Short News

இந்தியாவுக்கு எதிரான போராட்டத்தில் சிறுவர்களை ஈடுபடுத்த பாகிஸ்தானை அடிப்படையாக கொண்டு செயல்பட்டு வரும் ஜமாத் உத் தவா அமைப்பு முயற்சிகளை மேற்கொண்டு வருவதாக கூறப்படுகிறது. இதனை உறுதி செய்யும் விதமாக சிறுவன் ஒருவன் தனது கையில் துப்பாக்கியுடன் நிற்பது போன்ற புகைப்படத்தை ஏஎன்ஐ நிறுவனம் தற்போது வெளியிட்டுள்ளது.

வெப்பச்சலனம் காரணமாக தமிழகம் மற்றும் புதுச்சேரியில் இன்று ஓரிரு இடங்களில் இடியுடன் கூடிய மழைக்கு வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது. உள் மாவட்டங்களில் இன்று வழக்கத்தைவிட 40-41 டிகிரி வெப்பம் அதிகமாக இருக்கும் என எதிர்பார்க்கப்படுகிறது. சென்னையை பொறுத்தவரை வானம் மேகமூட்டத்துடன் காணப்படும் என்று தெரிவிக்கப்பட்டுள்ளது.

சென்னை சென்ட்ரல் ரயில் நிலையத்தில், ஒரு ரயிலிலிருந்து இறங்கி வரும் பயணிகளிடம் போலீசார் தீவிர சோதனை நடத்தினர். அப்போது ஒரு பெண், 40 கிலோ கஞ்சா மூட்டைகளை ஒரு ஆட்டோவில் ஏற்ற முயன்றபோது கையும் களவுமாகப் பிடிபட்டார். விசாரணையில், அவர் திண்டுக்கல்லை சேர்ந்தவர் என்பதும், அவர் பெயர் செல்வி என்பதும் தெரிய வந்தது. கஞ்சா கடத்தல் தொடர்பாக அவரிடம் போலீசார் தீவிரமாக விசாரித்து வருகின்றனர்.

நேற்று பெங்களூருக்கும் சென்னைக்கும் இடையே பரபரப்பாக நடந்த போட்டியில் சென்னை வெற்றி பெற்றது. இந்த போட்டியின் போது தோனியிடம் அவரது மனைவி சாக்ஷி இன்னொரு சிக்ஸ் அடிக்கும் படி கேட்டுள்ளார். அதற்கு அடுத்த ஓவரில் தோனிக்கு ஸ்ட்ரைக் கிடைக்கும் போது அவர் அதை சிக்ஸாக மாற்றி தனது மனைவியின் ஆசையை நிறைவேற்றியுள்ளார்.