Short News

కోల్‌కతాపై  పంజాబ్‌ ఘన విజయం

కోల్‌కతాపై పంజాబ్‌ ఘన విజయం

టీ20లీగ్ 2018లో భాగంగా శనివారం ఈడెన్‌ గార్డెన్‌ స్టేడియంలో కోల్‌కతా నైట్‌ రైడర్స్‌తో జరిగిన మ్యాచ్‌లో కింగ్స్‌ పంజాబ్‌  9 వికెట్ల తేడాతో విజయం సాధించింది. వర్షం కారణంగా డక్‌వర్త్‌ లూయిస్‌ ప్రకారం కింగ్స్‌ లక్ష్యా‍న్ని 13 ఓవర్లకు 125 పరుగులకు నిర్దేశించారు. ఆ లక్ష్యాన్ని కింగ్స్‌ పంజాబ్‌ 11.1 ఓవర్లలో వికెట్‌ మాత్రమే కోల్పోయి ఛేదించింది. పంజాబ్‌ 8.2 ఓవర్లలో వికెట్‌ నష్టపోకుండా 96 పరుగుల వద్ద ఉండగా వర్షం పడింది. దాంతో మ్యాచ్‌కు కాసేపు అంతరాయం ఏర్పడింది. తిరిగి ఆరంభమైన మ్యాచ్‌లో కోల్‌కతాపై కింగ్స్‌ పంజాబ్‌ ఘన విజయం సాధించింది
ఎస్వీబీసీ ఛైర్మన్‌గా రాఘవేంద్రరావు నియామకం

ఎస్వీబీసీ ఛైర్మన్‌గా రాఘవేంద్రరావు నియామకం

శ్రీ వేంకటేశ్వర భక్తి ఛానెల్‌ ఛైర్మన్‌గా దర్శకేంద్రుడు డాక్టర్‌ కె. రాఘవేంద్రరావు నియమితులయ్యారు. ఈ మేరకు దేవస్థానం ఈవో అనిల్‌కుమార్‌ సింఘాల్‌ శనివారం ఉత్వర్వులు జారీచేశారు. రాఘవేంద్రరావు దేవస్థాన ధర్మకర్తల మండలిలో సభ్యులుగా ఉంటూ.. ఛానెల్‌ డైరెక్టర్‌గా బాధ్యతలు కూడా నిర్వహించారు. ఏపీ ముఖ్యమంత్రి చంద్రబాబు అభీష్టం మేరకు ఛానెల్‌ ఛైర్మన్‌గా రాఘవేంద్రరావును నియమిస్తూ దేవస్థాన ఈవో నియామక ఉత్తర్వులు జారీచేశారు.
మహేష్ బాబుపై కన్నడ అభిమానుల ఆగ్రహం

మహేష్ బాబుపై కన్నడ అభిమానుల ఆగ్రహం

సూపర్‌ స్టార్‌ మహేష్‌ బాబు హీరోగా కొరటాల శివ దర్శకత్వంలో తెరకెక్కిన పొలిటికల్‌ డ్రామా ‘భరత్‌ అనే నేను'. ప్రపంచవ్యాప్తంగా అభిమానుల నుంచి వస్తున్న ఆదరణకు మహేష్‌ బాబు ధన్యవాదాలు కూడా తెలిపారు. అయితే కన్నడ ప్రజలు మహేష్‌ బాబుపై తీవ్ర ఆగ్రహం వ్యక్తం చేస్తున్నారు. ‘హలో సార్‌.. భరత్‌ అనే సినిమా విజయానికి కన్నడ అభిమానుల పాత్ర కూడా చాలా కీలకం. ఇక్కడ కూడా మీకు చాలా మంది ఫ్యాన్స్‌ ఉన్నారు. అయినప్పటికీ మీరు కన్నడ అభిమానుల విషయంలో పక్షపాతం చూపించారు. మీకు కన్నడ అభిమానులు కనిపించడం లేదా? కనీసం కన్నడలో ధన్యవాదాలు చెప్పలేకపోయారా? అంటూ' మండిపడ్డారు.
కథువా ఎస్పీ సులేమాన్‌ చౌదరి  ట్రాన్స్ ఫర్

కథువా ఎస్పీ సులేమాన్‌ చౌదరి ట్రాన్స్ ఫర్

దేశవ్యాప్తంగా నిరసనలు వెల్లువెత్తిన కథువా ఉదంతంపై మరో కీలక పరిణామం చోటు చేసుకుంది. కథువా ఎస్పీని మార్చేశారు. కథువా సూపరిటెండెంట్‌ ఆఫ్‌ పోలీసు(ఎస్పీ)గా ఉన్న సులేమాన్‌ చౌదరి స్థానంలో శ్రీధర్‌ పాటిల్‌ నియమించారు. దీంతో కొత్త కథువా ఎస్పీగా శ్రీధర్‌ పాటిల్‌ బాధ్యతలు స్వీకరించారు. ఈ అత్యాచారం, హత్య కేసుపై విచారణ ప్రారంభమైన కొన్ని రోజుల్లోనే ఎస్పీని మార్చడం విశేషం. ఈ అత్యాచారంలో స్థానిక పోలీసులదే కీలక పాత్ర కావడంతో, ఈ కేసును స్థానిక పోలీసులు విచారణ చేపట్టడాన్ని ఆందోళనకారులు వ్యతిరేకించిన సంగతి తెలిసిందే.