Short News

तेजप्रतापने शेअर केला ऐश्वर्यासोबतचा रोमँटिक फोटो

तेजप्रतापने शेअर केला ऐश्वर्यासोबतचा रोमँटिक फोटो

राष्ट्रीय जनता दलाचे सर्वेसर्वा लालू प्रसाद यादव यांचा मुलगा तेज प्रताप यादवने पत्नी ऐश्वर्या रायसोबतचा एक रोमँटिक फोटो त्याच्या इन्स्टाग्रावर पोस्ट केला आहे. तेज प्रतापने नवविवाहित वधूला सायकलवर डबलसीट बसवल्याचा हा फोटो आहे. तेज प्रताप आणि ऐश्वर्या परस्परांकडे पाहून नजरेमधून प्रेम व्यक्त करत असल्याचा हा रोमँटिक फोटो आहे. 15 मे रोजी  तेज प्रताप आणि ऐश्वर्याचा शाही विवाह पार पडला. 
कोलकात्याचा राजस्थानवर 25 धावांनी विजय

कोलकात्याचा राजस्थानवर 25 धावांनी विजय

कोलकात्याने आज राजस्थानवर 25 धावांनी विजय प्राप्त करत थेट सेमीफायनलमध्ये प्रवेश मिळवला आहे. कोलकात्याने दिलेले 170 धावाच्या आव्हानाचा पाठलाग करताना राजस्थान 20 षटकात केवळ 144 धावाच करू शकले. राजस्थानकडून संजु सॅमसन (50) आणि कर्णधार रहाणे (46) यांनी चांगली खेळी केली पण विजय प्राप्त करण्यात अपयश आले. पियूष चावलाने 4 षटकांत 24 धावा देत 2 बळी बाद केले.
कोलकात्याचे राजस्थानपुढे 170 धावांचे आव्हान

कोलकात्याचे राजस्थानपुढे 170 धावांचे आव्हान

कोलकाताने निर्धारीत 20 षटकांत 169 धावा करत राजस्थानसमोर 170 धावांचे आव्हान ठेवले आहे. राजस्थानकडून कर्णधार दिनेश कार्तिकने 38 चेंडूत 4 चौकार 2 षटकाराच्या जोरावर 52 धावा केल्या तर आंद्रे रसेलने 25 चेंडूत 5 षटकार आणि 3 चौकाराच्या मदतीने 49 धावा करत नाबाद राहिला. राजस्थानकडून क्रिष्णापा गौतमने 3 षटकांत 15 धावा देत 2 गडी बाद केले.
मंत्रीमंडळाच्या बैठकीत पेट्रोल-डिझेलच्या दराबाबत दिलासा नाही

मंत्रीमंडळाच्या बैठकीत पेट्रोल-डिझेलच्या दराबाबत दिलासा नाही

केंद्रीय मंत्रिमंडळाच्या बैठकीत आज पेट्रोल-डिझेलची वाढती दरवाढ रोखण्याबाबत निर्णय होईल अशी आशा होती. मात्र, ही आशा फोल ठरली असून इंधन दरवाढीबाबत बैठकीत कोणताही निर्णय घेण्यात आला नाही. उलट, पेट्रोलिअम उत्पादनातून मिळणाऱ्या अबकारी कराचा वापर महामार्ग आणि एम्ससारख्या आंतरराष्ट्रीय दर्जाच्या रुग्णालयांच्या निर्मितीसाठी करण्यात येतो.