Short News

డేటింగ్ అంటూ ప్రపోజ్ చేస్తున్నారు

డేటింగ్ అంటూ ప్రపోజ్ చేస్తున్నారు

ఒక్క చూపుతో స్టార్ అయిపోయిన మలయాళీ భామ ప్రియా ప్రకాశ్‌ వారియర్‌ తొలిసారి ఓ ఆంగ్ల మీడియా ద్వారా స్పందించింది. ఆ వీడియో వల్ల నా జీవితమే మారిపోయిందని అభిమానుల ఆదరణను ఎలా తట్టుకోవాలో అర్థంకావడం లేదని చెప్పింది. నా కనుబొమ్మలతోనే హావభావాలు పలికించాలని దర్శకుడు చెప్పినట్లే చేసినట్లు చెప్పింది. వాలెంటైన్స్‌ డే రోజున డేట్‌కి వస్తావా అని కొందరు అడిగారని తెలిపింది. చాలా మంది ప్రపోజ్‌ చేసారని చెప్పిన ఈ భామ తానింకా ఎవ్వర్నీ ప్రేమించలేదని చెప్పింది.
డ్రోన్ల ద్వారా దోమల్ని వదులుతున్నారు

డ్రోన్ల ద్వారా దోమల్ని వదులుతున్నారు

దోమలను నియంత్రించేందుకు అంతర్జాతీయ అణు ఇంధన సంస్థ డ్రోన్‌ సహాయంతో వాతావరణంలోకి వంధ్యత్వ దోమలను విడిచిపెట్టే ప్రక్రియను విజయవంతంగా పరీక్షించింది. జికా, ఇతర వ్యాధుల ప్రాబల్యాన్ని తగ్గించేందుకు ఈ కార్యక్రమం చేపట్టినట్లు ఐఏఈఏ తెలిపింది. ఐఏఈఏ, ఎఫ్‌ఏవో, వుయ్‌ రోబోటిక్స్‌లు గతేడాది సిట్‌ ఆధారితంగా డ్రోన్ల నుంచి దోమలను విడిచిపెట్టే విధానాన్ని రూపొందించాయి. ఈ ప్రక్రియలో డ్రోన్లలో ఉంచే మగ దోమలకు పునరుత్పత్తి సామర్థ్యాన్ని దూరంచేసి వాతావరణంలో విడిచిపెడతారు.
హైదరాబాద్ లో ఏప్రిల్ 23న పెట్రోలు, డీజిల్ ధరలు

హైదరాబాద్ లో ఏప్రిల్ 23న పెట్రోలు, డీజిల్ ధరలు

పెట్రోల్‌ ధరలు తొలిసారి రికార్డు స్థాయికి చేరాయి. దిల్లీలో లీటరు పెట్రోల్‌ ధర రూ.74.04కు చేరగా, డీజిల్‌ ధర రూ.65.65 చేరి, ఆల్‌టైమ్‌ రికార్డు ధరను నమోదు చేసింది. ప్రభుత్వ రంగ ఆయిల్‌ కంపెనీలన్నీ గతేడాది జూన్‌ నుంచి రోజు వారీగా పెట్రోలు ధరల సవరిస్తూ వస్తున్నాయి. ఇందులో భాగంగా హైదరాబాద్ నగరంలో ఈరోజు పెట్రోల్‌ ధర 11 పైసలు పెరిగింది. ఈ మేరకు సోమవారం లీటరు పెట్రోల్‌ ధర 78.90కు చేరింది. డీజిల్‌ ధర 11పైసలు పెరిగి అత్యధికంగా రూ.71.44కు చేరింది. 
అందుకే 'ఏబీడి' బెస్ట్‌ ప్లేయర్‌‌

అందుకే 'ఏబీడి' బెస్ట్‌ ప్లేయర్‌‌

సొంతగడ్డపై బెంగళూరు చెలరేగిపోయింది. ఏబీ డివిలియర్స్‌ బౌండరీలు, సిక్సర్లతో ప్రత్యర్థి నిర్దేశించిన లక్ష్యాన్ని అవలీలగా దాటించేసాడు. శనివారం జరిగిన మ్యాచ్ లో అద్భుత విజయాన్ని అందించాడు. మ్యాచ్‌ అనంతరం ఆర్‌సీబీ కెప్టెన్‌ విరాట్ కోహ్లీ మాట్లాడుతూ 'మా జట్టులో చిరునవ్వులకు కారణం ఏబీడీనే. తనదైన శైలిలో రెచ్చిపోయి ప్రత్యర్థి జట్టు నుంచి మ్యాచ్‌ను లాక్కున్నాడు. ఈ కారణంగానే అతణ్ని ప్రపంచంలోనే ఉత్తమ ఆటగాడు అనటంలో ఎలాంటి సందేహం లేదని' కితాబిచ్చాడు.