Short News

అమానుషం: గోవులను స్మగ్లింగ్ చేస్తున్నాడని కొట్టి చంపారు

అమానుషం: గోవులను స్మగ్లింగ్ చేస్తున్నాడని కొట్టి చంపారు

ఓవైపు పార్లమెంటు శీతాకాల సమావేశాల్లో గోసంరక్షకులు హత్యలకు పాల్పడుతున్నారు అనే అంశంపై చర్చ జరుగుతుండగానే రాజస్థాన్‌లో అలాంటి ఘటనే మరొకటి చోటుచేసుకుంది. హర్యానాకు చెందిన ఓ 28 ఏళ్ల వ్యక్తి ఆవులను స్మగ్లింగ్ చేస్తున్నాడని ఆరోపిస్తు కొందరు గోసంరక్షులు ఆ వ్యక్తిని కొట్టి చంపారు. ఈ ఘటన రాజస్థాన్‌లోని అల్వార్‌లో చోటుచేసుకుంది.అక్బర్ ఖాన్ అనే వ్యక్తి రెండు ఆవులను హర్యానాలోని తన గ్రామానికి తీసుకెళుతుండగా... కొందరు వ్యక్తులు ఆయనపై దాడి చేశారు. తీవ్రగాయాలతో అక్బర్ మృతిచెందాడు.

‘పేపర్ బాయ్’ స్టోరీ ముందే చెప్పేసిన సంపత్ నంది

‘పేపర్ బాయ్’ స్టోరీ ముందే చెప్పేసిన సంపత్ నంది

సంపత్ నంది టీమ్‌వర్క్స్‌, ప్రచిత్ర క్రియేషన్స్, బి.ఎల్.ఎన్ సినిమా పతాకాలపై సంపత్ నంది, వెంకట్, నరసింహ నిర్మించిన సినిమా 'పేపర్ బాయ్'. సంతోష్ శోభన్, ప్రియా శ్రీ, తన్య హోప్ హీరోహీరోయిన్లుగా నటిస్తున్న ఈ చిత్రం ద్వారా జయశంకర్ దర్శకుడిగా పరిచయం అవుతున్నాడు. శనివారం ఈ చిత్రానికి సంబంధించిన టీజర్ విడుదల చేశారు. ఈ సందర్భంగా సంపత్ నంది మాట్లాడుతూ... 'పేపర్ బాయ్' ఒక సింపుల్ లవ్ స్టోరీ. గద్వాల్ రెడ్డిగారు అని ఉస్మానియా యూనివర్శిటీలో పని చేసే ఒక ప్రొఫెసర్ అమ్మాయికి, పేపర్ వేసుకునే కుర్రాడికి మధ్య జరిగే ప్రేమకథ అని తెలిపారు.

ప్ర‌ధాని కుర్చీ కోసం విప‌క్షాలు అలా ప‌రిగెత్తి వస్తున్నాయి!

ప్ర‌ధాని కుర్చీ కోసం విప‌క్షాలు అలా ప‌రిగెత్తి వస్తున్నాయి!

లోక్‌సభలో అవిశ్వాస తీర్మానంపై చర్చ సందర్భంగా కాంగ్రెస్ చీఫ్ రాహుల్ గాంధీ తనను ఆలింగనం చేసుకోవడంపై ప్రధాని నరేంద్ర మోదీ తనదైన శైలిలో స్పందించారు. పేరు ప్రస్తావించకుండా రాహుల్‌పై వ్యంగ్యాస్త్రాలు సంధించారు. పనిలో పనిగా విపక్షాలకు కూడా చురకలు వేశారు. ‘ప్రధానమంత్రి కుర్చీ దగ్గరకు వాళ్లు ఎలా పరుగెత్తుకొస్తున్నారో మీరంతా చూశారు. వాళ్లకు ప్రధానమంత్రి కుర్చీ తప్ప మరేమీ కనిపించదు..'' అని ప్రధాని వ్యాఖ్యానించారు. అవిశ్వాస తీర్మానంలో నెగ్గాక తొలిసారి ఉత్తర ప్రదేశ్‌లోని షాజహాన్‌పూర్ వేదికగా ప్రధాని మోదీ మాట్లాడారు.   
చంద్ర నిప్పులు: అవినీతి పార్టీతో అంటకాగుతూ నాపై విమర్శలా...

చంద్ర నిప్పులు: అవినీతి పార్టీతో అంటకాగుతూ నాపై విమర్శలా...

ఏపీకి ఎన్డీఏ చేసిన అన్యాయంపై దేశానికి చెప్పేందుకే అమరావతి నుంచి ఢిల్లీకి వచ్చినట్లు ఏపీ సీఎం చంద్రబాబు చెప్పారు. ఢిల్లీలో ఆయన మీడియా సమావేశం నిర్వహించారు. ముందుగా అవిశ్వాస తీర్మానం పెట్టినసమయంలో మద్దతు ఇచ్చిన పార్టీలకు చంద్రబాబు కృతజ్ఞతలు తెలిపారు. మోడీ ప్రభుత్వానికి అంత మెజార్టీ వచ్చిందంటే తమ భాగస్వామ్యం కూడా ఉందని చంద్రబాబు గుర్తు చేశారు. ఎన్నికల ప్రచారంలో ఏపీకి ప్రత్యేక హోదా ఇస్తామని పలుమార్లు మోడీ హామీ ఇచ్చారని చంద్రబాబు చెప్పారు. తిరుపతిలో వెంకటేశ్వరస్వామి ముందు హామీ ఇచ్చి మాటతప్పారని ధ్వజమెత్తారు.

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more