Short News

రేస్ 3 ట్రైలర్‌పై విమర్శలు.. ప్రభాస్ 'సాహో'ని కాపీ చేశారు, ఆ ఇద్దరూ అలాగే!

రేస్ 3 ట్రైలర్‌పై విమర్శలు.. ప్రభాస్ 'సాహో'ని కాపీ చేశారు, ఆ ఇద్దరూ అలాగే!

కండల వీరుడు సల్మాన్ ఖాన్ నటించిన రేస్ 3 చిత్ర ట్రైలర్ ఇటీవల విడుదలైంది. యాక్షన్ ప్రియులకు ఈ ట్రైలర్ నచ్చుతోంది కానీ కామన్ ఆడియన్స్ కి మాత్రం నచ్చడం లేదు. బాలీవుడ్ యాక్షన్ చిత్రాలలో కనిపించిన సన్నివేశాలే రేస్ 3 ట్రైలర్ లో కూడా కనిపిస్తున్నాయని పెదవి విరుస్తున్నారు. సల్మాన్ ఖాన్, జాక్వెలిన్ ఫెర్నాండేజ్, అనిల్ కపూర్ ప్రధాన పాత్రల్లో నటించారు. రేస్ 3 ట్రైలర్ లో సల్మాన్ ఖాన్, జాక్వలిన్ పెర్నాండెజ్ శిఖరం నుంచి దూకే సన్నివేశం ఉంటుంది. ఆ స్టంట్ ను ప్రభాస్ సాహూ చిత్రం నుంచి కాపీ చేసారని నెటిజన్లు ట్రోల్ చేస్తున్నారు.

రెండు నిమిషాల ప‌రుగుతో ఎముక‌లు దృఢం

రెండు నిమిషాల ప‌రుగుతో ఎముక‌లు దృఢం

వయస్సు మీద పడుతున్నకొద్దీ స్త్రీలలో ఎముకల ఆరోగ్యం దెబ్బతింటుందన్న సంగతి తెలిసిందే! ఎముకలు పూర్వ ఆరోగ్యం సంతరించుకోవడానికి ప్రతి రోజూ రెండు నిమిషాలు పరుగు తీయడం లేదా జిమ్‌లో బరువులెత్తడం చేస్తే మంచి ఫలితం పొందవచ్చంటున్నారు నిపుణులు. సుమారు 2500 మంది స్త్రీల మీద వీరు సుదీర్ఘ అధ్యయనం నిర్వహించారు. వీరిలో కొందరి చేత ప్రతి రోజూ రెండు నిమిషాల పాటు పరుగు, జిమ్‌లో బరువులెత్తించడం చేశారు. మిగతావారిని మామూలుగా నడవమన్నారు. కొన్ని రోజుల తరువాత వీరి ఆరోగ్యాన్ని పరిశీలించగా పరుగుతీసిన స్త్రీలలో ఎముకల ఆరోగ్యం మునుపటికన్నా మెరుగు పడటం గుర్తించారు.     
ఢిల్లీ ఘన విజయం..టోర్నీనుంచి ముంబై ఔట్

ఢిల్లీ ఘన విజయం..టోర్నీనుంచి ముంబై ఔట్

టీ20లీగ్ 2018లో భాగంగా పుణే వేదికగా ముంబై ఇండియన్స్ తో జరిగిన మ్యాచ్ లో 11 పరుగుల తేడాతో ఢిల్లీ డేర్‌డెవిల్స్‌ గెలిచింది. సీజన్‌లో డిఫెండింగ్‌ చాంపియన్‌గా బరిలోకి దిగిన ముంబై ఇండియన్స్‌ పోరాటం లీగ్‌ దశలోనే ముగిసింది. బ్యాట్స్ మెన్స్ పేలవ ప్రదర్శనతో సొంతగడ్డపై 163 పరుగులకే ఓటమి పాలై టోర్నీ నుంచి నిష్క్రమించింది.ఫలితంగా మరోసారి ప్లేఆఫ్‌కు చేరాలన్న ముంబై ఇండియన్స్‌ లక్ష్యం నెరవేరలేదు. అంతకుముందు ముంబై టాస్ గెలిచి ఫీల్డింగ్ ఎంచుకోవడంతో బ్యాటింగ్ చేపట్టిన ఢిల్లీ జట్టు 174 పరుగులు చేసింది. రిషబ్ పంత్ ఆఫ్ సెంచరీ సాధించాడు.
పెట్రోల్‌ ధరలు పెంపుపై స్పందించిన కేంద్రమంత్రి

పెట్రోల్‌ ధరలు పెంపుపై స్పందించిన కేంద్రమంత్రి

పెట్రోల్‌ ధరలు అత్యంత గరిష్టస్థాయికి చేరుకోవడంపై కేంద్ర పెట్రోలియం శాఖమంత్రి ధర్మేంద్ర ప్రధాన్‌ స్పందించారు. పెట్రో ఉత్పత్తులు తగ్గడం, అంతర్జాతీయ మార్కెట్‌లో ముడిచమురు ధరలు పెరగడం.. పెట్రోల్‌, డిజిల్‌ ధరలపై ప్రభావం చూపిందన్నారు. పెట్రోల్‌, డిజిల్‌ ధరలు పెరుగుదలతో సామన్య ప్రజలు తీవ్ర ఇబ్బందులు ఎదుర్కొంటున్నారనే విషయాన్ని తాను అంగీకరిస్తున్నట్లు తెలిపారు. త్వరలోనే భారత ప్రభుత్వం ఈ సమస్యకు పరిష్కారం చూపిస్తుందని పేర్కొన్నారు.