Short News

సినిమా కోసం హాకీ నేర్చుకున్న తాప్సీ

సినిమా కోసం హాకీ నేర్చుకున్న తాప్సీ

కథలు, పాత్రల ఎంపికలో వైవిధ్యతకు ఎక్కువగా ప్రాధాన్యతనిస్తోంది పంజాబీ సొగసరి తాప్సీ. బాలీవుడ్ చిత్రం సూర్మలో దేశం, క్రీడల పట్ల అమితమైన ప్రేమాభిమానాలు కలిగిన హర్‌ప్రీత్ అనే హాకీ క్రీడాకారిణిగా కనిపించ‌బోతోంది ఈ ముద్దుగుమ్మ‌. తాప్సీ పాత్రను పరిచయం చేస్తూ ఓ వీడియోను ఇటీవలే చిత్ర బృందం విడుదల చేసింది. భారత హాకీ క్రీడాకారుడు సందీప్ సింగ్ జీవిత కథ ఆధారంగా ఈ చిత్రాన్ని రూపొందిస్తున్నారు. సందీప్‌సింగ్ భార్య పాత్రలో తాప్సీ కనిపించనున్నట్లు తెలిసింది. ఈ పాత్ర కోసం హాకీలో ఆమె కొన్నాళ్లు శిక్షణ తీసుకున్నట్లు సమాచారం.    
కనిపిస్తే కాల్చివేసే రోజులొస్తాయి..: సీఎం రమేష్ పై మంత్రి ఆద

కనిపిస్తే కాల్చివేసే రోజులొస్తాయి..: సీఎం రమేష్ పై మంత్రి ఆద

సీఎం రమేష్‌ ప్రతి పనికీ అడ్డొస్తే కనిపిస్తే కాల్చివేత రోజులొస్తాయని మంత్రి ఆది నారాయణరెడ్డి సంచలన వ్యాఖ్యలు చేశారు. పోట్లదుర్తి కుటుంబీకులకు చెప్పులతో కొట్టే రోజులు వస్తాయని తీవ్ర స్థాయిలో విరుచుకుపడ్డారు. తాను గన్‌లాంటి వాడిని అని, కార్యకర్తలు బుల్లెట్‌లను అందిస్తే తన పని కాల్చడమేనని ఆయన పేర్కొన్నారు.
నియోజకవర్గంలో సీఎం రమేష్ వందల కోట్లు పనులు చేసుకుంటున్నా తాము పట్టించుకోవడం లేదని చెప్పారు. కొంత మంది తమపై నీచంగా మాట్లాడుతున్నారని, తాను మార్కెట్‌ యార్డులో కూపన్లు అమ్ముకున్నానని ప్రచారం చేయడం నీచమన్నారు.

వణికిస్తోన్న 'నిఫా' వైరస్: కేరళకు అత్యవసరంగా వ్యాధి నియంత్రణ

వణికిస్తోన్న 'నిఫా' వైరస్: కేరళకు అత్యవసరంగా వ్యాధి నియంత్రణ

కేరళలో నిఫా వైరస్ కలకలం సృష్టిస్తోంది. వైరస్ సోకిన ముగ్గురు మృత్యువాత పడటంతో కేంద్రం అప్రమత్తమైంది. ఈ నేపథ్యంలో జాతీయ వ్యాధి నియంత్రణ బృందాన్ని కేంద్రమంత్రి జేపీ నడ్డా కేరళకు వెళ్లాల్సిందిగా ఆదేశించారు.కేంద్రమంత్రి ఆదేశాల మేరకు జాతీయ బృందం వెళ్లి అక్కడి పరిస్థితిపై సమీక్షించనుంది. 'కేరళలో నిఫా వైరస్ వ్యాప్తిపై సమీక్షపై నిర్వహించాం. జాతీయ వ్యాధి నివారణ బృందాన్ని అక్కడికి వెళ్లి అవసరమైన చర్యలు తీసుకోవాల్సిందిగా కోరాం.' అని జేపీ నడ్డా తెలిపారు.

ధనిక దేశాల జాబితాలో 'భారత్'కి ఆరోస్థానం

ధనిక దేశాల జాబితాలో 'భారత్'కి ఆరోస్థానం

అంతర్జాతీయ సుసంపన్న దేశాల జాబితాలో భారత్ ఆరో స్థానంలో నిలిచింది. మన దేశ మొత్తం సంపద దాదాపు రూ.559 లక్షల కోట్లు. ప్రపంచంలోనే అత్యంత ధనిక దేశంగా నిలిచిన అమెరికా సంపద రూ.4,254 లక్షల కోట్లకు పైమాటే. మారిషస్‌లోని ఆఫ్ర్‌ఆసియా బ్యాంకు‘ అంతర్జాతీయ సంపద వలస సమీక్ష' పేరుతో తాజా నివేదికను విడుదల చేసింది. దీని ప్రకారం రానున్న దశాబ్దకాలంలో భారత్‌ సంపద వేగంగా పెరుగనుంది. 2027 కల్లా మనదేశం జర్మనీ, బ్రిటన్‌లను అధిగమించి సుసంపన్న దేశాల జాబితాలో 4వ స్థానానికి చేరుతుందని అంచనా.