Short News

இந்திய கிரிக்கெட் அணியின் கேப்டன் பதவியில் இருந்து மகேந்திரசிங் தோனி விலகியிருந்தாலும் கிரிக்கெட்டில் இன்னும் பல சாதனைகளை இவர் செய்வார் என்பதில் சந்தேகம் ஏதும் இல்லை. இவரைப் பின்பற்றி உங்களது நிதி இலக்குகளை எவ்வாறு அடைவது என்று தெரியுமா? குடும்பத்திற்காக அல்லது உங்கள் நிதி நிலைமை பொருத்து முதலீடுகள் எப்போதும் வாழ்க்கைக்கு இன்றியமையாத ஒன்றாக அமையும்.

சில மாதங்களுக்கு முன் ஏற்பட்ட தீவிபத்தில், மதுரை மீனாட்சி அம்மன் திருக்கோவிலில் உள்ள ஆயிரங்கால் மண்டபம் சேதமடைந்து, பின்னர் பூட்டி வைக்கப்பட்டது. இந்த நிலையில், தற்போது அது பக்தர்கள் பார்வையிடுவதற்காக இன்று மீண்டும் திறக்கப்பட்டுள்ளது. சித்திரைத் திருவிழா கடந்த ஒருசில நாட்களாகக் களைகட்டி வரும் நிலையில், இந்தத் தகவலால் பக்தர்கள் மகிழ்ச்சியடைந்துள்ளனர்.

பெண் பத்திரிக்கையாளர்கள் குறித்து தமிழக பாஜக நிர்வாகியான எஸ்வி சேகர் தனது சமூக வலைதள பக்கத்தில் தரக்குறைவாக கருத்து பதிவிட்டிருந்தார். இந்த விவகாரம் பூதாகரமாகியுள்ளது. இவ்விவகாரத்தில் அவர் எந்நேரத்திலும் கைது செய்யப்படலாம் எனக் கூறப்படுகிறது. இதனால் அச்சமடைந்துள்ள எஸ்.வி. சேகர் முன்ஜாமீன் பெற முடிவு செய்திருப்பதாகவும் தகவல் வெளியாகியுள்ளது.

தமிழகத்தின் முக்கிய நகரங்களில் இன்று காலை 9 மணிக்குப் பதிவான வெப்பநிலை அளவுகள் (டிகிரி செல்சியஸில்) பின்வருமாறு: சென்னை-32; மதுரை-31; கோயம்புத்தூர்-26; திருச்சி-29; திருநெல்வேலி-30; திண்டுக்கல்-29; ஈரோடு-30; சேலம்-27; சிவகாசி-30; தஞ்சாவூர்-29; தூத்துக்குடி-30; திருப்பூர்-27; வேலூர்-31; ஊட்டி-18; கொடைக்கானல்-19; ஏற்காடு-24; ஏலகிரி-29; வேடந்தாங்கல்-32.