Short News

ஈடன் கார்டன் மைதானத்தில் இன்று நடைபெற்ற டெல்லி அணிக்கு எதிரான 13வது டி20 லீக் ஆட்டத்தில் கொல்கத்தா அணி 71 ரன்கள் வித்தியாசத்தில் அபார வெற்றி பெற்றது. இதில் 2வது பேட்டிங் பிடித்த டெல்லி அணி, 14.2 ஓவர்களில் அனைத்து விக்கெட்களையும் இழந்து 129 ரன்கள் மட்டும் எடுத்து படுதோல்வி அடைந்தது, இன்றைய போட்டியில் அபாரமாக பந்துவீசிய கொல்கத்தா வீரர் சுனில் நரேன், 3 ஓவர்களில் 3 விக்கெட்களை எடுத்தார்.

சென்னை கொருக்குப்பேட்டை காவல் நிலையத்தில் சிறப்பு துணை ஆய்வாளராகப் பணிபுரிந்து வந்தார் ஜோசப். அவர் காசிமேடு மீன்பிடித் துறைமுகம் அருகே திடீரென தூக்குப் போட்டு தற்கொலை செய்து கொண்டார். அவருடைய உடலைக் கைப்பற்றி போலீசார் தீவிர விசாரணை நடத்தி வருகின்றனர். ஒரு எஸ்.ஐ. தற்கொலை செய்து கொண்டது அப்பகுதியில் பெரும் பரபரப்பை ஏற்படுத்தியுள்ளது.

கனடாவின் டொரண்டோ நகரில் பாதசாரிகள் கூட்டத்திற்குள் ஒரு டிரக் வேகமாக வந்து மோதியது. இதில் 9 பேர் உடல் நசுங்கி சம்பவ இடத்திலேயே பரிதாபமாக உயிரிழந்தனர்; 16 பேர் படுகாயமடைந்தனர். அந்த டிரக்கின் ஓட்டுனர் கைது செய்யப்பட்டுள்ளார். அவர் ஐ.எஸ். தீவிரவாத இயக்கத்தைச் சேர்ந்தவரா என்பது குறித்து விசாரணை நடந்து வருகிறது. இச்சம்பவம் டொராண்டோவில் பெரும் பரபரப்பையும் அதிர்ச்சியையும் ஏற்படுத்தியுள்ளது.

ராமேஸ்வரத்தை அடுத்த தனுஷ்கோடி பகுதியில் தொடர்ந்து 4ஆவது நாளாக கடல் சீற்றத்துடன் காணப்படுகிறது. இதையடுத்து அப்பகுதிக்குச் செல்ல அனைவருக்கும் தடை விதிக்கப்பட்டுள்ளது. இதனால் அங்கு வந்த சுற்றுலாப் பயணிகள் பெரிதும் ஏமாற்றமடைந்தனர். தென் கடல் பகுதிகளில் கடலுக்குள் செல்ல வேண்டாம் என அப்பகுதி மீனவர்களும் அறிவுறுத்தப்பட்டுள்ளனர்.