Short News

మోడీ మీద రాహుల్ గాంధీ ఫైర్: మధ్యలో మీ పెళ్లి ఎప్పుడని ప్రశ్న, యువరాజు సమాధానం!

మోడీ మీద రాహుల్ గాంధీ ఫైర్: మధ్యలో మీ పెళ్లి ఎప్పుడని ప్రశ్న, యువరాజు సమాధానం!

కర్ణాటక శాసన సభ ఎన్నికల ప్రచారంలో బీజీగా ఉన్న రాహుల్ గాంధీ మంగళవారం కలబరగిలోని ఇంజనీరింగ్ కాలేజ్ లో విద్యార్థులు, పారిశ్రామికవేత్తలు, రైతులు, మేధావులతో ముఖాముఖి కార్యక్రమంలో పాల్గొని ప్రధాని మోడీ, కేంద్ర ప్రభుత్వం, ఆర్ఎస్ఎస్ మీద తీవ్రస్థాయిలో విమర్శలు చేశారు. ఆ సమయంలో ఓ వ్యక్తి పైకిలేచి గట్టిగా రాహుల్ జీ మీ పెళ్లి ఎప్పుడు అని ప్రశ్నించడంతో ఆయన ఏం సమాధానం చెప్పారో చూడండి.

నేడే టీఆర్ఎస్ ప్లీనరీ: ఫెడరల్ ఫ్రంట్‌పై కేసీఆర్ ఏం చెబుతారో

నేడే టీఆర్ఎస్ ప్లీనరీ: ఫెడరల్ ఫ్రంట్‌పై కేసీఆర్ ఏం చెబుతారో

తెలంగాణ రాష్ట్ర సమితి (టీఆర్‌ఎస్) 17వ ప్లీనరీ సమావేశాలకు సకల ఏర్పాట్లు పూర్తయ్యాయి. శుక్రవారం ఉదయం 10గంటలకు(ఏప్రిల్ 27న) హైదరాబాద్ శివారు కొంపల్లిలోని జీబీఆర్ గార్డెన్‌లో ఈ ప్లీనరీ ప్రారంభం కానుంది. ప్లీనరీ ప్రాంతానికి ప్రగతి ప్రాంగణంగా నామకరణంచేశారు. కేసీఆర్ తన ఫెడరల్ ఫ్రంట్‌పై ఈ ప్లీనరీ వేదికగా ఏదైనా కీలక ప్రకటన చేసే అవకాశం కూడా ఉంది. ఈ నేపథ్యంలో కేసీఆర్ ఏం చెబుతారోనని రాజకీయంగా ఆసక్తి ఏర్పడింది.

త్వరలో 'భరత్‌ అనే నేను'లో మరిన్ని సీన్లు

త్వరలో 'భరత్‌ అనే నేను'లో మరిన్ని సీన్లు

మహేశ్ బాబు ముఖ్యమంత్రిగా నటించిన చిత్రం 'భరత్ అనే నేను'. కొరటాల శివ దర్శకత్వంలో తెరకెక్కిన ఈ చిత్రం బాక్సాఫీస్ వద్ద భారీ వసూళ్ళతో అదరగొడుతోంది. ఈ సినిమా విడుదలకి ముందు నిడివి కారణంగా కొన్ని సీన్లను తోలిగించినట్లు చిత్రబృందం పలు ఈవెంట్లలో చెప్పింది. తాజాగా ఫైనల్ ఎడిటింగ్ సమయంలో తొలగించిన సన్నివేశాలను తిరిగి కలపబోతున్నట్టు దర్శకుడు కొరటాల శివ తెలిపాడు. త్వరలో కలపబోయే సీన్లకు ఇప్పటికే డబ్బింగ్ చెప్పించడం ప్రారంభించినట్లుగా తెలుస్తోంది.  
ఘోర రోడ్డు ప్రమాదం: ఐదుగురు మృతి

ఘోర రోడ్డు ప్రమాదం: ఐదుగురు మృతి

చిత్తూరు జిల్లాలోని పీలేరు మండలం తానా వడ్డిపల్లిలో ఘోర ప్రమాదం చోటుచేసుకుంది. గ్రామంలో జరుగుతున్న నల్లగంగమ్మ జాతరకు వచ్చి తిరిగివెళ్తున్న డప్పు కళాకారులపైకి సిమెంటు లారీ దూసుకెళ్లింది. ఈ ప్రమాదంలో ఐదుగురు ప్రాణాలు కోల్పోయారు. ఇద్దరు కళాకారులు సంఘటనా స్థలంలోనే మృతిచెందగా.. మరో ముగ్గురు ఆస్పత్రికి తరలిస్తుండగా మార్గమధ్యలో ప్రాణాలు కోల్పోయారు. మృతులను నారాయణ(43), జయరాం(44), బీరప్ప(72), వెంకటరావు(42), లక్ష్మణ్‌(68)గా గుర్తించారు. వీరంతా నిమ్మనిపల్లి మండలం కొండసానిపల్లికి చెందిన వారు.