Short News

రివ్యూ : ఆకట్టుకోలేని 'తరుణ్ లవ్ స్టోరీ'

రివ్యూ : ఆకట్టుకోలేని 'తరుణ్ లవ్ స్టోరీ'

చెల్లెల్ని అమితంగా ప్రేమించే యాడ్‌ ఫిలిం డైరెక్టర్‌ అభిరామ్‌(తరుణ్‌) ఆమె ప్రేమించిన అబ్బాయితోనే పెళ్ళి ఫిక్స్‌ చేస్తాడు. ఆమె తనకు కాబోయే మరదలిని ఆన్నయ్యతో కలపాలని ప్రయత్నం చేస్తుంది. డాక్టర్‌ శృతిని కలిసేందుకు వెళుతూ ఒక అమ్మాయి (ఒవియా)తో ప్రేమలో పడతాడు. ఇద్దరూ దగ్గరవుతున్నారనగా పోలీసులు అభిరామ్‌ను అరెస్ట్ చేస్తారు. శృతి కంప్లయిట్‌ ఇచ్చినందుకే అరెస్ట్ చేసారని తెలిసి షాక్‌ అవుతాడు. అసలు శృతి ఎందుకు అలా చేసింది.?తెలియాలంటే 'ఇది నా లవ్ స్టోరీ' చూడాల్సిందే.
చెత్తగా ఆడాం ..ముమ్మాటికీ తప్పు మాదే

చెత్తగా ఆడాం ..ముమ్మాటికీ తప్పు మాదే

టీ20 లీగ్ 2018లో భాగంగా హైదరాబాద్‌తో జరిగిన మ్యాచ్‌లో పరాజయంపై ముంబై కెప్టెన్‌ రోహిత్‌ శర్మ కీలక వ్యాఖ్యలు చేసాడు. ఐపీఎల్‌ చరిత్రలో చెత్తరికార్డును నమోదుచేసిన ముంబై 31 పరుగుల తేడాతో ఓటమి పాలైన నేపధ్యంలో రోహిత్ మాట్లాడుతూ 'ఓడిపోయినందుకు మమ్మల్ని మేము నిందించుకోవాల్సిందే. పిచ్‌ స్వభావం ఎలాంటిదైనా కావచ్చు. ఇంత చిన్న(118 పరుగుల) లక్ష్యాన్ని సునాయాసంగా ఛేధింగల సత్తా మా జట్టుకు ఉంది. బౌలర్లు అద్భుతంగా రాణించినా, బ్యాట్స్‌మన్లు దారుణంగా విఫలమయ్యారు. వ్యక్తిగతంగా నేను కూడా చెత్తగా ఆడానని చెప్పక తప్పదు' అని చెప్పాడు. 
భారత్‌లో అతిపెద్ద మొబైల్‌ టవర్‌ కంపెనీగా ఎయిర్‌టెల్‌

భారత్‌లో అతిపెద్ద మొబైల్‌ టవర్‌ కంపెనీగా ఎయిర్‌టెల్‌

దేశీయ టెలికాం దిగ్గజం భారతి ఎయిర్‌టెల్‌ తన టవర్‌ యూనిట్‌ను ఇండస్‌ టవర్స్‌ లిమిటెడ్‌తో విలీనం చేస్తున్నట్టు బుధవారం ప్రకటించింది. ఈ డీల్‌ విలువ 10.8 బిలియన్‌ డాలర్లు(రూ.71,500 కోట్లు). ఈ ఒప్పందంలో ప్రతి ఇండస్ టవర్ వాటాకి 1,565 షేర్లను చెల్లించేందుకు అంగీకరించినట్టు భారతి ఎయిర్‌టెల్‌ రెగ్యులేటరీ ఫైలింగ్ లో వెల్లడించింది. తాజా డీల్‌తో చైనా వెలుపల భారత్‌లో అతిపెద్ద మొబైల్‌ టవర్‌ కంపెనీగా ఎయిర్‌టెల్‌ ఆవిర్భవిస్తుంది. విలీనం తరువాత ఉమ్మడి సంస్థ ఇండస్‌ టవర్స్‌ లిమిటెడ్‌గా కొనసాగనుంది.  
తెదేపా నేత ఆనం వివేకానందరెడ్డి అస్తమయం

తెదేపా నేత ఆనం వివేకానందరెడ్డి అస్తమయం

తెలుగుదేశం పార్టీ నేత, నెల్లూరు మాజీ ఎమ్మెల్యే ఆనం వివేకానందరెడ్డి(67) బుధవారం కన్నుమూసారు. కొంతకాలంగా అనారోగ్యంతో బాధపడుతున్న ఆయన సికింద్రాబాద్‌లోని కిమ్స్ ఆస్పత్రిలో చికిత్స పొందుతూ మృతిచెందారు. 1950 డిసెంబర్‌ 25న నెల్లూరులో జన్మించిన ఆయన వీఆర్‌ కళాశాలలో డిగ్రీ పూర్తిచేసారు. మూడుసార్లు శాసనసభ్యుడిగా ఎన్నికయ్యారు. రేపు నెల్లూరులో వివేకానందరెడ్డి అంత్యక్రియలు నిర్వహించనున్నట్లు కుటుంబసభ్యులు తెలిపారు.