Short News

ఆర్‌కామ్‌కు షాకిచ్చిన సుప్రీంకోర్టు ..షేర్లు కుదేలు

ఆర్‌కామ్‌కు షాకిచ్చిన సుప్రీంకోర్టు ..షేర్లు కుదేలు

అనిల్ అంబానీకి చెందిన రిలయన్స్‌ కమ్యూనికేషన్స్‌కు సుప్రీంకోర్టులో మరోసారి ఎదురుదెబ్బ తగిలింది. ముకేష్ అంబానీకి చెందిన రిలయన్స్ జియో ఇన్ఫోకామ్ లిమిటెడ్‌తో ఆస్తుల విక్రయ ఒప్పందానికి బ్రేక్‌ వేసింది. దీనికి సంబంధించి నేషనల్ కంపెనీ లా ట్రిబ్యునల్ ఇచ్చిన ఆర్డర్‌పై స్టే విధించింది. ఆర్‌కామ్ టవర్‌ సంస్థలో 4శాతం వాటా వున్న హెచ్‌ఎస్‌బీసీ డైసీ ఇన్వెస్ట్‌మెంట్స్‌ లిమిటెడ్ సవాల్‌ను కోర్టు స్వీకరించింది. ఈ వార్తలతో స్టాక్‌మార్కెట్‌లో ఆర్‌కాం కౌంటర్‌ 2శాతానికిపైగా నష్టాలతో కొనసాగుతోంది. 
'రేస్ 3' కోసం కాశ్మీర్ వెళుతున్న సల్మాన్

'రేస్ 3' కోసం కాశ్మీర్ వెళుతున్న సల్మాన్

బాలీవుడ్ కండల వీరుడు స‌ల్మాన్‌ఖాన్ ప్ర‌స్తుతం రెమో డిసౌజా ద‌ర్శ‌క‌త్వంలో 'రేస్ 3' చిత్రాన్ని చేస్తున్నాడు. జూన్ 15న విడుద‌ల కానున్న ఈ మూవీ చిత్రీక‌ర‌ణ పూర్తయింది. బ్యాలెన్స్ ఉన్న ఒక్క సాంగ్‌ని చిత్రీక‌రించేందుకు స‌ల్మాన్ అండ్ టీమ్ త్వ‌ర‌లో క‌శ్మీర్‌కి వెళ్ళ‌నుంది. లీ, ల‌డ‌ఖ్ ప్రాంతాల‌లో మూడు రోజుల పాటు చిత్ర బృందం అంతా క‌శ్మీర్‌లోనే ఉంటుంది. భ‌జ‌రంగీ భాయిజాన్ తర్వాత సల్మాన్ క‌శ్మీర్‌లో చిత్రీక‌ర‌ణ చేస్తున్న సినిమా ఇదే. ఈ  చిత్రంలో జాక్వెలిన్ ఫెర్నాండెజ్ నాయిక‌.
ఒట్టు తీసి గట్టు మీద పెట్టేస్తున్నా

ఒట్టు తీసి గట్టు మీద పెట్టేస్తున్నా

జనసేన అధినేత పవన్‌కళ్యాణ్‌పై శ్రీరెడ్డి అనుచిత వ్యాఖ్యలు చేయడం వెనుక తానే ఉన్నానంటూ వర్మ ప్రకటించడంతో చిత్ర పరిశ్రమలో తీవ్ర దుమారం రేగింది. ఈ నేపథ్యంలో మెగా ఫ్యామిలీపై నెగటివ్ కామెంట్స్ చేయనని ఒట్టేసిన వర్మ ఒట్టు తీసి గట్టు మీద పెట్టాడు. 'నేను చేసిన పనికి సారీ చెప్పి పీకే మీద ఇక కామెంట్‌ చేయనని మా మదర్‌ మీద ఒట్టు వేసా. ఆ తర్వాత నేను, సీబీఎన్‌, లోకేష్‌, శ్రీనిరాజు, ఆర్కే, రవిప్రకాష్‌, మూర్తి కూటమిలో ఉన్నానని ఆరోపించడంతో మా మదర్‌ అంగీకారంతో ఇప్పుడు నా ఒట్టు తీసి గట్టుమీద పెట్టాను'' అని ట్వీట్‌ చేసాడు.  
బాబోయ్ ..ఎండలు ..మరో రెండు రోజులు ఇంతే.!

బాబోయ్ ..ఎండలు ..మరో రెండు రోజులు ఇంతే.!

తెలంగాణా రాష్ట్రంలో ఎండలు మండుతున్నాయి. శుక్రవారం అన్ని జిల్లాల్లో 42 డిగ్రీలకుపైగా గరిష్ఠ ఉష్ణోగ్రతలు నమోదయ్యాయి. శని, ఆదివారాలు ఎండలు మరింత పెరిగే అవకాశం ఉన్నదని హైదరాబాద్ వాతావరణ కేంద్రం హెచ్చరించింది. గుజరాత్‌ నుంచి వీస్తున్న వేడిగాలుల ప్రభావం తెలంగాణపై పడుతున్నదని పేర్కొంది. ఉష్ణోగ్రతలు సాధారణం కంటే 3 నుంచి 4 డిగ్రీల పెరగవచ్చని తెలిపింది. శుక్రవారం అత్యధికంగా మంచిర్యాల జిల్లాలో 44.3 డిగ్రీల గరిష్ఠ ఉష్ణోగ్రత నమోదైనట్టు వెల్లడించింది.