Short News

ஜெயலலிதாவை வெளிநாட்டிற்கு அழைத்து செல்வதற்கு அமைச்சர்கள் யாரும் உதவியாக இல்லை என முன்னாள் தலைமைச் செயலாளர் ராமமோகனராவ் குற்றச்சாட்டிற்கு அமைச்சர் ஜெயகுமார் கண்டனம் தெரிவித்துள்ளார். மேலும், அவர் அதிகாரி போல் இல்லாமல் அரசியல்வாதியாகத்தான் ராமமோகனராவ் செயல்பட்டுள்ளார் என்று கூறியுள்ளார். இந்த விவகாரத்தில் ராமமோகனராவை கைது செய்து விசாரிக்க வேண்டும் என்று கோரிக்கை விடுத்துள்ளார்

கல்லூரி மாணவிகளை பாலியல் தொழிலுக்கு அழைத்த விவகாரத்தில் விருதுநகர் ஆத்திப்பட்டியில் உள்ள பேராசிரியை நிர்மலா தேவி வீட்டிற்கு சிபிசிஐடி போலீஸ் சீல் வைத்தது. அவரது வீட்டில் 5 மணி நேரத்திற்கு மேலாக, சோதனை நடைபெற்ற நிலையில், முக்கிய ஆவணங்கள் கைப்பற்றப்பட்டு, வீட்டிற்கு சீல் வைத்து நடவடிக்கை எடுத்துள்ளனர். மேலும், விருதுநகர் சிபிசிஐடி அலுவலகத்தில் நிர்மலா தேவியிடம் 3வது நாளாக விசாரணை நடைபெற்று வருகிறது

செய்தியாளர்கள் அளித்த புகாரின் அடிப்படையில் நடிகர் எஸ்வி சேகர் மீது 4 பிரிவுகளில் போலீஸ் வழக்கு பதிவு செய்துள்ளது. இதையடுத்து, போலீஸார் அவரை கைது செய்ய தீவிர நடவடிக்கை எடுத்து வருகிறது. தற்போது எஸ்வி சேகர் எங்கே இருக்கிறார் என்பது தெரியவில்லை என போலீசார் தெரிவித்துள்ளனர். மேலும், அவரை தீவிரமாக தேடி வருகின்றனர். இதில், எஸ்வி சேகர் 2 நாட்களாக வீட்டுக்கு வரவில்லை எனவும் கூறப்படுகிறது.

ஒய்.எஸ்.ஆர். காங்கிரஸ் கட்சியின் தலைவர் ஜெகன் மோகன் ரெட்டி பாரதிய ஜனதா கட்சியுடன் ரகசிய கூட்டு வைத்துள்ளதாக ஆந்திர முதலமைச்சர் சந்திரபாபு நாயுடு குற்றம்சாட்டியுள்ளார். மோடியுடன் சேர்ந்துகொண்டு ஆந்திர மாநிலத்தில் முழு அடைப்பு நடத்தியதன் மூலம் ஆந்திராவுக்கு எதிர்க்கட்சிகள் அநீதி இழைத்துள்ளதாகவும் நாயுடு கூறியுள்ளார்.