Short News

మీరు మార‌రా అంటూ మంత్రి గంటా ఫైర్

మీరు మార‌రా అంటూ మంత్రి గంటా ఫైర్

ఏపీలో టెట్ ఎగ్జామ్ కేంద్రాల కేటాయింపుల పొర‌పాట్లు జ‌ర‌గ‌డంపై ఘంటా శ్రీనివాస్ అధికారులపై మండ‌ప‌డ్డారు. ఈనెల 21 నుంచి మార్చి మూడో తేదీ వరకు ఆన్‌లైన్‌లో టెట్‌ పరీక్ష నిర్వహించేందుకు ప్రభుత్వం ఏర్పాట్లు చేస్తోంది. ఏ జిల్లా నుంచి అభ్యర్ధి దరఖాస్తు చేస్తే- ఆ జిల్లా కాకుండా ఒక మూల నుంచి మరో మూలకు విసిరేయడం ఏమిటని గట్టిగా నిలదీశారు. . తొలిసారి ఆన్‌లైన్‌లో టెట్‌ పరీక్ష నిర్వహిస్తున్నందున ఏ చిన్నపాటి పొరపాటుకు తావివ్వొద్దని పదేపదే చెబుతున్నా అలసత్వం కనబరుస్తుండడం సరికాదని హెచ్చరించారు.
అవిశ్వాసంతో ప్రయోజనం లేదన్న చంద్రబాబు

అవిశ్వాసంతో ప్రయోజనం లేదన్న చంద్రబాబు

కేంద్ర ప్రభుత్వంపై అవిశ్వాస తీర్మానంపై ఏపీలో పోలిటికల్ హీట్ పెరుగుతోంది. ఆవిశ్వాసం పెడితే టీడీపీకి మద్దతిస్తానని వైసీపీ అధినేత జగన్ అన్నారు. మరోవైపు  అవిశ్వాసం కోసం తాను కూడా  ఎంపీల మద్దతు కూడగడతానని ప్రకటించారు జనసేన అధినేత పవన్ కల్యాన్. దీనిపై స్పందించిన సీఎం చంద్రబాబు అవిశ్వాసంతో ఉపయోగం లేదని తేల్చిచెప్పారు. అన్ని ప్రయత్నాలు ముగిసిన తర్వాత చివరి ప్రయత్నంగా మాత్రమే ఉండాలన్నారు.
లేటుగా వచ్చిన పైలట్, బయటకు చెప్తే విమానం పేల్చేస్తా

లేటుగా వచ్చిన పైలట్, బయటకు చెప్తే విమానం పేల్చేస్తా

ఢిల్లీలోని ఇందిరా గాంధీ అంతర్జాతీయ విమానాశ్రయంలో గోఎయిర్ సంస్థకు చెందిన జీ8 113 విమానం ఉదయం 5.50కి బయల్దేరాల్సి ఉంది. ప్రయాణికులు వచ్చినా పైలట్లు 7గంటల వరకు పైలట్లు విమానం వద్దకు రాలేదు. కనీసం విమానం కదులుతుందో లేదో తెలియక కొందరు ప్రయాణికులు కేకలు వేశారు. అప్పటికే కోపంతో ఊగిపోతున్న కొందరు వారిని వీడియో తీశారు. పైలట్లు వద్దని చెబుతున్నా సోషల్ మీడియాలో పోస్టు చేస్తామని బెదరించారు. వీడియోలు పోస్టు చేస్తే విమానాన్ని దారిమధ్యలోనే పేల్చేస్తారట అని ఓ ప్రయాణికుడు చెప్పడంతో కలకలం రేగింది.
అందుకే ఇలా: జగన్ పార్టీపై తమ్మారెడ్డి సంచలన వ్యాఖ్యలు, బాబుకు చురక

అందుకే ఇలా: జగన్ పార్టీపై తమ్మారెడ్డి సంచలన వ్యాఖ్యలు, బాబుకు చురక

వైయస్సార్ కాంగ్రెస్ పార్టీపైన ప్రముఖ నిర్మాత, దర్శకుడు తమ్మారెడ్డి భరద్వాజ సంచలన వ్యాఖ్యలు చేశారు. ప్రత్యేక హోదా, ప్రత్యేక ప్యాకేజీ విషయంలో ఆ పార్టీ చిత్తశుద్ధితో పోరాడలేకపోయిందని విమర్శించారు. ఆయన ఓ వెబ్ సైట్ ముఖాముఖిలో మాట్లాడారు. ఈ నాలుగేళ్లలో వైయస్సార్ కాంగ్రెస్ పార్టీ తన ఎమ్మెల్యేలను, ఎంపీలను కాపాడుకోలేకపోయిందని తమ్మారెడ్డి ఎద్దేవా చేశారు. ఏపీలో ఏదో చేస్తున్నామని చెప్పే ప్రయత్నం చేస్తోందన్నారు. తెలుగుదేశం పార్టీ కూడా ఏపీకి చేసింది ఏమీ లేదన్నారు.