Short News

விதார்த்துக்கு அடித்த அதிர்ஷ்டம்!

விதார்த்துக்கு அடித்த அதிர்ஷ்டம்!

தும்ஹாரி சுலு ரீமேக்கில் ஜோதிகாவின் கணவராக நடிக்கிறார் விதார்த். வித்யா பாலன் நடிப்பில் வெளியாகி ஹிட்டான இந்தி படமான தும்ஹாரி சுலு தமிழில் ரீமேக் செய்யப்படுகிறது. தமிழில் வித்யா பாலன் கதாபாத்திரத்தில் ஜோதிகா நடிக்கிறார். தன் பட ரீமேக்கில் ஜோதிகா நடிப்பதை அறிந்து வித்யா பாலன் தனது மகிழ்ச்சியை வெளிப்படுத்தியுள்ளார்.
சென்னையில் எஸ்.ஐ. தூக்கிட்டு தற்கொலை!

சென்னையில் எஸ்.ஐ. தூக்கிட்டு தற்கொலை!

சென்னை கொருக்குப்பேட்டை காவல் நிலையத்தில் சிறப்பு துணை ஆய்வாளராகப் பணிபுரிந்து வந்தார் ஜோசப். அவர் காசிமேடு மீன்பிடித் துறைமுகம் அருகே திடீரென தூக்குப் போட்டு தற்கொலை செய்து கொண்டார். அவருடைய உடலைக் கைப்பற்றி போலீசார் தீவிர விசாரணை நடத்தி வருகின்றனர். ஒரு எஸ்.ஐ. தற்கொலை செய்து கொண்டது அப்பகுதியில் பெரும் பரபரப்பை ஏற்படுத்தியுள்ளது.
கனடா: பாதசாரிகள் மீது டிரக் மோதி 9 பேர் பலி!

கனடா: பாதசாரிகள் மீது டிரக் மோதி 9 பேர் பலி!

கனடாவின் டொரண்டோ நகரில் பாதசாரிகள் கூட்டத்திற்குள் ஒரு டிரக் வேகமாக வந்து மோதியது. இதில் 9 பேர் உடல் நசுங்கி சம்பவ இடத்திலேயே பரிதாபமாக உயிரிழந்தனர்; 16 பேர் படுகாயமடைந்தனர். அந்த டிரக்கின் ஓட்டுனர் கைது செய்யப்பட்டுள்ளார். அவர் ஐ.எஸ். தீவிரவாத இயக்கத்தைச் சேர்ந்தவரா என்பது குறித்து விசாரணை நடந்து வருகிறது. இச்சம்பவம் டொராண்டோவில் பெரும் பரபரப்பையும் அதிர்ச்சியையும் ஏற்படுத்தியுள்ளது.
தனுஷ்கோடியில் தொடரும் கடல் சீற்றம்!

தனுஷ்கோடியில் தொடரும் கடல் சீற்றம்!

ராமேஸ்வரத்தை அடுத்த தனுஷ்கோடி பகுதியில் தொடர்ந்து 4ஆவது நாளாக கடல் சீற்றத்துடன் காணப்படுகிறது. இதையடுத்து அப்பகுதிக்குச் செல்ல அனைவருக்கும் தடை விதிக்கப்பட்டுள்ளது. இதனால் அங்கு வந்த சுற்றுலாப் பயணிகள் பெரிதும் ஏமாற்றமடைந்தனர். தென் கடல் பகுதிகளில் கடலுக்குள் செல்ல வேண்டாம் என அப்பகுதி மீனவர்களும் அறிவுறுத்தப்பட்டுள்ளனர்.