Short News

ब्रिटनची युद्धनौका दक्षिण चीन समुद्रात प्रवेश करणार

ब्रिटनची युद्धनौका दक्षिण चीन समुद्रात प्रवेश करणार

दक्षिण चीन समुद्रात संचाराचे स्वातंत्र्य प्रत्येक देशाला आहे,हे दाखवून देण्यासाठी ब्रिटनची युद्धनौका येथून प्रवास करणार आहे.हे सागरी क्षेत्र आंतरराष्ट्रीय सागरी क्षेत्र आहे,असा दावा आंतरराष्ट्रीय समुदायाचा आहे. ब्रिटनची युद्धनौका ऑस्ट्रेलियाहून रवाना होईल.पाणबुडीरोधक युद्धनौका एचएमएस सदरलँड या आठवड्याच्या अखेरीस ऑस्ट्रेलियाला पोहोचेल, असे ब्रिटनचे संरक्षण सचिव गॅव्हिन विल्यम्सन यांनी सांगितले. 
बहुदेशीय प्रणालीच्या फेररचनेसाठी फ्रान्सची अमेरिकेला हाक

बहुदेशीय प्रणालीच्या फेररचनेसाठी फ्रान्सची अमेरिकेला हाक

फ्रान्सचे राष्ट्राध्यक्ष इमॅन्युएल मॅक्रॉन यांनी गुरुवारी बहुदेशीय व्यापाराची पुर्नरचना करण्यासाठी अमेरिकेला मदतीचे आवाहन केले. बहुदेशीय व्यापार ही संकल्पना निर्माण करण्यात अमेरिकेची निर्णायक भूमिका राहिलेली आहे, असे ते म्हणाले. युएस काँग्रेसच्या एका कार्यक्रमात उपस्थितांना संबोधित करताना ते बोलत होते. 'बहुदेशीय व्यापार' या संकल्पनेला प्रत्यक्षात अमेरिकेने आकार दिल्याचे ते म्हणाले. 
सुरक्षा दलाच्या जवानांकडून मुफ्ती यासिरला कंठस्नान

सुरक्षा दलाच्या जवानांकडून मुफ्ती यासिरला कंठस्नान

जम्मू-काश्मीरमध्ये दहशतवाद्यांविरुद्ध सुरू असलेल्या ऑपरेशनमध्ये सुरक्षा दलाच्या जवानांना मोठे यश मिळाले आहे. जम्मू-काश्मीरच्या त्रालमध्ये जैश-ए-मोहम्मदचा दहशतवादी मुफ्ती यासिर याला कंठस्नान घालण्यात आले आहे. पोलीस महासंचालक एसपी वैद यांनी आपल्या ट्वीटरवरुन ही माहिती दिली आहे. 'यासिर हा जैश-ए-मोहम्मदचा प्रमुख मसहूद अझहर याचा उजवा हात मानला जायचा.  
दक्षिण कोरियामध्ये जाणारे किम जोंग उन पहिले नेते

दक्षिण कोरियामध्ये जाणारे किम जोंग उन पहिले नेते

उद्या आशिया आणि पर्यायाने जागतिक शांततेच्या दिशेने नवे पाऊल टाकणार आहे. दक्षिण कोरिया आणि उत्तर कोरियाच्या नेत्यांची अणूकार्यक्रमासह इतर अनेक विषयांवर चर्चा होणार आहे. 1953 नंतर उत्तर कोरियाची सीमा ओलांडून दक्षिण कोरियामध्ये जाणारे किम जोंग उन हे पहिले उ.कोरियन नेते असतील. दक्षिण कोरियाचे राष्ट्राध्यक्ष मून जाए-इन आणि  किम यांची सकाळी स्थानिकवेळेनुसार सकाळी 9.30 वाजता भेट होणार आहे.