Short News

రెడ్డి బ్రదర్స్ దెబ్బ: విమానంలో పారిపోయిన కాంగ్రెస్

రెడ్డి బ్రదర్స్ దెబ్బ: విమానంలో పారిపోయిన కాంగ్రెస్

బళ్లారి రెడ్డి బ్రదర్స్ దెబ్బకు కాంగ్రెస్ పార్టీకి చెందిన ఎమ్మెల్యే ప్రైవేటు విమానంలో గుర్తు తెలియని ప్రాంతానికి పారిపోయారు. కర్ణాటక ముఖ్యమంత్రిగా బీఎస్. యడ్యూరప్ప ప్రమాణస్వీకారం చేసిన తరువాత కాంగ్రెస్ పార్టీకి చెందిన కాంగ్రెస్ ఎమ్మెల్యే పారిపోయాడని వెలుగు చూడటంతో ఆ పార్టీ నేతల్లో ఆందోళన మొదలైయ్యింది. కర్ణాటకలోనే పేద ఎమ్మెల్యే గా పేరు తెచ్చుకున్న ప్రతాప్ గౌడ పాటిల్ ప్రైవేటు విమానంలో ఎలా వెళ్లారు అనే విషయంపై ఇప్పుడు జోరుగా చర్చ జరుగుతోంది.

వణికిస్తోన్న 'నిఫా' వైరస్: కేరళకు అత్యవసరంగా వ్యాధి నియంత్రణ

వణికిస్తోన్న 'నిఫా' వైరస్: కేరళకు అత్యవసరంగా వ్యాధి నియంత్రణ

కేరళలో నిఫా వైరస్ కలకలం సృష్టిస్తోంది. వైరస్ సోకిన ముగ్గురు మృత్యువాత పడటంతో కేంద్రం అప్రమత్తమైంది. ఈ నేపథ్యంలో జాతీయ వ్యాధి నియంత్రణ బృందాన్ని కేంద్రమంత్రి జేపీ నడ్డా కేరళకు వెళ్లాల్సిందిగా ఆదేశించారు.కేంద్రమంత్రి ఆదేశాల మేరకు జాతీయ బృందం వెళ్లి అక్కడి పరిస్థితిపై సమీక్షించనుంది. 'కేరళలో నిఫా వైరస్ వ్యాప్తిపై సమీక్షపై నిర్వహించాం. జాతీయ వ్యాధి నివారణ బృందాన్ని అక్కడికి వెళ్లి అవసరమైన చర్యలు తీసుకోవాల్సిందిగా కోరాం.' అని జేపీ నడ్డా తెలిపారు.

ధనిక దేశాల జాబితాలో 'భారత్'కి ఆరోస్థానం

ధనిక దేశాల జాబితాలో 'భారత్'కి ఆరోస్థానం

అంతర్జాతీయ సుసంపన్న దేశాల జాబితాలో భారత్ ఆరో స్థానంలో నిలిచింది. మన దేశ మొత్తం సంపద దాదాపు రూ.559 లక్షల కోట్లు. ప్రపంచంలోనే అత్యంత ధనిక దేశంగా నిలిచిన అమెరికా సంపద రూ.4,254 లక్షల కోట్లకు పైమాటే. మారిషస్‌లోని ఆఫ్ర్‌ఆసియా బ్యాంకు‘ అంతర్జాతీయ సంపద వలస సమీక్ష' పేరుతో తాజా నివేదికను విడుదల చేసింది. దీని ప్రకారం రానున్న దశాబ్దకాలంలో భారత్‌ సంపద వేగంగా పెరుగనుంది. 2027 కల్లా మనదేశం జర్మనీ, బ్రిటన్‌లను అధిగమించి సుసంపన్న దేశాల జాబితాలో 4వ స్థానానికి చేరుతుందని అంచనా.
చెట్ల నుంచి కీలక బ్యాక్టీరియాను వృద్ధి చేసారు

చెట్ల నుంచి కీలక బ్యాక్టీరియాను వృద్ధి చేసారు

అమెరికాలోని సాండియా నేషనల్‌ ల్యాబొరేటరీకి చెందిన శాస్త్రవేత్తలు చెట్ల భాగాలను విలువైన రసాయనాలుగా మార్చే అపూర్వమైన జీవ ఇంజినీరింగ్‌ బ్యాక్టీరియాను సృష్టించారు. వీటిని నైలాన్‌, ప్లాస్టిక్స్‌, మందులు, ఇతర విలువైన ఉత్పత్తుల తయారీలో వినియోగించవచ్చు. ప్రస్తుతం వీటిని పెట్రోలియం నుంచి ఉత్పత్తి చేస్తున్నారు. మొక్కల్లో ఉండే ‘లిగ్నిన్‌'ను కావాల్సినవిధంగా వాడుకోవడానికి ఈకోలి బ్యాక్టీరియాలో జీవ ఇంజినీరింగ్‌ విధానాన్ని ఉపయోగించి వనిల్లిన్‌ సాయంతో క్రమేణా మార్పులు చేసారు. ఈ పరిశోధనలో మనదేశానికి చెందిన సీమాసింగ్‌ పాలుపంచుకున్నారు.