Short News

பா.ம.க. இளைஞரணித் தலைவர் அன்புமணி இன்று அதிகாலை  சென்னையில் உள்ள அப்பல்லோ மருத்துவமனையில் மருத்துவப் பரிசோதனை மேற்கொண்டார்.  ஆனால் அங்கு தான் அனுமதிக்கப்பட்டதாக வந்த தகவல்களை அன்புமணி மறுத்துள்ளார்.  இது வழக்கமான பரிசோதனைதான் என்று அவர் விளக்கம் அளித்துள்ளார்.

இந்திய பெருநிறுவனங்களின் கடன் வளர்ச்சி குறையும் அதே நேரத்தில், பிப்ரவரி மாதம் சில்லறை கடன் 25% வளர்ச்சி அடைந்து புதிய உச்சத்தை எட்டியுள்ளதாக ரிசர்வ் வங்கி அறிக்கையில் தெரிவிக்கப்பட்டுள்ளது. நிறுவனங்களின் எண்ணிக்கையில் அதிக வளர்ச்சி என்பது கிரெடிட் கார்ட், பிடிமானமில்லா கடன்கள் போன்ற சிறு கடன்களால் நிகழும். இதில் பொதுத்துறை வங்கிகளை விடத் தனியார் வங்கிகளின் கடன் பங்களிப்பு அதிகரித்துள்ளது.

பச்சை நிற ப்ரோக்கொலி பல வகைகளில் உடலுக்கு நன்மையை அளிக்க வல்லது. ப்ரோக்கொலியை தொடர்ந்து சாப்பிட்டு வருவது புற்றுநோய், ரத்த அழுத்தம், சரும பிரச்சனை உள்ளிட்ட வகைகளுக்கு தீர்வாக அமையும் என மருத்துவர்கள் கூறிகிறார்கள். மேலும் கண் பார்வையில் குறைபாடு உள்ளவர்கள் தினமும் ப்ரோக்கொலியை சாப்பிட்டு வந்தால் பார்வையில் தெளிவு ஏற்பட வாய்ப்பு இருக்கிறது.

கிருத்திகா ஸ்டாலின் இயக்கத்தில் விஜய் ஆண்டனி, சுனைனா, அஞ்சலி உள்ளிட்ட 5 கதாநாயகிகள் நடித்துள்ள 'காளி'. படத்தை பாத்திமா விஜய் ஆன்டனி தயாரித்துள்ளார். மேலும், இந்த படத்தை விஜய் ஆன்டனியே இசையமைத்து இருக்கிறார். இந்த படத்தின் வேலைகள் முடிந்து ரிலீஸ்க்கு தயாரான நிலையில், சினிமா ஸ்ட்ரைக் காரணமாக ரிலீஸ் தள்ளிப்போனது, தற்போது வரும் மே 18ம் தேதி 'காளி'. படத்தை வெளியிட இருப்பதாக படக்குழு அறிவித்துள்ளது.