Short News

ప్రపంచంలో మరే కారుకు సాధ్యం కాని ఛాలెంజ్ పూర్తి చేసిన రేంజ్ రోవర్ స్పోర్ట్

ప్రపంచంలో మరే కారుకు సాధ్యం కాని ఛాలెంజ్ పూర్తి చేసిన రేంజ్ రోవర్ స్పోర్ట్

చైనాలో సహజ సిద్దంగా ఏర్పడిన ఒక రాతి తోరణం కలదు. స్వర్గదామంగా పేరు పొందిన ఈ ప్రదేశాన్ని చేరుకోవాలంటే పెద్ద పెద్ద కొండల మధ్యనున్న 99 మలుపులు మరియు నిటారుగా ఉన్న 999 మెట్ల ద్వారా చేరుకోవాలి. ఇప్పటి వరకు ఎలాంటి వాహనాలను కూడా ఈ మెట్ల ద్వారా హెవెన్ గేటును చేరుకోలేకపోయాయి.

రేంజ్ రోవర్ స్పోర్ట్ ఎస్‌యూవీ అసాధ్యాన్ని సుసాధ్యం చేస్తూ ఏకబిగిన హెవెన్ గేట్‌ను చేరుకుని ప్రపంచ రికార్డు సృష్టించింది. వీడియో మరియు ఫోటోలతో పాటు మరిన్ని వివరాలు డ్రైవ్‌స్పార్క్ తెలుగులో...

స్విఫ్ట్ సిస్టంపై 2016లోనే హెచ్చరించిన ఆర్‌బీఐ!

స్విఫ్ట్ సిస్టంపై 2016లోనే హెచ్చరించిన ఆర్‌బీఐ!

స్విఫ్ట్ సిస్టమ్.. బ్యాంకుల మధ్య పరస్పరం సమాచారం పంపుకునే విధానం. ఇప్పుడు ఈ స్విఫ్ట్ సిస్టమే పంజాబ్‌ నేషనల్‌ బ్యాంకులో భారీ స్కాంకు కారణభూతమైంది. ఈ స్విఫ్ట్ సిస్టమ్‌ ద్వారానే ప్రముఖ వజ్రాల వ్యాపారి నీరవ్‌ మోడీ రూ.11,400 కోట్ల స్కాంకు పాల్పడ్డారు. నిజానికి పీఎన్‌బీ స్కాం వెలుగులోకి రావడానికి రెండేళ్ల క్రితమే అంటే 2016లోనే.. ఈ స్విఫ్ట్‌ ఇంటర్‌బ్యాంకు నెట్‌వర్క్‌లో లోపాలున్నాయని, వాటిని దుర్వినియోగ పరుస్తున్నట్లుగా రిజర్వు బ్యాంకు ఆఫ్‌ ఇండియా దేశంలోని అన్ని బ్యాంకులకు హెచ్చరించింది.

మేడపైనే విమానం తయారుచేశాడు.. రూ.35 వేల కోట్ల డీల్ కొట్టేశాడు

మేడపైనే విమానం తయారుచేశాడు.. రూ.35 వేల కోట్ల డీల్ కొట్టేశాడు

కెప్టెన్ అమోల్ యాదవ్ ముంబయిలోని కండివాలి సబర్బ్‌లోని తన ఇంటి మేడపై ఆరేళ్లపాటు శ్రమించి ఆరుగురు కుర్చునే వీలున్న విమానం తయారు చేశారు. ముంబయిలో జరిగిన 'మేక్ ఇన్ ఇండియా' కార్యక్రమంలో ఆ విమానాన్ని ప్రదర్శనకు ఉంచారు. అమోల్ యాదవ్ సొంతగా తయారుచేసిన విమానం విజయవంతంగా ఎగరడంతో ఆయనతో భారీ ప్రాజెక్టు చేపట్టేందుకు మహారాష్ట్ర ప్రభుత్వం ఒప్పందం కుదుర్చుకుంది. సోమవారం మహారాష్ట్ర ముఖ్యమంత్రి దేవేంద్ర ఫడ్నవీస్ సమక్షంలో అమోల్ యాదవ్‌కు చెందిన థ్రస్ట్ ఎయిర్‌క్రాఫ్ట్ ప్రైవేట్ లిమిటెడ్‌తో ప్రభుత్వం రూ.35వేల కోట్ల ఒప్పందం కుదుర్చుకుంది.

గుణశేఖర్ దర్శకత్వంలో 'హిరణ్య కశప'గా రానా

గుణశేఖర్ దర్శకత్వంలో 'హిరణ్య కశప'గా రానా

నటుడు రానా పౌరాణిక చిత్రానికి సిద్ధమవుతున్నాడు. ప్రస్తుతం 1945, హథీ మేరీ సాథీతో సినిమాల్లో నటిస్తున్నాడు. ఈ రెండు సినిమాల తరువాత గుణశేఖర్‌ దర్శకత్వంలో 'హిరణ్య కశ్యప' సినిమాను రెడీ అవుతున్నాడు. ఇప్పటికే ఈ సినిమా ప్రీ ప్రొడక్షన్ కార్యక్రమాలు జరుగుతున్నాయి. ఈ సినిమాలో భక్త ప్రహ్లాదుడి కథను హిరణ్యకశ్యపుడి కోణంలో చూపించనున్నారు. ఈ చిత్రాన్ని రూ.150 కోట్ల భారీ బడ్జెట్ తో తెరకెక్కించనున్నారు.