Short News

இந்தியாவின் வரி விதிப்பு முறையால் ட்ரம்ப் கோபம்.. பதிலடி தர வேண்டும் என்று சீற்றம்

இந்தியாவின் வரி விதிப்பு முறையால் ட்ரம்ப் கோபம்.. பதிலடி தர வேண்டும் என்று சீற்றம்

ஹார்லி டேவிட்சன் மோட்டார் பைக் மீதான இந்தியாவின், வரி விதிப்புக்கு அமெரிக்க அதிபர் டொனால்ட் ட்ரம்ப் அதிருப்தி வெளிப்படுத்தியுள்ளார்.
இந்தியாவில் ஹார்லி டேவிட்சன் பைக்குகள், ஆண்டுக்கு சராசரியாக 3,700 என்ற அளவுக்கு இறக்குமதி செய்யப்படுகின்றன. ஆனால், அமெரிக்கா இந்தியாவிடமிருந்து அதிகப்படியாக பைக்குகளை இறக்குமதி செய்யவில்லை. இருப்பினும் ட்ரம்ப் இவ்வாறு பதிலுக்கு பதில் வரி போடுவோம் என பேசியுள்ளார்.

ஆணவ கொலைக்கு கமல் குரல் கொடுங்க- பாலகிருஷ்ணன்!

ஆணவ கொலைக்கு கமல் குரல் கொடுங்க- பாலகிருஷ்ணன்!

கலாம் வீட்டில் இருந்து இன்று அரசியல் பயணத்தைத் தொடங்கியுள்ள கமல்ஹாசன், 'மக்கள் நீதி மய்யம்'. என்ற கட்சியை மதுரையில் தொடங்கினார். இதையடுத்து, பல்வேறு அரசியல் கட்சி தலைவர்கள் அவருக்கு வாழ்த்து தெரிவித்தனர், இந்நிலையில், "கமல் கட்சி தொடங்கியதால் யாருக்கும் பாதிப்பு இல்லை, ஆணவ படுகொலைகளுக்கு எதிராக கமல் குரல் கொடுக்க வேண்டும்" என்று மார்க்சிஸ்ட் கம்யூ. மாநில செயலாளர் பாலகிருஷ்ணன் தெரிவித்துள்ளார்.
கமல் பொதுக்கூட்டத்தில் செல்போன் திருட்டு!

கமல் பொதுக்கூட்டத்தில் செல்போன் திருட்டு!

நடிகர் கமல்ஹாசன், 'மக்கள் நீதி மய்யம்'. என்ற கட்சியை மதுரையில் தொடங்கினார். இதையடுத்து, கட்சிக்கான உயர்மட்ட நிர்வாகிகள் அறிவித்தார். மேலும், கட்சி உறுப்பினர் சேர்க்கையை இன்றே தொடங்கி வைத்தார். இந்நிலையில், கமல் பொதுக்கூட்டத்தில் கலந்து கொள்ளவந்த பலரின் செல்போன் திருடப்பட்டுள்ளதாக தகவல் வெளியாகியுள்ளது, இந்த திருட்டு குறித்து அப்பகுதியில் போலீஸார் விசாரணை நடத்தி வருகின்றனர்.
மக்களின் கேள்விக்கு பதிலளித்த முதல் அரசியல்வாதி கமல்!

மக்களின் கேள்விக்கு பதிலளித்த முதல் அரசியல்வாதி கமல்!

தனது அரசியல் பொதுக்கூட்டத்தில் கலந்துகொண்ட பொதுமக்களின் கேள்விக்கு நடிகர் கமல்ஹாசன் பதில் அளித்தார். அப்போது, - எதற்கு ராமேஸ்வரம்? எதற்கு கலாம்? என்ற கேள்விக்கு, கலாம் வீடு இருக்கும் இடம் ராமேஸ்வரம், அதனால் அங்கு சென்றேன் என்று பதிலளித்தார், மேலும் - இவ்வளவு நாள் எங்கு இருந்தீர்கள்? என்ற கேள்விக்கு, இவ்வளவு நாள் உங்கள் உள்ளங்களில் இருந்தேன், இனி உங்கள் இல்லங்களில் இருப்பேன் என்றார்.