Short News

తాళం చెవి కోసం 8 గంటలు ఆగిపోయిన రైలు

తాళం చెవి కోసం 8 గంటలు ఆగిపోయిన రైలు

తాళం చెవి మిస్‌ కావడంతో ఓ గూడ్స్‌ రైలు గంటల పాటు రైల్వే స్టేషన్‌లోనే నిలిచిపోయింది. ఈ గూడ్స్‌ రైలును నడుపుతున్న సిబ్బంది స్విఫ్ట్‌లు మారే క్రమంలో రైలుకు సంబంధించిన తాళం చెవి మిస్‌ కావడంతో ఈ పరిస్థితి ఎదురైంది. మథుర నుంచి రివారికి వెళ్తున్న బొగ్గుతో నిండిన ఓ రైలు గుర్గావ్‌కు దగ్గరిలో బవల్‌ స్టేషన్‌లో దాదాపు ఎనిమిది గంటలకు పైగా ఆగిపోయింది. దీంతో భారీ మొత్తంలో ట్రాఫిక్‌ జామ్‌ఏర్పడి, వేరే మార్గాల్లో రైళ్లు ప్రయాణించాల్సి వచ్చింది.
కనిపిస్తే కాల్చివేసే రోజులొస్తాయి..: సీఎం రమేష్ పై మంత్రి ఆద

కనిపిస్తే కాల్చివేసే రోజులొస్తాయి..: సీఎం రమేష్ పై మంత్రి ఆద

సీఎం రమేష్‌ ప్రతి పనికీ అడ్డొస్తే కనిపిస్తే కాల్చివేత రోజులొస్తాయని మంత్రి ఆది నారాయణరెడ్డి సంచలన వ్యాఖ్యలు చేశారు. పోట్లదుర్తి కుటుంబీకులకు చెప్పులతో కొట్టే రోజులు వస్తాయని తీవ్ర స్థాయిలో విరుచుకుపడ్డారు. తాను గన్‌లాంటి వాడిని అని, కార్యకర్తలు బుల్లెట్‌లను అందిస్తే తన పని కాల్చడమేనని ఆయన పేర్కొన్నారు.
నియోజకవర్గంలో సీఎం రమేష్ వందల కోట్లు పనులు చేసుకుంటున్నా తాము పట్టించుకోవడం లేదని చెప్పారు. కొంత మంది తమపై నీచంగా మాట్లాడుతున్నారని, తాను మార్కెట్‌ యార్డులో కూపన్లు అమ్ముకున్నానని ప్రచారం చేయడం నీచమన్నారు.

వణికిస్తోన్న 'నిఫా' వైరస్: కేరళకు అత్యవసరంగా వ్యాధి నియంత్రణ

వణికిస్తోన్న 'నిఫా' వైరస్: కేరళకు అత్యవసరంగా వ్యాధి నియంత్రణ

కేరళలో నిఫా వైరస్ కలకలం సృష్టిస్తోంది. వైరస్ సోకిన ముగ్గురు మృత్యువాత పడటంతో కేంద్రం అప్రమత్తమైంది. ఈ నేపథ్యంలో జాతీయ వ్యాధి నియంత్రణ బృందాన్ని కేంద్రమంత్రి జేపీ నడ్డా కేరళకు వెళ్లాల్సిందిగా ఆదేశించారు.కేంద్రమంత్రి ఆదేశాల మేరకు జాతీయ బృందం వెళ్లి అక్కడి పరిస్థితిపై సమీక్షించనుంది. 'కేరళలో నిఫా వైరస్ వ్యాప్తిపై సమీక్షపై నిర్వహించాం. జాతీయ వ్యాధి నివారణ బృందాన్ని అక్కడికి వెళ్లి అవసరమైన చర్యలు తీసుకోవాల్సిందిగా కోరాం.' అని జేపీ నడ్డా తెలిపారు.

ధనిక దేశాల జాబితాలో 'భారత్'కి ఆరోస్థానం

ధనిక దేశాల జాబితాలో 'భారత్'కి ఆరోస్థానం

అంతర్జాతీయ సుసంపన్న దేశాల జాబితాలో భారత్ ఆరో స్థానంలో నిలిచింది. మన దేశ మొత్తం సంపద దాదాపు రూ.559 లక్షల కోట్లు. ప్రపంచంలోనే అత్యంత ధనిక దేశంగా నిలిచిన అమెరికా సంపద రూ.4,254 లక్షల కోట్లకు పైమాటే. మారిషస్‌లోని ఆఫ్ర్‌ఆసియా బ్యాంకు‘ అంతర్జాతీయ సంపద వలస సమీక్ష' పేరుతో తాజా నివేదికను విడుదల చేసింది. దీని ప్రకారం రానున్న దశాబ్దకాలంలో భారత్‌ సంపద వేగంగా పెరుగనుంది. 2027 కల్లా మనదేశం జర్మనీ, బ్రిటన్‌లను అధిగమించి సుసంపన్న దేశాల జాబితాలో 4వ స్థానానికి చేరుతుందని అంచనా.