Short News

லைப் இன்சூரன்ஸ் கார்ப்ரேஷன் 6 மாதத்திற்கும் முன்பு புற்று நோய்க்கான காப்பீடு திட்டம் ஒன்றை அறிமுகம் செய்தது. இந்தத் திட்டத்திற்கு நாடு முழுவதிலும் உள்ள மக்களிடம் அதிக வரவேற்பு உள்ளது.புற்று நோய்க்காக எல்ஐசி அறிமுகம் செய்த இந்தக் காப்பீடு திட்டத்தினை இது வரை 88,750 நபர்கள் வாங்கியிருப்பதாக ஆங்கில நாளிதழ் ஒன்று செய்தி வெளியிட்டுள்ளது.

கனடாவின் டொரண்டோ நகரில் பாதசாரிகள் கூட்டத்திற்குள் ஒரு டிரக் வேகமாக வந்து மோதியது. இதில் 9 பேர் உடல் நசுங்கி சம்பவ இடத்திலேயே பரிதாபமாக உயிரிழந்தனர்; 16 பேர் படுகாயமடைந்தனர். அந்த டிரக்கின் ஓட்டுனர் கைது செய்யப்பட்டுள்ளார். அவர் ஐ.எஸ். தீவிரவாத இயக்கத்தைச் சேர்ந்தவரா என்பது குறித்து விசாரணை நடந்து வருகிறது. இச்சம்பவம் டொராண்டோவில் பெரும் பரபரப்பையும் அதிர்ச்சியையும் ஏற்படுத்தியுள்ளது.

ராமேஸ்வரத்தை அடுத்த தனுஷ்கோடி பகுதியில் தொடர்ந்து 4ஆவது நாளாக கடல் சீற்றத்துடன் காணப்படுகிறது. இதையடுத்து அப்பகுதிக்குச் செல்ல அனைவருக்கும் தடை விதிக்கப்பட்டுள்ளது. இதனால் அங்கு வந்த சுற்றுலாப் பயணிகள் பெரிதும் ஏமாற்றமடைந்தனர். தென் கடல் பகுதிகளில் கடலுக்குள் செல்ல வேண்டாம் என அப்பகுதி மீனவர்களும் அறிவுறுத்தப்பட்டுள்ளனர்.

தமிழகத்தின் முக்கிய நகரங்களில் இன்று காலை 7.15 மணிக்குப் பதிவான வெப்பநிலை அளவுகள் (டிகிரி செல்சியஸில்) பின்வருமாறு: சென்னை-29; மதுரை-28; கோயம்புத்தூர்-26; திருச்சி-27; திருநெல்வேலி-25; திண்டுக்கல்-25; ஈரோடு-27; சேலம்-28; சிவகாசி-26; தஞ்சாவூர்-27; தூத்துக்குடி-27; திருப்பூர்-27; வேலூர்-26; ஊட்டி-15; கொடைக்கானல்-15; ஏற்காடு-22; ஏலகிரி-25; வேடந்தாங்கல்-28.