, चाचणी यशस्वी

जगामध्ये प्रथमच भारतीय शास्त्रज्ञांनी डेंग्यूवर प्रभावी औषध तयार केले आहे. रुग्णांवर या औषधाची पायलट स्टडीही यशस्वी ठरली. आता बाजारात हे औषध आणण्यापूर्वी ग्लोबल स्टँडर्ड अंतर्गत याची मोठ्या प्रमाणावर वैद्यकीय चाचणी घेतली जात आहे. 2019 पर्यंत डेंग्यूच्या सामान्य रुग्णांसाठी हे औषध बाजारात उपलब्ध होईल अशी अपेक्षा वर्तवली जात. आयुर्वेदीक असलेले हे औषध सात औषधी रोपांपासून तयार करण्यात आले आहे. 
लोकलसमोर ढकलून 56 वर्षीय प्रवाशाची हत्या

लोकलसमोर ढकलून 56 वर्षीय प्रवाशाची हत्या

किरकोळ वादातून एका प्रवाशाला धावत्या लोकलसमोर ढकलून त्याची हत्या करण्यात आल्याचा प्रकार समोर आला आहे. मुंबईत मध्य रेल्वेवरील मुलुंड स्टेशनवर ही घटना घडली. दीपक चमन पटवा असे मृत व्यक्तीचे नाव आहे. दीपक पटवा हे मुलुंड पश्चिमेला राहत होते. दीपक शनिवारी दुपारी मुलुंड स्टेशनच्या फलाट क्रमांक 3 वरुन प्रवास करण्यासाठी निघाले होते. त्यावेळी एक महिला आणि पुरुषासोबत त्यांची शाब्दिक बाचाबाची झाली होती. 
पुण्यातील आयपीएलचे प्लेऑफ सामने हलवण्याची चिन्हे

पुण्यातील आयपीएलचे प्लेऑफ सामने हलवण्याची चिन्हे

चेन्नईत कावेरी पाणीवाटपाला होत असलेल्या विरोधामुळे चेन्नईला पुण्याचे गहुंजे स्टेडिअम होम ग्राऊंड म्हणून देण्यात आले. परंतु आता परत चेन्नईला आपले बस्तान हलवावे लागण्याची शक्यता आहे. सध्या चेन्नईचे सामने पुण्यात रंगले आहेत. पण आता हा आनंद जास्त काळ टिकण्याची शक्यता नाही. 23 आणि 25 मे ला होणारे प्लेऑफ सामने इतर ठिकाणी हलविण्याची तयारी सुरू आहे. लखनौ येथे हे सामने खेळवले जाऊ शकतात. 
सेक्स ट्रिपला जाणाऱ्या व्यक्तीला 330 वर्ष कारावास

सेक्स ट्रिपला जाणाऱ्या व्यक्तीला 330 वर्ष कारावास

चाइल्ड पॉर्नोग्राफीच्या आरोपाखाली फ्लोरिडामधील एका व्यक्तीला 330 वर्ष कारावासाची शिक्षा सुनावण्यात आली आहे. आरोपी सेक्स ट्रिपसाठी फिलिपिन्सला जात होता अशी माहिती पोलिसांनी दिली आहे. फिलिपिन्सच्या दौ-यावर गेल्यानंतर आरोपी लहान मुलांसोबत लैंगिक अत्याचार करत त्याचे व्हिडीओ रेकॉर्ड करुन सोशल मीडियावर शेअर करत असे अशी माहितीही पोलिसांनी दिली आहे. डेव्हिड लिंच असे या आरोपीचे नाव आहे.