Short News

ஈழம் சுருங்கிவிட்டது: ராஜபக்சேவின் நக்கல் பேச்சு!

ஈழம் சுருங்கிவிட்டது: ராஜபக்சேவின் நக்கல் பேச்சு!

இலங்கை உள்ளாட்சித் தேர்தலில் ராஜபக்சேவின் லங்கா பொதுஜன பெரமுன கூட்டணி 45% வாக்குகள் வாங்கி அமோக வெற்றி அடைந்துள்ளது. இதில் ஆளும் அதிபர் சிறிசேன கட்சி படுதோல்வி அடைந்துள்ளது. இந்நிலையில், "நாடாளுமன்றத்தைக் கலைத்துவிட்டு இலங்கையில் தேர்தல் நடத்த வேண்டும் என்று வலியுறுத்தியுள்ளார். மேலும், தமிழ் ஈழ பிராந்திய எல்லை பகுதிகள் கூட மிகவும் சுருங்கிவிட்டது" என்று ராஜபக்சே எகத்தாளமாக பேசியுள்ளார்.
தூக்கிலிடும் முறையே சரி!

தூக்கிலிடும் முறையே சரி!

தூக்கிலிடுவதற்கு பதிலாக வேறு நடைமுறையை பின்பற்றலாம் என உச்சநீதிமன்றத்தில் பொதுநல வழக்கு தொடரப்பட்டது. இதற்கு மரண தண்டனையை நிறைவேற்றுவதற்கு தூக்கிலிடும் நடைமுறையே சிறந்த முறை என மத்திய அரசு இன்று பதில் மனு தாக்கல் செய்துள்ளது. அதில், துப்பாக்கியால் சுடுவது, விஷ ஊசி போடுவது மற்றும் மின்சாரம் செலுத்தி குற்றவாளிகளின் உயிரை பறிப்பதற்கு மத்திய அரசு எதிர்ப்பு தெரிவித்துள்ளது.
ஏர்ஏசியாவின் சம்மர் அதிரடி ஆஃபர் டிக்கெட்கள்!

ஏர்ஏசியாவின் சம்மர் அதிரடி ஆஃபர் டிக்கெட்கள்!

ஏர்ஏசியா விமான நிறுவனம் உள்நாட்டு பயண டிக்கெட்களுக்கு அதிரடி சம்மர் ஸ்பெஷலாக விடுமுறை சலுகை கட்டணங்களாக ரூ.1,399 முதல் விமானப் பயணம் செய்யலாம் என்று அறிவித்துள்ளது. இந்தச் சலுகை விலை டிக்கெட்களை 2018 ஏப்ரல் 29 வரை புக் செய்யலாம் என தெரிவிக்கப்பட்டுள்ளது. இந்த விமான டிக்கெட் மூலம் முன்கூட்டியே புக் செய்து 2018 அக்டோபர் 31 வரை பயணம் செய்யலாம் ஏர்ஏசியா தெரிவித்துள்ளது
ரூ.15 லட்சம் எங்கே? மோடியின் தில்லாங்கடி வாக்குறுதி!

ரூ.15 லட்சம் எங்கே? மோடியின் தில்லாங்கடி வாக்குறுதி!

கடந்த தேர்தலின் போது, பாஜக வெற்றி பெற்றால் வாக்காளர்கள் வங்கி கணக்கில் ரூபாய் 15 லட்சம் டெபாசிட் செய்யப்படும் என மோடி கூறினார், இந்த பணம் மக்களுக்கு எப்போது கொடுக்கப்படும் என தகவல் அறியும் உரிமை சட்டத்தின் கீழ் மோகன் குமார் சர்மா என்பவர் கேள்வி எழுப்பினார். இதற்கு பதில் அளிக்க முடியாது என்று தகவல் ஆணையம் மறுத்துள்ளது. மேலும் இந்த விஷயம் ''தகவல்'' என்று பட்டியலில் கீழ் வரவில்லை என தெரிவித்துள்ளது