Short News

యువతీ, యువకులకు ప్రేమించుకునే హక్కు ఉంది

యువతీ, యువకులకు ప్రేమించుకునే హక్కు ఉంది

ప్రతీ ఏడాదీ ఫిబ్రవరి 14న జరుపుకునే ప్రేమికుల దినోత్సవానికి వ్యతిరేకంగా విశ్వ హిందూ పరిషత్, భజరంగ్ దళ్ కార్యకర్తలు నిరసనలు చేస్తున్న సంగతి తెలిసిందే. అయితే ఈసారి వీహెచ్‌పీ అంతర్జాతీయ వర్కింగ్ ప్రెసిడెంట్ ప్రవీణ్ తొగాడియా ఆసక్తికర వ్యాఖ్యలు చేసారు. యువతీ యువకులు ప్రేమలో పడకపోతే వివాహాలు జరగవు. యువతీ యువకులకు ప్రేమించుకునే హక్కు ఉందని వ్యాఖ్యానించారు. మన కూతుర్లులు, సోదరీమణులకు ప్రేమించుకునే హక్కు ఉందన్నారు.
క్రికెట్ చరిత్రలోనే అత్యంత ఖరీదైన ఓవర్‌

క్రికెట్ చరిత్రలోనే అత్యంత ఖరీదైన ఓవర్‌

ఫిబ్రవరి 20కి క్రికెట్ చరిత్రలో ఓ చిరిగిపోని పేజీ ఉంది. 18 ఏళ్ల క్రితం అంటే 20-02-1990న న్యూజిలాండ్ బౌలర్ బ్రెట్ వేన్స్ ఒకే ఓవర్‌లో 77 పరుగులు ఇచ్చి రికార్డు సృష్టించాడు. మ్యాచ్‌లో 1 ఓవర్ వేసిన బ్రెట్ మొత్తం 17 నోబాల్స్ వేశాడు. ఫలితంగా బ్యాట్స్‌మెన్ ఐదు సింగిల్స్, ఆరు ఫోర్లు, ఎనిమిది సిక్సులు బాదాడు. బ్యాట్స్‌మెన్ లీ జర్మొన్ ఒకడే 70 పరుగులు చేశాడు. ఈ ఓవర్ క్రికెట్ చరిత్రలోనే అత్యంత ఖరీదైన ఓవర్‌గా నిలిచింది.
గీతాంజలి డైమండ్స్ ఉద్యోగుల ఆందోళన

గీతాంజలి డైమండ్స్ ఉద్యోగుల ఆందోళన

రంగారెడ్డి జిల్లా ర్యావిర్యాల పరిధిలోని సంగీత డైమండ్ కంపెనీ సీజ్‌తో ఉద్యోగులు రోడ్డున ప‌డ్డారు. దీంతో కార్మికులంతా కంపెనీ ఎదుట ఆందోళ‌న‌కు దిగారు . 250 ఎకరాల్లో ఉన్న ఈ కంపెనీ ఇప్పుడు గీతాంజలి జెమ్స్ అండ్ జ్యూయలరీగా మారింది. పంజాబ్ నేషనల్ స్కామ్ కేసులో నీరవ్ మోదీకి చెందిన ఆస్తులు జప్తు చేసే క్రమంలో గీతాంజలి జెమ్స్ అండ్ జ్యూయలరీలో ఈడీ అధికారులు తనిఖీలు చేసి, సీజ్ చేశారు. ఉద్యోగాలు ఊడిపోవ‌డంతో కార్మికులు ఆందోళ‌న బాట ప‌ట్టారు.
పానాసోనిక్ ఫోన్ పై రూ. 1500 ఐడీయా క్యాష్ బ్యాక్ ఆఫర్

పానాసోనిక్ ఫోన్ పై రూ. 1500 ఐడీయా క్యాష్ బ్యాక్ ఆఫర్

టెలికాం కంపెనీ ఐడీయా సెల్యూలార్ ..పానాసోనిక్ పీ 100 మొబైల్ పై రూ.1500 క్యాష్ బ్యాక్ ఆఫర్ ప్రకటించింది. క్యాష్ బ్యాక్ ఆఫర్ లో భాగంగా రూ.5,299 ఫోన్ ను రూ.3,799 కే అందిస్తోంది. వినియోగదారులు మొదట ఫోన్‌ను రూ.5,299కు కొనుగోలు చేయాలి. అనంతరం అందులో ఐడియా సిమ్‌ను వినియోగించాలి. అప్పుడు నెలకు రూ.199 లేదా ఆపైన విలువ గల ప్లాన్‌ను వాడాలి. మొదటి 12 నెలల పాటు చేస్తే కస్టమర్లకు రూ.300 క్యాష్ బ్యాక్ వస్తుంది. మరో 12 నెలల పాటు ఇలాగే వాడితే మరో రూ.1200 క్యాష్ బ్యాక్ ఇస్తారు. దీంతో ఫోన్ ధర రూ.3,799కే లభిస్తునట్టవుతుంది